رواية الجميلة والوحش سيف وليلي الفصل الثالث 3 بقلم سلسبيل احمد
رواية الجميلة والوحش سيف وليلي الفصل الثالث 3 هى رواية من كتابة سلسبيل احمد رواية الجميلة والوحش سيف وليلي الفصل الثالث 3 صدر لاول مرة على موقع التواصل الاجتماعى فيسبوك رواية الجميلة والوحش سيف وليلي الفصل الثالث 3 حقق تفاعل كبير على الفيسبوك لذلك سنعرض لكم رواية الجميلة والوحش سيف وليلي الفصل الثالث 3
رواية الجميلة والوحش سيف وليلي الفصل الثالث 3
- هي اي العلبة دي ؟
= احمم ده اكل و التانيه رز بلبن
ضحكت: امممم .. طنط اكلها جميل و .. انا حبيتهم اوي
- وهما كمان واضح حبوكي
= انت محتاج تقعد معاهم اكتر منك كده واضح انهم كانو مفتقدينك اوي و .. انت باصص على اي؟
- فكي الحزام وانزلي تحت بسرعه
= في اي؟!
"قرب مني وفكه بسرعه وهو سايق وحط ايده على دماغي ونزلت لتحت و.."
- في عربية ماشية ورانا خدي الموبايل من جيبي و
"مكملتش كلامي لقيت العربية بتقرب والشباك بيتفتح"
- ما تهدي ياعم سيف ده انا
= يوسف!
ركنت العربية على جمب: اطلعي خلاص مفيش حاجه لحظه واحده هنزل واجيلك تاني.. انتي كويسة؟
= انا تمام مين ده!!
- متقلقيش ده تبعنا
نزلت من العربية بصتله بعصبيه
- انت مجنو*ن يا يوسف ؟ ما تبقي تقولي انك ورايا افتكرت حد غيرك بيراقبنا ولا مزقوق!
= لما تبقي تفتح موبايلك ياعم! الريس قالي اطلع وراك على الطريق آمنك بدل معتز ماهو كان وراك وانت رايح مختش بالك منه؟
- لا خت بالي طبعا و كنت عارف انوه ورايا لكن المفروض وانا راجع هتبقي نفس العربية الى ورايا الى فيها معتز حدفوك عليا ليه؟ وغيرت لون العربية افتكرتك حد تاني بديهي!!
= ماهو معتز جاله تأمين ضروري فا جيت مكانه وكلمتك كتير اقولك انا راكب عربية لونها اي واني وراك بس انت قافل الفون يا ذكي
- نسيت افك الشفره.. ما علينا يلا نكمل
"اتنهدت ودخلت العربية"
- مين ده بقي ولما هو تبعنا خلتني انزل تحت ليه!
= سوء تفاهم
>>>>>>>>>>>>>>>>>>>>>>>>>>>>>>>>>>>
" صلي على محمد "
- حمدلله على السلامه انا هرجع للقياده بقا ابقي افتح موبايلك ها
= ماشي يا معلم سلام انت
- نسيت اقولك حاجه يا سيف
= في ايه ما تقول
"ميل عليا لأنها كانت باصه علينا من بعيد"
- انا سامع اخبار مش مطمناني عن أبوها
= سمعت منين؟
- مانا روحت الجهاز امبارح و.. شوفته
= شوفته؟؟! طب و ؟
- حالته وحشة خليك حريص انها متاخدش الموبايل عشان متعرفش اي حاجه
= أكيد انا قاطع اي اتصال بالنت اصلا عندي
- تمام
" سابني ومشي وانا رجعت لها مكنتش عارف اعمل اي حاسس الدنيا بتتعقد اكتر واكتر كل شوية و هي متعرفش اي حاجه.. و ده فحد ذاته ظلم ليها."
" طلعنا الفيلا و نامت في صمت وانا فضلت سهران شوية بظبط كام حاجه وبعدين نمت.. "
>>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم.
|| تاني يوم الصبح | الساعه 7 ||
* طق طق طق طق *
- أيوه جايه... سيف؟ انت بجد بتصحيني الساعه سبعه!
= أيوه
- ليه؟ هنبيع لبن لو هننزل نبيع لبن قولي
= فوقي كده وانزلي تحت عايزك
- انا عايزه انام
= قدامك ربع ساعه
مشي فا زعقت: اوووووف علفكرا !!
دخلت الحمام بصيت فالمرايا: وكمان شافني منكوشه!!!!
"غسلت وشي وفضلت بالبيجاما وسرحت شعري ونزلت"
- نازله بالبيجامه؟
= هوا في اي اللبس اي يعني الساعه سبعه الصبح
- ترينج! مثلا
= انا عايزه انام
- مفيش نوم في كام حاجه لازم تعرفيهم وتتعلميهم
= ها اي هما واي الحاجات الى ماليه جنينه الفيلا دي
- دول هتتمرني عليهم
= ليه هو انا هدخل بطولة الامم
- انتي عندك امتحان فالكلية كمان شهر جوه اللجنه انا مش هبقي معاكي و هبقي بره في حاجات لازم اعلمهالك عشان لو حصل اي حاجه يبقي معاكي كام ثانيه تلحقي نفسك بيهم عبال ما اللحقك انا
= انا عايزه اعرف حاجه!! مبدئيا انا اكيد مش هقعد معاك شهر مش هقدر استحملك لاء تاني حاجه هي اي نظرية المؤامره الى انت عايش فيها دي ! انا طول الوقت في حراسات عاديه انما انت اوفر !
- هو انتي مش بتعرفي تقولي حاضر؟
= انا زهقت!! بجد زهقت
قعدت على الارض بقلة حيلة: يارب تخدني من هنا بسرعه يا بابا انا تعبت !! انا زعلانه منك اوي عشان سايبني كده
"عيوني دمعت فا مسحت وشي وحاولت معيطش.."
نزل لمستوايا: طيب.. انا مقدر الى انتي فيه لكن فعلا الظروف مش تمام دلوقتي وحياتك ممكن تبقي في حْطر يادوبك هتتعلمي كام حاجه تفيدك و ازاي تدافعي عن نفسك و علفكره الحارس الشخصي مش بس بيفضل مع الهدف بتاعه لما ميبقاش في حد مسؤل عنه لما والدك يرجع احتمال افضل معاكي برضو
- وهو فين بابا؟
= اوعدك اني هخليكي تكلميه قريب
- انت قولت كده كتير!
= هكلم القياده تانى تحاول توصلنا بيه و تكلميه
- طيب اوعدني بده
= أوعدك
- شاور على قلبك!
= اي مش فاهم؟
- شاور على قلبك و اوعد يعني وعد لازم تنفذه
= لازم اشاور يعني؟!
- أها هو انت مشوفتش كرتون البيت الى بيطير !
>>>>>>>>>>>>>>>>>>>>>>>>>>>>>>>>>>
استغفروا ♡
- يارتني ما قولتلك اني معرفش كرتون البيت الى بيطير كنت كدبت ارحم
= اتفرج بقا الله! انا وعدتك لما نتفرج هعملك الى انت عايزه و نتمرن
- طب اتفرج على اي بذمتك؟ كل**ب بيتكلم و حيو**ان غريب شبه البطه
= اسمها جميل ودي ابو الفصاده مش بطه!
- ايا كان! انا مش بشوف انا الكلام ده ، ده بتاع عيال
= طب اتفرج وكفايه كلام
قلبت عيني بملل: الصبر يارب
...
- ها... اهو خلص الحمدلله
= عجبك صح متنكرش
- امال اي طبعا نفذي وعدك
= طيب هطلع اللبس و انزل نتمرن
" طلعت لبست ترينج اسود ينفع للتمرين و انا نازله شوفت موبايل سيف على الترابيزة بينور .. و جاتلي فكره هتاخد وقت بس مش مهم.. "
- بصي بقي احنا هنبدء ب حركات سهله وبعدين همرنك ازاي تصْربي مش بس تدافعي لكن انتي محتاجه تشيلي أوزان جبتلك اربعه كيلوا تلعبي بيهم كل يوم
= انا بفرهد بسرعه وفرهدت من كلامك
- كويس يبقي يلا نبدأ
= انت ماسك ايدي جامد افك نفسي ازاي
- انا وريتك ازاي نفذي
= مش عارفه!
- اضربي براسك لورا على الهدف الى هو أنا !
= مانا كده هخبطك !
- ياستي اخبطيني ياستي
" رجعت براسي لورا فا خبطت فيه "
- انت كويس؟
= كويس اي يا ليلي كويس اي ده كأن كيس مخده خبطني .. بصي استخدمي رجلك أكيد هتبقي اقوي اصْربي تحت و بعدين احْبطي براسك واجري
" عملت زي ما قالي و فضلنا نتمرن كتير بعد كده لبسني القلبظات ف ايدي كأني هلعب ملاكمه وفضلنا نتمرن حوالي ساعه.. "
- سيف انا تعبت
= طيب تعالي نفطر
- ياريت..
" قعدنا على الترابيزة بعد ما عملنا اكل سوا "
- انا متفاجئ إن ليكي في المطبخ
= انا هتم 20 سنه كمان كام يوم! وهمتحن وبعدها ادخل تالتة كلية يعني مش صغيره
- بالنسبالي صغيره
= ليه عندك كام سنه؟
- 27 سنه
= و ده يخليك تفضل تقولي يا طفله
- انتي طفله فعلا
= برضو؟! طيب
- عيد ميلادك يوم اي؟
= بعد بكره يعني 2 سبتمبر ..
- عبال 100 سنه ياستي.. هنكمل تمرين بقي ولا اي؟
= لاء! كفايه اوي كده
- هنكمل حاجات بسيطه
= مش قادره صدقني انا هطلع اخد شاور
- طيب.. لينا معاد بكره.
ضحكت: الى فيه صحه بقا
" طلعت جهزت ترينج جديد بدل الى اتبهدل ده.. و دخلت الحمام فضلت فالبانيو شوية عشان عضلاتي شدت عليا من التمارين الى عملناها وبعدين خلصت ولبست البورنص وبفتح الباب مفتحش!! قلبي بدأ يدق جامد بحْوف .. وايدي كانت بتترعش فا معرفتش اسيطر على المقبض بتاعه ومقدرتش افتحه جامد وهو معلق!! خبطت عليه جامد وانا حْايفه "
- سيف !!! يا سيييييف
"زعقت جامد ومكنش سمعني و بدأ نفسي يروح"
" فجأة سمعت صوته"
- ليلي ؟؟ ليلي
اتكلمت بعياط: الباب علق انا اتحبست
= علق ازاي بس اضغطي على المقبض جامد
- مش عارفه
= طب ابعدي هك**سر الازاز
" بعدت عن الباب فا كس*ر الازاز وفتح وانا خرجت بسرعه "
- مهو اتفتح اهو اهدي في اي ؟ وشك احمر
خت نفسي بسرعه: كنت محبوسه!! مكنتش عارفه اخرج!
= اهدي بس محصلش حاجه
" دخلت اغير وحاولت أهدي فضلت ربع ساعه ببلع الحْضه طبعا شكلي عبيىىط دلوقتي وطفله اكتر من الأول مش عارفه هقوله اي على هبلي ده .. بعد شوية خبط عليا تاني فا خرجت "
- ها بقيتي كويسة ؟
= أها
- طيب تعالي ننزل اشغلك حاجه تهدي شوية
= لا انا كويسة خلاص
- يابنتي انزلي بس احنا لسه العصر
مسكت دماغي: أنا مش كويسة
- ليلي في اي؟
كنت دايخه و توازني مش مرتكز فا وقعت ولكنه لحقني
- ليلي !