.ليصرخ بعلو صوته جمر...اني عاشج ليكي والله عاشج ... اني جلبي دج ليكي وليكي وبس .

وقفت متسمره وقلبها يرجف بشده استدارت ونظرت اليه وتنظر بعيونه.

ليقول..... يمين الله جلبي دج ليكي انت وبس اول مره جلبي يدج لحد  .

ابتسم ومسك يدها .،طب شوفي اكده وضعها علي قلبه شوفي بيدج ازاي كيف الطبل .تنهدت فدقات قلبه عنيفه وقويه .،صفحه حكايات ميفو 

همست .،انت بتكدب ..انت جفلت السكه في وشي .

هتف ......،حلوف يمين الله كت عبيط جولت هتدوري عليا . كت فاكر اني هعرف اخليكي تجولي اللي في جلبك .كيف الجاموسه زي ماخليتك تلفلفي عليا اتغريت جولت هخليها تجول اللي في جلبها .

تنهدت ......اني اني ..اني كت خجلانه .

ابتسم ......بجد والنبي يعني كت في بالك السبوع كله داني كت كيف المخبول . .

هزت كتفها ،،لاه ماهجولش .

اقترب وهمس.... ورحمه الغالين لاتجولي يا شيخه اني سبوع انهبلت كت جافش في التلافون زي الجراضه بس الجمر ماعبرنيش . اشتم حالي اني جفلت واجول منك لله عملت فيها سبع جلبت جطه..يعني طب فرحي جلبي فكرتي فيا طيب ...

همست ،،الاول مين البت اللي واجفه تتمايع معاك دي .

ابتسم ،،يهمك تعرفي .

نظرت اليه غاضبه .،لاه ماعايزاش واستدارت غاضبه.

فاندفع وشدها .....استني هجول ايه ده جطر اصبري عليا طيب ...بت خالي سناء والله كت بتسلم عادي وجالتلي تعالي وصلني جولتلها لاه ورايا كتير ورايا اللي خد جلبي .

تنهدت .....يعني كت بتبصلك بصات اكده .

هتف ،،واني مالي بيها طيب اجول ايه اني انحصرت من بصات الحزين اللي منه لله شدها وهتف ،،اياك تخليه يكلم ابوكي بجولك اهه .

هتفت .،ليه مايكلمش هتزعل .

هتف بهيام ،،انجهر مش ازعل .،جمر اني من اول لحظه جلبي دج ليكي وعارف انك بتاعتي ومتوكد انك استحاله تكوني لحد غيري .ابتسمت فهتف .....يا دين النبي ايوه اكده نوريلي جلبي . الجمر مبسوط بدجات جلبي شبكت جلبه يعني .

احنت راسها وهمست ..ماخبراش انت وحش جوي .

تنهد ..جولت بهيمه اعمل ايه طيب.

هتفت .،انت وحش جوي سيبتني سبوع .

هتف ..جولت عبيط والله ال بتجل بس الجمر ماحد يتجل عليه دا هو التجل كله .

ابتسمت تنهد...لاه كداب اصدجك ازاي طيب .

اقترب ومد يده في جيبه واخرج منديل من الحرير ..قطبت جبينها ففتحه فشهقت ...كان بداخلها الورده الحنراء التي كانت تجلس عالنيل وتشكي لها نظرت اليه فهمس ...شفتي لما خرجتي جيت وراكي كيف المهبول لجيتك جاعده حزينه جولت ده ليا يا رب يكون ليا جيت اخكي الشارع جه واد ابن جزمه وجفني كت هموت افلت منه لحيتك رمتيها وجومتي الجهره كلبشت في جلبي ..استنيته لما مشي وجريت جري الم الورده كنها دهب والماظ ماحبيبي كت في يده وحطها علي وشه جعدت طول الليل المسها جولت ورده حبيبي هتفضل في حضني لحد مايبقي معايا وفي حضني ..

نظرت اليه دامعه ...همس اتصلت عليكي لجيتك جافله الهباب انجهرت وانهارده كت هنهبل ...

همست ..يعني بجد اتصلت .

يمين الله اتصلت اني بهيم اعمل ايه طيب ..شفتي اهه وورده جلبي علي جلبي .تنهدت وابتسمت خجلا ..همس يا جلبي يانا جمر بينور مامصدجش اني واجف اتكلم السبوع كت بفكر فيكي بجنون . تنهدت فهتف ....بس ينفع اكده تحصريني .

هتفت ....ليه بس .

قال بغيره.....ده لبس يتلبس ده فستان يا جادره جسمك مفسر قرص خدها ورجلك منوره من تحت الفستان وشعرك ده حصرني ..اموتك والله كت عايز اهجم عليكي ارجعك علجه سخنه .

هتفت .،ليه يعني ماكل البنات بتلبس .

هتف ،،مالي بيهم بس الجمر الجالب يخبل ماحد يوعاله .،لانت هيا وشعرت بالخجل فهتف ..هو ايه هنفضل ساكتين هفضل محصور طيب 

همست بخجل ..عايز ايه انت ..انت وحش جوي واني مش عايزه اوجع جلبي .

تنهد ،...والله ماعت هوجع الجمر اني عجلي جابني علي كد اكده كت رايد الجمر يجول اللي في جلبه 

هتفت .،تجوم تجهرني سبوع كامل .

تنهد ،،حجك عليا اني ماليش في الصنف الناعم عمري ماطبيت الا علي يدك ..

تنهدت وهمست طبيت .

هتف يا مري .،طبيت لما انهريت ..ابتسمت ..هتف ،،طب بالله ورحمه امك يا شيخه ماتنشفيها عليا اني اتوحشتك جوي جولي طيب هو اني هوا يا بت تجلك هيخلص عليا ،

ابتسمت ......عايز ايه .

هتف ..السبوع ده ماحركش حاجه جواكي في سنتي الروبه. 

ضحكت هيا .،...لاه ماخبراش اني بطل .

هتف ...طب اعمل ايه محمريه وجمر وانا جلبي خلاص هفطس .

تنهدت ..ليه يعني مبسوط بكلامي معاك جوي اكده .

مسك يدها ..الا مبسوط داني هنجن ..جمر النجع واجفه معاي اني .

هتفت بخجل ..اني مابعملهاش واصل لتكون فاكر حاجه يعني .

هتف ..واني الفرحه هتجتلني انك خصتيني بشرف وجفتك ..جمر اني رايد اعرفك واعرف جلبك .

هتفت ..تعرفني ليه طيب.

هتف ..بصي لعيوني وانت تعرفي .

نظرت اليه رجف قلبها ..همست بطل تبصلي اكده بتكسف.

هتف اعمل ايه بتخرج لوحديها ...بس جولي رايجه من ناحيتي ..هزت راسها .

هتف.... طب جلب الجمر بقي معاي ..احنت راسها ولم تتكلم .

طب طول السبوع ماجيتش علي بالك واصل والله هنجهر .

همست بخجل ...لاه يعني يعني جيت ..

شدها اليه يا فرحي يا هنايا وايه جولي .

تنهدت ..كت عايزه عايزه يعني اكلمك بس كت خجلانه .،واستنيتك كتير 

هتف .،حلوف يمين الله اعمل ايه ..طب ولما ماتكلمتش سيبتيني اكده .

همست .،فتحت الفيس بتاعك ويعني كت بشوفك فيه وكمان ..صمتت واحنت راسها خجلا .

همس بهيام....جولي فرحيني ايه داني استاهل الحرج .

هتفت .،خدت صورتك ام نضاره كت حلوه جوي وكت ببص عليها طول الليل وكمان كمان بكيت كتير .

مسك يدها وقبلها .،ماعاش اللي ينزل دمعه من عيونك حجك عليا اني اسف ،عيل بهيم.. اول مره اعرف حد .

همست ..بجد  ماتعرف حد جبل اكده .

هتف ..يمين االه اول مره ...اني زاحد مايعرفش يكلم ويتصرف مع الحريم ماعملتهاش جبل سابج ولا فكرت فيها واصل  ..دموعك نزلت عشاني ماوعي اعملها والله .

همست مندفعه ....بعد الشر ...تنهدت ....كان ...كان نفسي تتكلم جوي . 

هتف ،،بطلي بقه والله اجوم اطبش في الترعه داني استحج الحرج .

همست .،بعد الشر .

ابتسم .،طب حاجه صغنونه ..تنهدت ،،لما لجتيني واجف مع البت زعلتي .

هتفت باندفاع.... والله انجهرت وجومت اكيدك . داني اول مره في حياتي افرد شعري لجدع والله عمري مافردته خالص علي طول لاماه بستحي .

تنهد بحب .....اني استحج حرجه الجلب وحبيبي يهبلني . شعرك ده ينفرد تاني لاه جلبي ماحد يوعي لجماله دا حبيبي ليا وبس .

ابتسمت هيا .،صوح يا جبل حبيبك اني .

تنهد .،ايوه يمين الله حبيبي ولا ليا غيره .

هتفت ...جبل حد بيحب حد بسرعه اكده بطل اني مش هبله .

هتف ...فيه يا جمر حاجه كده بتاجي في لحظه رفه الجلب بتحصل لوحدها واني جلبي رف من ساعه ما رفعت عيوني ابص لفوج شوفت نجمه عاليه ماحد يطولها ماعرفتش جرالي ايه كت بلفلف عليكي كيف الاهبل ..جلبي دج وحب والله حب سبوع كت هنهبل والحلوف ده هري جلبي. 

تنهدت فهمس .....واني مش هتجوليلي اني حبيبك اياك .

خجلت واحنت راسها..همست بس جولي مافكرتش تجولها ليه وليه دلوك .

ابتسم ومسك يدها قبلها ..جمر اني واحد جد وكل دماغي اتاجر واكبر تجارتي وبس اكبر ليا طموح عالي جوي جدام بفكر في حاجات تخليني فوج جوي ..اني صحيح دلوك لسه ببدأ بس ماشيه حلو جوي مافكرت الا اما يكون معايا اللي يتجل اللي جدامي .بس لما شفتك وعيني حطت عالجمر جولت لا ماهسيبش حالي لغيري ياخده .انت اتملكتيني من نظره يا جمر ...وعشان اكده انت بتاعتي لحد اما اموت ماعرفش اصلا افكر في غيرك ..

همست بخجل ..بسرعه اكده ..

ابتسم ..هيا لحظه بتيجي في العمر وبس .. همس .،جمر رايد اسمعها منك والا لسه ماحسيتهاش .يمين الله جلبي دج ليكي انت وبس اول مره جلبي يدج لحد  .

وقفت متسمره وقلبها يرجف بشده استدارت ونظرت اليه وتنظر بعيونه عايزه اجول بس ماجدراش دلوك .

همس اني نفسي فيها ورايد اسمعها يا جلبي بس مش هضغط عليكي مسك يدها وقبلها من دلوك انت معايا وبس ليا وبس لحد ماتجولي هستناها علي نار بس تعرفي ان جبل انت بقيتي جواه بتاعته تخصيه جمر اني غيار موت ومتهسمح لحد يحرب منك .

همست ..واني ماعايزاش حد يجرب .

تنهد بغلب والمحروج سليم ومرزوج وحزانا البلد .

همست ..مالي بيهم المهم اني عايزه ايه وجلبي لمين .

اندفع بلهفه ..عايزه ايه جولي خليني انهبل .

همست ..بطل جولت مش هجول .

همس ملثما شفتيها ومن غير ماتجولي يا جلب جبل اني شايف بعيونك وحاسس ماالجلب للجب روح يا روح جبل .

تنهدت وهمست ..انت كلامك كتير بطل احنا لساتنا في الاول .

همس ..اول اخر..يمين الله  اوله زي اخره يا جلبي والله ولحد ماتجولي جبلك هيفضل مستني علي نار .

همست بلين ..جبلي .

هتف بعشق ..ايه مش جبلك برضك والا اروح ابقي جبل حد تاني .

اندفعت....والله اموتك بيدي .

ضحك ...واني لا عشت ولا اكون لغيرك يا جلب جبل ومن اهنه ورايح انت بتاعتي واني بتاعك .

همست ..طب اني همشي بقه اتوخرت .

همس ماتجعدي شويه اني ليا سبوع محروج .

ابتسمت وخبطته مندفعه ....لاه عشان تحرم تتجل عليا بالحوي وتسيبني محروجه هنهبل عليك لتشعر باندفاعها لتقوم وتذهب مسرعه ... وتركته يبتسم زي الاهبل...جلبي هينهبل عليا يا جلبي ياني  ..اتجل داني هموت اتجل ايه بس يا جلبه اللي هموت عليه لاه امحط يا جبل امحط في الصخر عشان تتجلها بالدهب حبيبك غالي والعين عليه ..عهد عليا لاجبلك عيوني الحلو كله يا واخد جلبي ..(اجعد يا حزين😭😭😭😭) .

مرت الايام وهو يكلمها كل يوم وينام علي صوتها هامسا وبدا العشق يقوي بينهم رويدا رويدا حتي اصبح القلب ينفجر بعشق صدح في الافاق لجبل وقمر عشق بيس بعده عشق فقمر تلبست جبل وامتلات جوارحه بهيام بتلك الجميله وهيا تتقبل هيامه وتصب عليه مشاعر لاول مره تختبرها ولاول مره تعطي روحها لرجل ولكنه ليس اي رجل انه الجبل الذي علا فوق الرؤس وخطف قلب القمر اليه ..

اكملت ايامها سعيده و تزوج اخيها واتت تلك الفتاه لتعيش معهم اقتربت منها قمر ولمست فيها طيبه فاصبحت كاخت لها  واصبح البيت جميلا بوجود فتاتين ولا اروع ولكن الاب غاضب دائما فقمر تكبر ووترفض العرسان وسن السادسه عشر كبير في الصعيد ..كان قلبها تعلق بجبل ولا تري غيره 

اتي يوما كانت تقابله جلس بجوارها فهمس .....اتوحشتك جوي عايزك معايا علي طول .

تنهدت ..ماني معاك علي طول في التلافون .

هتف.... لاه عايزك في حضني ..

خجلت هيا ،،بطل كلامك ده .

ضحك ..يا بت مااخرتها حضني عبيطه اياك داني بحلم يوم ماتدخلي في حضني . هتدوخي وتدوخيني .

نظرت اليه ..ادوخ ليه اكده .

ضحك ..من العشج اللي هيكون بيناتنا يا جلبي ..بس نفسي تريحي جلبي .

تنهدت ..اريحه كيف ..

هتف بعشق ....نفسي اسمع اللي في جلبك شايف بعيونك بس نفسي اسمع ...

همست بخجل .....تسمع ايه .

هتف ..لينا يامه مع بعض واني بجولهالك كل دجيجه ...بجولك عاشجك وبتنفسك بجولك بجيتي روحي ودنيتي بجولك هموت علي حبيبي ونفسي فيه ...ونفسي اسمع مثلا بحبك يا جبلي بعشجك يا واخد عجلي .

احنت اسها خجلا فهتف .،لاه بالله اني صبرت كتير وانت كل شويه تبصيلي في الارض لما هنجلط ..جولي اي حاجه بالله .

تنهدت..... مانت عارف ماعارفش يعني.

هتف ..لاه اني اهبل مابعرفش .

ضحكت .،خلاص واني ماهجولش للهبل اني .

مسك يدها وقبلها ..ارحمي جلبي  .جولي نفسي ابص في عيونك واسمعها نفسي احس انك بتاعتي العمر كله خايف .

تنهدت ...خايف خايف من ايه .

هتف ..خايف يبعدوكي عني عارف اني يعني لسه في اول حياتي بس والله حاسس بربنا هيوسعها عليا وهجبلك نجمه من السما يا جمر حالي كله ليكي يا جلبي .خايف يتكاترو عليكي وياخدوكي مني بس والله ناوي احطك بعيوني واحبلك الحلو كله داني مخطط لحاجات يامه .

هتفت بسعاده ......،صوح هتجبلي زي البنات .

هتف ..اجبلك زي البنات ..انت مش زي البنات يا جلبي انت تتاجلي بالخير كله واني عهد عليا لالبسك حرير واصيغك واشورك احلي شوار بس تصبري عليا اصحك تسمعي ليهم .

تنهدت بغلب .....اسمع لمين .

هتف بوجع ..اني واعي انك جمر ومتشافه بالجوي والكل رايد وعارف وسامع الرجاله هتنهبل وبتلفلف عليكي خايف تاجي في يوم  يبعدوكي عني. 

هتفت ......ماتجولش اكده اني اني ...

هتف ..وحياه ابوكي وامك تجولي انت ايه جولي .

نظرت اليه بعشق ...اني اني ..اني بحبك جوي واستحاله اكون لغيرك واصل لو بموت .

نظر اليها بعشق فشدها اليه واحت ضنها بقوه وهتف ......بس ماعايزش حاجه تانيه اني خلاص يا جلبي اني اكده طولت الدنيا وكفايه انك اختارتي جبل يكون ليكي حبيب . 

تنهدت ......،،يعني هتاجي تكلم ابوي .

هتف ..اصبري عليا هبابه اني ليا تجاره بسيطه اكده عشان لما تخلص اجيبلك الشوار بتاعك هاجي اكده ازاي مامعيش وانت لازمن تتجلي بالدهب .

ابتسمت ......واني ماعايزاش حاجه عايزاك طيب.

نر اليهابعشق ...طب لاجل كلامك ده استني ...واستدار واحضر كيسا واعاه لها ... بصي جبت ليك ايه .

نظرت اليه بعشق ..ايه ..

اخرج علبه من ..... افتحي .

فتحتها فوجدت فستان احمر من الحرير الستان بحمالات عريضه وعليه وفيونكه سمراء عالوسط ظلت  قصير  وبه طبقه من التل تحت الفستان تظهر من تحته ..نظرت اليه مبهوره تتلمسه ..ده ليا اني .

هتف ....ايوه يا جلبي ليكي .

قامت مسرعه تتلمسه وتضعه عليها ..بس ده ده ده ضيج جوي وجصير بس مش مشكله حلو حلو هلبسه جمر جوي بص فرح بت الشيخ ابراهيم بعد بكره هلبسه وتاجي تشوفني .

ضحك وهتف ....،طب مش تستني اما اربي جرون يا جلبي .

نظرت اليه باستغراب فضحك ....انت هبله هو اني جايبه تخرجي بيه 

هتفت..... امال جايبه ليه .

اقترب .....يعني اني هلبسك اكده ...ده ماحدش يشوفك بيه ده هيبقي عالجمر مفسر ماهتحملش .

هتفت..... امال جبته ليه ..

مسك يدها وقبل يدها وهتف .،ده هتلبسيه بعد كتب كتابنا لما الناس تمشي هشوفك بيه تخيلته عليكي ياكل من جتتك حته تخيلتك بيه قي حضني واخدك واشيلك اكده والف بيكي واجعد ارجص معاكي لوحدنا .

هتفت بخجل..... بتجول ايه. ارجص .

هتف .،لاه هترجصي داني بحلم اشوفك بتتمايلي جدامي جلبي هيجف وربنا اني طولت الجمر اخدك في حضني ساعتها واتوه معاكي جبتهولك لما شفته جولت ده لجلبي اتهني بيه يوم كتب كتابنا وتفرديلي  شعرك النار اللي عارف مابتفرديه لمخلوج .. يبقي واخد عجلي ..

تنهدت .....واني كمان نفسي البسهولك . عارف يا جبل .اني صحيح العين عليا بس فيه حاجات اكده صايناها لراجلي مشاعر حلبي كلامي عمري ماحولت حاجه لغير اللي دخل جلبي وانت دخلت جلبي يا جبل بالجوي وفرظه شعري هتبقي علي كتفك انت وبس .

هتف ...حاسس ان جلبي هيجف ...يتجفل علينا باب اشوفك لابساه ...هتلبسيه وهشوفه عليكي اتملي منك ليا لوحدي ماحد يشوف طرفك .(😭😭😭😭 ماقالش ان شاء الله ).قبل يدها انت جوهر. .

هست ..اني جهره يا جبلي .

همس مقبلا يدها انت جوهرتي الجمر اللي نور حياتي انت دنيتي الحلوه اللي بخططلها بخطط لحاجات انت معايا فيها جبل العالي بيه كبير معاه ومعاه وجنبه مرته جمر اللي ماحد يطولها وجبل طالها وحطها بعيونه .

همست .مسنيه اليوم ده جوي .

همس..هياجي واوعدك انه هياجي وتحتضنها وظل جالسا بجوارها يصب عليها عشقه .

التصقت قمر بجبل واصبحت له كروح اخري نفس لا يفعل شيء الا بمشورتها كانا كزوجين عاشقين كل منهم في مكان كانت تنام علي كلامه وتمتثل له كطفله محبه عاشقه .

كان ابيها ينغص عليها حياتها ويدخل يسم افكارها بكلامه عن الخدم والدهب والحياه الراغده كانت تصده ولكن العقل صغير مهما كان فالزن له سحر كانت حاول ان تحمي قلبها كانو يتهافتون عليها ولكن للقمر قلب دق لاحد وليس اي احد انه الجبل فقلب قمر يمتلكه جبل امتلكها ذو العنفوان والقوه يمتلك قلبها وتمتلك قلبه. كانا من عائله بسيطه وهيا ايضا كان جبل شاب ليس له الا امه وفقط  ولكنه رجل عن حق  يعشق قمر وينوي الزواج بها ولكن ظروفه ضيقه كان يمتلك قطعه من الارض علي اطراف البلد ودار صغيره جدا بجانب الارض مبنيه من الطين كان حالته صعبه ولكنه يعافر ويعافر  يحاول ان يتاجر في اي شئ  حتي يحقق لتلك الجميله التي اختارته ما تريد ..كانت تنتظره كما وعدها واقترب ميعاد وعده .

دخل عليها والدها ليخبرها ما جعل قلبها يقف عندما ....