يونس: دي حجيجه من هنيه ورايح كل الي بينا الولد وبس لما يجي انتي من طريج وانا من طريج

غرام: علفكره انا مش هضحي بإبني وانت لو عملت كدا يايونس والله ماهسامحك طول عمري 

يونس بجمود: مش مهم تسامحيني انتي متستحجيش تكوني ام ابني ابدا

غرام قلبها وجعها: رجعت تخوفني منك تاني يايونس بعد مخلاص بقيت الراجل الوحيد الي بحس معاه بالامان... الامان الي محستهوش حتي مع بابا

يونس بحده: دا بدل متشكريني اني سايبك علي ذمتي لدلوجتي 

غرام بزعل: شكرا شكرا يايونس ممكن توديني عند بابا انا نفسيتي تعبانه وعايزه ارتاح 

يونس قلبه بيتقطع عليها ونفسه ياخدها في حضنه ويفضل يطمنها ذي الاول خاصه لما سمع نبره صوتها الي مليانه زعل وخزلان بس الي عملته واقف حاجز مبينهم: مفيش مرواح في حته هتفضلي هنيه تحت عيني 

غرام عيطت: طيب وديني عند بابا ووقف حراسه علي البيت 

يونس بغضب بيمسكها من درعاتها: انتيييي مش عايزه تفهمي لي جولت لا وسابها وخرج

غرام مش فاهمه انه ميقدرش يصحي من نومه وميشوفهاش مش متخيل البيت من غيرها ساعه واحده 

****

بعد مرور أسبوع

زين نازل من السلم  وورد طالعه بالقهوه خبطوا في بعض والقهوه وقعت علي دراعها: اااااااااه 

زين بقلق: تعالي تعالي بسرعه

زين اخدها وحط ايدها تحت الميه 

ورد بتبصله وبتبتسم وبتوهان: ياريتها كانت وقعت عليا من زمان

في اللحظه دي فريده شافتهم وصورتهم وهما باصين لبعض وهو ماسك ايدها

فريده بشر: دي باينلها هتحلو اوي

زين ساب ايدها: ملهوش لازمه الكلام ديه 

ورد بتحط ايدها علي كتفه: لا يازين انا لسه عايزاك انت من حقي انا مش هي انا لسه عندي امل اني اتجوزك

زين بحده: ايه الي بتعمليه ديه انا دلوجتي متجوز وهمس متستحجش اني اخونها

ورد: تخونها!!!  انت بتخوني انا معاها يازين انت نسيت الي بينا

زين: جصدك الي كان بينا انما دلوجتي مفيش اي حاجه بينا من ناحيتي  وبيسبها ويمشي

ورد بتخبط علي الحيطه بغضب كل دا وفريده بتصور الي بيحصل

****

في غرفه زين وهمس

زين بيدخل مضايق

همس: في اي مالك

زين: مفيش

همس: تبقي مضايق مني

زين بعصبيه: ياستي مش مضايق منك هو حد كلمك ولا جيه جنبك

همس: بتزعقلي ليه الحق عليا اني بسألك اصلا

زين: خليكي في حالك ياهمس وعدي ليلتك دي

همس باستفزاز: مش هعديها

زين قاملها بس هي جريت علي الحمام وقفلته وقعده ورا الباب: افتحيي ووريني جرائتك 

همس: طيب اقعد تاني وانا هطلع متفقناش انك تقوم

زين: طيب خليكي باتي في الحمام بجي 

همس: زين خلاص بقي انا جعانه 

زين: طيب اطلعي

همس: نتفاهم 

زين يبتسم: نتفاهم

همس بتفتح الباب ببطئ: امان ياكابتن؟ 

زين بضحك فهمس بخفه دمها غيره مزاجه وفجأه سحبها ليه: في واحده تكلم جوزها كديه

همس بتتوتر: ااا مهو ماما كانت بتقول لبابا كدا

زين بضحك: ماما بتجول لبابا كديه يبجي ربنا يسترها علي 

همس: ماانت طلعت حلو وبتهزر اهو

زين باستغراب: ليه جالولك عني كئيب ولا ايه

همس: بصراحه كدا انا كنت كل مشوفك راكب الحصان بتاعك وبتتمشي في البلد كنت بخاف منك جدا بحسك مبتضحكش وكل صدفه بشوفك فيها كنت بتزعق وبس

زين ركز في ملامحها الجذابه وهي بتتكلم وفضل متنح فيها لحد ملقي نفسه بينجذب ليها وبيقرب من شفايفها الورديه وطبع قبله قويه وهمس قلبها وقع في رجليها هي اه كانت معجبه بيه بس مش لدرجه انها تبقي مراته عقلها لسه مستوعبش 

همس بكسوف: انت عملت ايه يازين

زين وهو جاذبها بينه وبين الحيطه وبتوهان في ملامحها: عملت ايه

همس مشيت بس هو جذبها تاني ليمشي باصبعه علي وجهها ثم علي شفتيها 

همس بعفويه: زين انت اه حليوه ومفيش منك بس مش هسلمك نفسي طبعا

زين: مكنا حلوين اتظبطي ياهمس بدل مظبطك

همس بغزل: لو انت الي هتظبطني فاأنا موافقه 

يالهووووي انا خربت الدنيا لو فضلت باصصلي كدا مش ضامنه هقول ايه تاني

زين فضل يضحك: انتي مشكله ثم جذبها ليه اكتر: وبعدين يعني متخربيها دا انا ذي جوزك يعني

همس بتوتر: طيب سيبني انزل اساعدهم في الاكل لحسن مرات عمك صباح تخربها ويبقي اخر يوم ليا في البيت دا

زين: انا نفسي في مكرونه بشاميل اعمليها بجي

همس: حاضر من عنيا 

زين: بس اوعي تطلعي فاشله في الطبخ واضطر اكلها غصب عني

همس بثقه: ولو طلعت جامده هتدفع كام

زين بضحك: الي انتي عايزاه بس ادوج الاول

همس: طيب قد بدأ التحدي بالسلامه ياحلو

****

ورد: هي فين السنيوره ولا الاكل هيروحلها لحد فوق كمان

غرام: سبيها دا معداش علي جوازها غير اسبوع

فريده باستفزاز: زمانه زين مش قادر علي بعدها ومش عايزها تنزل

ورد الدم بيغلي في عروقها 

جليله: متعرفوش تشتغلو وانتو ساكتين لازم سيرت خلج الله دي

غرام: عندك حق ياعمه مهو الشياطين كتير في البيت ده

ورد كتمت الضحكه لان الكلام علي فريده

فريده: تقصدي مين بالشياطين يابنت الجنايني مبقاش غير الخدامين الي يتكلموا

يونس كان جاي يشرب في نفس اللحظه

يونس بغضب لما لقي غرام زعلت واضايقت: اطلعي فوج ومتنزليش تاني

فريده: بس 

ليقاطعها: كلامي مش هتنيه لما تتعلمي تحترمي الناس تبجي تنزلي يلاااااااا

فريده خبطت برجليها علي الارض: مااااااشي مااااااشي 

فريده طلعت وغرام ابتسمت في الخباثه وورد فرحت بالبهدله الي خدتها 

جليله: ارتحتوا كديه لما زعجلها

ورد: اسكتي ياماما والنبي متبقيش طيبه كدا دي تستاهل اكتر من كدا كمان

غرام: يابت عيب دي بنت عمك برضو

ورد: بس ياست خباثه وانا اقول هو واقع فيكي كدا ليه ومبيستحملش عليكي كلمه 

غرام: اتعلمي بقي

جليله: بجولكم ايه اطلعوا انتو الاتنين برا 

ليقاطعهم دخول همس

همس بعفويه: اي الروايح الحلوه دي

غرام: يابكاشه هو احنا لسه عملنا حاجه وبعدين يلا تعالي عشان شكلنا هنتطرد برا

ورد شافتها وملامحها قلبت وبتبصلها بقرف

*****

في غرفه فريده

فريده بعصبيه: انا يزعقلي قدامهم الز*باله دول يفرحوا فيا انا طيب والله لاوريكم واحده واحده اما ضمرت العيله دي مبقاش انا فريده النمر

لتخبط عليها صباح

فريده: اي ياماما

صباح وهي بتتلفت حواليها: امسكي دي حبوب عشان غرام تسجط ونخلص حطيهالها في اي عصير او حاجه 

فريده بفرحه

 اخدتها وشالتها تحت الهدوم في دولابهاوبحقد: مااشي ياغرام