رواية السرعة والغضب اسر ونانسي الفصل الثالث 3 بقلم سلسبيل احمد
رواية السرعة والغضب اسر ونانسي الفصل الثالث 3 هى رواية من كتابة سلسبيل احمد رواية السرعة والغضب اسر ونانسي الفصل الثالث 3 صدر لاول مرة على موقع التواصل الاجتماعى فيسبوك رواية السرعة والغضب اسر ونانسي الفصل الثالث 3 حقق تفاعل كبير على الفيسبوك لذلك سنعرض لكم رواية السرعة والغضب اسر ونانسي الفصل الثالث 3
رواية السرعة والغضب اسر ونانسي الفصل الثالث 3
- هو أنت نطيت من بلاكونتك لعندي ؟
= أها في امر غاية في الاهمية يا نوني
= أيه؟
- تيجي معايا نتسابق!؟
بصتله برفعه حاجب: أيه.!!
= هعلمك السواقة الى بجد في المكان السري بتاعي
- الساعه 7 يابني ! بعدين طب وماما وجدو
= هنبقي نقولهم اي حاجه ها ؟
ابتسمت ببلاهه ونطت من مكانها : هلبس و انزل
- هستناكي في العربية
" مكنتش مصدقه اني هاروح معاه المكان الى بيعشقه! و غالبا بيهر* ب فيه .. لبست بسرعه وماما كانت لسه نايمه وجدو كذالك سبتلها ورقه اني نزلت مع أسر و بس .. بعدين نزلت براحه و خرجت "
- يلا بينا !!
بصلي بجمب وشه: متحمسه؟
= جدا
- اربطي الحزام بقي
" بدأ يسوق وبعدين فضلنا حوالي ساعه الا ربع في الطريق لحد ما وصلنا ساحه باينه بتاعت سبق! كان طريق فاضي نوعا ما.. "
- ده المكان!؟ ده مفيش حد خالص
= مش بيبدؤا يجوا دلوقتي تعالي مكاني بقي
" بدلت معاه و بدأ فعلا يعلمني اتحرك ازاي "
- يابنتي اسحبي و بعدين دوسي بنزين وهدي و زودي بقا بعدها عادي براحتك!
= مش فاهمه يا اسر
- طيب نبدل تاني و اوريكي بقا ركزي معايا وشوفيني بعمل ايه
" فضلنا طول النهار بنجرب لحد ما ظبط الحركه الى قالي عليها و كان فخور بيا.."
>>>>>>>>>>>>>>>>>>>>>>>>>>>>>>>>>>
صلي على محمد
|| في الجامعة ||
- انتي بجد يا أميرة مستفزه مش عايزة تحضري عشان الإستاذ آسر واخد رفد!
= لاء قولتلك مليش مزاج أحضر انهاردة اتقفلت فجأة
- احسن
= ايه ده بصي !
- مش هبص
= بصي ده خالد!! هو مش قالو اخد رفد مع أسر! جه ازاي؟
- ده شكله جاي علينا
" خالد فعلا راح قعد معاهم و فضل يتكلم و يدحلبهم في الأسئلة بشكل غير مباشر..! "
اميرة: امممم وانت بقا بتسأل عن نانسي ليه؟!
- عادي يعني
بسمله ضحكت: ريح نفسك محدش فالجامعة كلها يقدر يقرب منها عشان عارفين انها تبع أسر واظن انت جربت
= انتي فاكره اني مكنتش عارف ارد عليه يعني؟ انا ليا طرق تانيه في الرد بتوجع اكتر من الصْر* ب
اميرة بقلق مستخبي: طرق تانيه.. ازاي يعني؟
- يعني ممكن دلوقتي اتكلم مع نانسي عادي اعتقد هما اتخانقوا
"اميرة و بسملة ضحكوا فنفس واحد"
- انت عارف طول سنين الكلية اتخانقوا سوا قد ايه و رجعوا عادي؟ أسر و نانسي ممكن تشوفهم بيتخا* نقوا زي الكلا * ب بس مستحيل يتفرقوا عن بعض
بسملة بتنهيده: بالظبط هي بنت عمه و عايشين سوا و بيحبوا بعض جدا عمر ما حد فيهم صرح بده بس احنا مشوفناش قصة حب اجمل منهم
خالد ضحك بسخريه: حب ؟ انت بقول نغير الموضوع.
>>>>>>>>>>>>>>>>>>>>>>>>>>>>>>>>>>
|| في شركة حسين مهران ||
- استاذ حسين
= خير يا عادل؟
- حضرتك في اخبار مش كويسة
= انا كنت حاسس
- طيب حضرتك تحب اخرج دلوقتي شكلك تعبان
= انا فعلا تعبان.. لكن قول
" بعد ما سمعه للآخر اتنهد بتعب "
- طيب اسمع يا عادل احنا لازم نعمل اجتماع قريب و ابعتوا دعوة ل محمود
= محمود ابن حضرتك؟
- أيوه
= تمام
>>>>>>>>>>>>>>>>>>>>>>>>>>>>>>>>>>
|| على طريق السبق ||
" الليل جه على أسر و نانسي و الساعه كانت 9 و الناس كانت بدأت تيجي و المكان اتزحم جدا.. ساره اول ما شافته موجود اترسم على وشها ابتسامه ولكن اختفت لما شافت نانسي جمبه و قاعدين سوا "
أسر: ايه ياعم أدهم اتأخرت ليه
أدهم بصله بستغراب: انت هنا من امتي يابني
حرك جسمه بسلاسه: من الساعه 8 الصبح
ساره بصت نانسي بغل: هي مين دي ؟؟
أسر: اعرفك نانسي ب
ساره قاطعته بأندفاع: انت عارف ان مش اي حد بيجي المكان هنا فا مش طبيعي انك تجيب معاك واحده من
اسر حط ايده على بوقها: ششششش ايييه اسكتي شوية تعالي قدامي
مسكها من دراعها وزقها قدامه: امشي
" نانسي كانت متفاجئه تماما من الى بيحصل قدامها و حست انها مضايقه! مكنتش فاهمه مين دي "
أدهم: معلش ساره انفعاليه شوية
" نانسي هزت راسها وابتسمت ربع ابتسامه وبعدين راحت عربية أسر و قعدت فيها بصمت "
- اوعي سيب دراعي
= طب مش عايز هبىىل !! مش قدامها !
- و مين دي بقا ؟؟
= بنت عمي!
- اهاااا! هي دي بقا بنت عمك الى لازقه فيك علطول
= ساره!
- وجايبها هنا ليه ؟؟
= وانتي مالك ؟؟ ملكيش دعوة بيها خالص ماشي؟ وافتكري اننا صحاب وانا مش عايز اخسرك حافظي على ده وهكرر تاني الشغل بتاعك ده ميتعملش معاها
" أسر اتحرك وسابها وهي حرفيا كانت شا* يطه "
- ادهم فين نانسي؟؟
= مش عارف هي مشيت كده علطول
" نانسي كانت في العربية و لقت الى بيركن عربيته جمبها بصت عليه من شباك العربية "
خالد بصلها: بتعرفي تسوقي؟! تيجي نتسابق
= هو انت ! انت مجنو* ن
- سميني اي حاجه.. المهم تعرفي اني معجب بيكي
"نانسي رفعت حواجبها بدهشه ومردتش!"
= انا فعلا مكنش قصدي اخبط فيكي وكانت مجرد صدفه بس انا ممتن جدا لليوم ده ومن ساعه ما شوفتك وانا مشدود ليكي.. حتي عمري ما سمحت لحد يكلمني بأسلوب ميعجبنيش بس الغريبة اني كنت عاوز اتكلم معاكي تحت اي ظرف
نانسي لفت راسها ناحيته وبصتله بسخريه: معندكش كرامه يعني ؟ حابب تاخد على عينك مره تانيه ها؟ انت يابني مشوفتش الجامعه كلها شافتك ازاي؟
- مش مهم ولا يفرق لي
ضحكت: امممم انت مثير للشفقه بقا
= عموما ابن عمك الى فرحان بنفسه ده ميعرفش انا ممكن اعمل فيه ايه على الطريق وهوا سايق بسرعه وفرحان بعربيته.. خبطه واحده مني تخسره حياته وهنتقابل في النهائي كدا كدا ابقي حذريه بقا مستنيكي.
" خالد رمي كلامه وطلع بعربيته وهي فضلت مصدومه!! كانت بتحاول تكدبه ولكن خوفها على أسر سيطر عليها.. مكنتش عارفه تتصرف! فكرت تقول لجدها.. "
" طلعت موبايلها وقبل ما ترن عليه لقيته بيرن عليها فا ردت بسرعه .. "
" أسر فضل يدور عليها و بعدين افتكر انها ممكن تكون في عربيته فا راح "
- نانسي؟!
"دخل العربية و هي قفلت الموبايل"
- كنتي بتكلمي مين
= ده جدو و قلقان علينا اوي وماما رنت عليا كتير احنا لازم نمشي
- طيب هطلع تعالي مكاني
"بدلوا الأماكن و أسر بدأ يسوق و نانسي كانت ساكته"
- نان.. انتي زعلتي من حاجه؟
= لاء
- روحتي العربية فجأة؟
= مبحبش الجو ده ..
- انتي اضايقتي من سارة صح.. على فكره هي بتتعصب بسرعه و الحكاية ان المكان ده مش معروف انوه بيعمل سباقات فكل الموضوع انوه
قاطعته: أسر ممكن تقف على جمب
" ركن العربية و بص قدامه "
نانسي بصتله: بصلي هنا.
مسح على شعره بأيده وبصلها..: نعم
- دول مش شبهك! انا عارفه كويس انك بتحب العربيات و السبق و كل ده لكن الجو ده مش بتاعك ولا لايق عليك
= الجو الى بتتكلمي عنه ده و صحابي و السبق وكل الحاجات دي انا مقدرش اعيش من غيرها
- صحابك؟؟ و ساره دي صحبتك!! هو من امتي اصلا و في حاجه كده ده شكلها بتحبك و غيرانه عليك مني!!
= لو بتحبني انا مش بحبها فا مش مهم
- انا مش مصدقاك بجد !! انت ازاي عندك الجانب ده! و بعدين خالد برضو ايه؟؟ تفتكر هيعدي انك صْربته ممكن يعمل فيك حاجه !
= نانسي ! هو انتي شيفاني عيل ؟ بقيتي بتتكلمي كده ليه فجأه؟
- عشان دي الحقيقة تقدر تقولي هتستفاد اي من كل ده
= دي الحاجه الوحيده الى بطلع فيها عْضبي عشان متسببس ف اذي حد ها فهمتي وارتحتي
- لا مفهمتش ايه الى مخليك متعصب و عْضبان اصلا!!!
= انا مش هتكلم تاني الموضوع خلص انا كنت غلطان لما اخدتك معايا هناك
عيوني دمعت وبصتله بلوم: تمام
" طلع بالعربية و فضلنا ساكتين لحد ما وصلنا الساعه 12 ونص بليل و اول ما دخلنا كانت ماما في وشي والحاجه الوحيده الى منعتها تزعق جدو.. طلبنا في اوضة مكتبة عشان يتكلم معانا "
- اقعدوا واقفين ليه اقعد يا أسر بيه
"أسر استغرب لهجته وانا فضلت ساكته"
جدو بصله بدون مقدمات: اربع ايام رفد ؟ وخناقة وسط الجامعة و سبق دخلته ومعرفش عنه حاجه؟؟
أسر اتصد*م من كلامه و بص ناحيه نانسي ومكنش مصدق انها عملت كده..!! بص ناحيتها بكذا شعور مختلف خذلان و زعل و لوم و اخر شعور كان الغضب!!!!
يتبع..