عبدالرحمن. …..

أسلوب مروان معايا خلاني رجعت اشك" فى جيلان تانى اتصلت ع صاحبي اللى كنت اديته رقم جيلان يعمل بحث. عليه يشوفلي كانت بتكلم مين 

لقيته قالي أنها مكلمتش اى رقم من الصعيد غير مروان وعمي عثمان ومكالمتها قليلة جدا وكلها خاصه بالشغل ومن شهر تقريبا اتصلت بالمحمية. الطبيعية للزواحف

 ويعتبر مافيش اى حاجه غريبه ولسه إمبارح عامله مكالمة للقاهرة المكالمه مكملتش دقيقة وكانت لنفس رقم المعمل لكن كان بيرد من مكان قريب من عنوان المعمل 

قولت له تمام ابعتلي رقم المحميه. الطبيعية قالي باعتوهولك ع الواتس … قفلت معاه ولقيت الساعه 10 بالليل 

اتصلت ع الرقم سمعت رساله مسجله بأن مواعيد العمل من 8 صباحا حتى 5 مساء 

قررت اصبر لحد الصبح ومع ان كل حاجه طبيعية إلا ان عندى إحساس ان جيلان وراء اللى حصل مع عمتى ولمياء  

وابتديت ابحث ع جوجل حوالين أعراض تسمم" الحشرات والزواحف لقيت كلام وأبحاث كتير لحد ما قرأت عن تسمم" العناكب. ان بيسيب إرتفاع فى درجه الحرارة الجسم وأنه بيتفاعل مع الادويه وبيسبب سرعه ضربات" القلب تصل إلي جلطه😲 وتسمم' العقارب. بيسبب الشعور بالغثيان مع ارتفاع درجه الحرارة لكن مفعوله بينتهي فى خلال يومين !!! 

دى نفس أعراض حالة عمتي الغثيان وارتفاع الحرارة وافتكرنا ان عندها برد ..

ولمياء كمان فعلا بعد ما تحسنت تعبت ودلوقتي الادويه بتتفاعل مع السم" اللى فى جسمها 

جريت ع أوضة لمياء وبلغت التمريض ان محدش يديها اى ادويه لأنها متعرضه ل تسمم" العنكبوت. وده هيزود الأعراض أكتر ووريتهم المكتوب ع جوجل 

واحدة منهم بصت ع جسم لمياء لحد ما شافت دائرة صغيرة بيضاء ودى كانت تشبه الصورة اللى ع النت 

فأتصلت ع الدكتور اللى قالها وقفي كل الادويه فورا واديها محلول ملح فقط وامسحي الدائرة ب كحول. واعملي كمادات ميه باستمرار 

أنجي. …

كنت قاعدة حز'ينة ع حالنا واللى حصل لنا وعارفه ان الدور عليا بعد امي ولمياء فجأة لقيت عبدالرحمن واقف قدامى

 وقالي انتوا ليه عملتوا كدا انطقي 

قولت له مش فاهمه بتكلم عن ايه أنا تعبانه سيبني دلوقتي 

لقيته قالي انتى هتستعبطي' امك اللى حصلها ده بفعل فاعل. ولمياء كمان والدور عليكي ما انتى شريكتهم" 

انتى اللى صورتي أحمد علشان تعملوا له السحر' قولتله أنا ماليش دعوة هما السبب 

ومرة واحدة لقيت قلم' نزل ع وشي ومسكني من شعري😓 وقالي مكنتش متخيل إنك تعملي حاجه زى دى وكمان تكدبي.. عليا وتألفي حوار ان فى حد بيهد'دكم وأنكم مظلو'مين 

واهو دلوقتي جيلان بتنتقم" منكم وهتقتلكم" كلكم ومحدش يقدر يلومها ع أفعالها دى 

قولتله والله العظيم أنا ماليش دعوة وفعلا فى حد بيهد'دنا غير جيلان لأن وصل رساله لمياء وأنا واقفه جنبها وكانت جيلان واقفه مع مامتك وبتكلمها وقتها لمياء وقعت من طولها 

قالي يبقي حد تانى كشف لعبتكم" القذ'رة دى وبيساو'مكم وخد بعضه ورزع' الباب وخرج😔

آدي اخرة السحر' ياريتني ما طوعتك يا أمي فضلتي تتكلمي ع الفلوس أهو السر. انكشف. وفلوسك بتتصرف عليكي فى المستشفي ويا عالم ايه اللى هيحصل تانى 

عبدالرحمن. .. 

خرجت من عند أنجي وروحت البيت وقعدت تحت فى أوضة الأولاد قلقان ع عيالي وفى نفس الوقت مش عاوز اواجه جيلان إلا لما اتأكد 

الدكتور قالي ان لو الحرارة ابتدت تنزل من عند لمياء يبقي فعلا معنديهاش كورونا واللى عندها ده نتيجه تسمم" 

و فضلت منتظر مش قادر انام لحد الساعه 8 الصبح اتصلت ع المحمية. الطبيعية وعرفتهم إنى مساعد الدكتورة  جيلان ومع مراجعه الحسابات لقيت أنكم سحبتوا. من الفيزا أكتر من المبلغ المتفق عليه

 لقيت الموظف قالي الدكتورة جيلان أخدت من عندنا افعي' وعناكب" السامة" والعقارب' السوداء ودفعت الحساب كاش مش بالفيزا قولت له تمام واعتذرتله وقفلت معاه 

طلعت للتمريض فوق وسألتهم عن حاله لمياء قالولى الحرارة نزلت وابتدت تفوق قولت لهم تمام أنا هروح المستشفى حالا أشوف ايه العلاج المناسب لها 

مروان….

فضلت سهران طول الليل أفكر فى حاجه واحدة بس ايه السبب اللى يخلي جيلان تعمل كدا وفى نفس الوقت ابني اللى معاها وعيال أختى بس لا لا 

جيلان لو هدفها الأولاد مكنتش قربت من عمتي ولا لمياء 

ونمت من كتر التفكير وتانى يوم الصبح لقيت عبدالرحمن فى أوضتي بيصحيني وبيقولى قوم هنروح المستشفي نجيب علاج ل لمياء ونطمن ع عمتك 

قومت غيرت هدومى وقولت له ازاى هتجيب علاج ولسه مظهرتش نتيجه التحاليل كورونا 

لقيته قالي اظن انت عارف كويس أوى ان اللى عندها تسمم" مش كورونا والبركة فى الدكتورة جيلان 

بصيت له وقولت له انت شا'كك فى جيلان ولا ايه هى معنديهاش اى سبب يخليها تعمل كدا لقيته قالي

 أنجز مافيش وقت خلينا ننقذ'هم الأول وبعدين نطلع نشوف ولادنا قبل ما تعمل فيهم حاجه 

مشيت معاه وأنا مر'عوب أنا أحمد ابني ما'ت ومش هستحمل آدم  يحصله اى حاجه 

جيلان…..

صحيت الفجر قومت عملت فطار واكل للاولاد ورتبت كل حاجتى فى الشنطه ولقيت الساعه بقت 6 الصبح 

دخلت أوضة الأولاد وشيلت البطاريه من تليفون عبدالله وبعد كدا خدت آدم وخرجت بعد ما سيبت ورقة كبيرة عند التليفزيون مكتوب فيها 

"حبايبي أنا اخدت آدم علشان اجيب له بامبرز ولبن وانتظروا عمو مروان او عبدالرحمن وأول ما يوصلوا قولوا لهم ابله جيلان سايبه لكم فلاشه فيها توضيح طريقة العلاج للكل ولازم تشغلوها ع شاشة التليفزيون والكل يتفرج عليها علشان

فيها إجابة ع كل الأسئلة اللى بتدور فى ذهنكم "….

               (مع تحياتي الدكتورة جيلان )

وهدان….

طلعت عند أوضة لمياء نفسي اطمن ع بنتي خبطت ع الباب فتحتلي الممرضة سألتها ع بنتي 

قالتلي فى تحسن ملحوظ ودرجه حرارتها نزلت وفاقت من شويه بس  دلوقتي هى  نايمه كمان شويه أول ما تصحي ممكن تشوفها 

فرحت أوى وطلعت لها ألف جنيه وقولتلها دى حلاوة الخبر الحلو ده ونزلت ناديت ع كل اللى فى الدار وقولتلهم بنتي اتحسنت لمياء هترجع ضحكتها تنور حياتنا تانى 

حمديه مراتي زغرطت هى وسعديه مرت أخويا وعثمان قال أخيرا سمعت خبر حلو عقبال ما نطمن ع إحسان يارب 

سناء….

فرحت لما سمعت الخبر حسيت ان فى أمل أننا نعيش اتصلت ع عبدالله علشان اطمن عليه وع اولادى 

لكن الموبايل ادانى مغلق قولت يمكن لسه نايمين كمان شويه اتصل تاني فضل يديني مغلق 

وسألت ع عبدالرحمن لقيت بهيه قالتلي أنه اخد مروان وخرجوا مستعجلين وسمعتهم بيقولوا أنهم رايحين المستشفي ابويا وعمي اتخضوا. ع عمتي 

اتصلوا عليهم محدش فيهم بيرد ابويا اتصل ع الدكتور وقالوا أنهم كانوا هنا ولسه ماشين حالا وحالة عمتي مستقرة ونتيجه الفحوصات ظهرت ومطلعش عندها كورونا وهتتنقل ل غرفه عاديه وكمان كام يوم هتقدر تخرج من المستشفي 

ابويا وعمي وهدان فرحوا وقالوا الأخبار الحلوة جايه مع بعض كدا مش فاضل غير أننا نطمن ع الأولاد 

قولتلهم الموبيل مقفول من بدري ابويا أتصل ع جيلان اداله هذا الرقم غير موجود بالخدمة تأكد من الرقم المطلوب 

وموبيل عبدالله لسه مقفول القلق زاد عمي اتصل ع عبدالرحمن لما رد بلغه باللي حصل قال لنا أنهم فى الطريق لهناك أول ما يوصلوا هيطمنونا 

فضلنا قاعدين ع نا'ر وندعي ربنا يكون العيال بخير 

عبدالرحمن ….

روحنا المستشفي وعرفت الدكتور ان حالة عمتى نفس اللى حصل مع أختي تسمم" عناكب وهو طمني ان الفحوصات أثبتت ان معنديهاش كورونا خرجنا من هناك ع الشقه الأولاد 

واتفقت مع مروان أننا نجيبهم كلهم ع البيت من غير ما نجيب سيرة ل جيلان أننا عرفنا حاجه 

واتفاجأت ب ابويا بيتصل عليا وبيبلغني ان موبايل عبد الله مقفول ومش عارفين يوصلوا ل جيلان 

اتصلت ع رقم جيلان ادانى غير موجود بالخدمة اتصلت بسرعه ع صاحبي وقولت له شوفلي آخر رقم اتصلت عليه جيلان لقيته قالي 😲!!! 

يتبع….