سمر بإبتسامة ثقه/ انا خطيبيت تميم وحبيبته من زمان. 

باسل بصدمه/ انتي مجنونه ولا ايه ازاي يعني خطيبته.. تميم ملهوش غير حبيبه واحده وهي اسمها فرحه.. غير كده هو لا مخطوب ولا عنده حبيبه تانيه. 

سمر بابتسامه استفزاز/ بص حضرتك انا كل ده ميهمنيش.. انا اللي يهمني دلوقتي اني اشوف تميم واطمن عليه.. بعد اذنكم عشان متأخرش علي حبيبي اكتر من كده. 

ذهبت سمر من امامهم واتجهت الي غرفه تميم واحمد وباسل كانوا في صدمه ثم ذهبوا ورأها في خطوات سريعه وباسل تحدث بصوت عالي نسبيا/ خدي هنا.. انتي رايحه علي فين. 

سمر لم تُعيره اي اهتمام وفتحت الباب ودخلت دون ان تطرق الباب. 

تميم كان يضحك ويمزح مع فرحه وفاطمه وكانوا يضحكون بسعاده حتي دخلت هذه الحيه عليهم وخربت سعادتهم. 

سمر عندما راته مسترخي علي فراشه.. ركضت نحوه وعانقته بشده وظلت تبكي بكاء مزيف. 

احمد وباسل دخلوا وانصدموا اكثر عندما رأو سمر تعانق تميم بشده.. وهو كان متعجب من هذه الفتاه التي لم يري وجهها بعد.. اما فرحه ف كانت تنظر لهم بصدمه وغيره . 

باسل بصدمه/ يا نهاااار مش فايت.. ايه اللي بتعمله البت دي. 

احمد بهمس وصدمه/ مش عارف والله بس اللي اعرفه انه فرحه هتخرب الدنيا. 

تميم اخرجها من حضنه وتحدث بضيق/ اوعي كده لو سمحتي انتي تعرفيني منين ع... 

كان سيكمل حديثه لكن صمت عندما راي وجهها. 

تميم بصدمه/ سمر!!.. انتي ايه اللي جابك هنا. 

سمر بحزن مصتنع/ بقي كده يا تميم يا حبيبي متضايق اني جيت عشان اطمن عليك.. ده انا اول ما عرفت انك تعبان مستحملتش الخبر وقولت لازم اجي بنفسي واطمن علي تميم خطيبي وحبيبي. 

فرحه كانت متابعه الحديث بصمت حتي سمعت كلمه خطيبي.

فرحه نظرت لها وتحدثت بإستغراب/ خطيبك!! خطيبك ازاي يعني. 

سمر بإبتسامة استفزاز وهي تنظر الي فرحه/ ايوه خطيبي احنا مخطوبين بقلنا سنه.

تميم بحده/ انتي كدااابه.. ثم نظر الي فرحه وتحدث بجديه.. دي كدابه يا فرحه متصدقهاش احنا فعلا كنا مخطوبين بس فسخنا الخطوبه عشان مكناش مناسبين لبعض.. دي كل الحكايه. 

سمر بإستفزاز/ حبيبي انت اكيد تعبان ومش عارف بتقول ايه اهدي انت بس كده وارتاح.. ثم نظرت ل فرحه واكملت.. بصي يا حبيبتي تميم من سنه كان بيشتغل حارس خاص وكان بيحرسني ومع الايام حبينا بعض جدا وبعديها هو جيه وخطبني ومن ساعتها واحنا مخطوبين.. وانا قولتله اني هسافر عشان بابي وراه شغل برا ولازم يخدني معاه.. بس اقولك للامانه انا كنت متابعه تميم اول باول وعلي طول كنا بنطمن علي بعض واول ما عرفت انه هو في المستشفي مقدرتش استحمل واخدت اول طياره نازله مصر وجيت بسرعه عشان اشوف حبيبي واغلي حد في حياتي.. ثم اكملت بتساؤل.. صحيح مقولتليش انتي تبقي مين؟؟. 

فرحه نظرت لها وتحدثت بسخريه/ انا ابقي المغفله اللي كنت نايمه علي وداني طول الفتره اللي فاتت.. تعرفي انا كمان البيه كان بيحرسني في الاول بس طلع بيحرسني عشان هدف معين هو عايز يوصله.. ثم نظرت له و اكملت.. واعتقد انه وصل ل هدفه ودروي انا انتهي لحد كده.. مش كده يا تميم بيه.. ليه عملت فيا كده.. يا اخي ده انا حبيتك بجد وشفت فيك اللي مشوفتوش في اي راجل تاني.. من ساعت ما اتعرفت عليك وحبيتك وانت بقيت كل حياتي.. بقي دي جزاتي في الاخر.. رد عليااا ساااكت ليييه. 

تميم كان ينظر الي سمر بغضب وتوعد ثم نظر الي فرحه وتحدث بتماسك/ فرحه لوسمحتي اقعدي واسمعيني.. 

فرحه بحده ومقاطعه لحديثه/ اسمع ايه تاني اكتر من اللي سمعته.. عايزني اسمع ايه تاني يا تميم بيه.. عايز تكدب عليا تاني وانا زي الهبله اصدقك تاني.. لااا انسااا انا المرادي مش هصدقك.. اكملت بسخريه.. بس عارف انت كان معاك الصبح لما قولتلي انتي بقيتي حره.. انا فعلا بقيت حره.. بقيت حره من عادل ومشاكله وبقيت حره منك.. وكويس اوي اني اكتشفت الموضوع ده بدري عشان مش عايزه ادخل في مشاكل من اول وجديد وساعتها بجد يا تميم كنت هندمك علي اللحظه اللي فكرت فيها تلعب بمشاعري. 

فرحه مانت ستذهب ولكن اوقفها تميم عندما تحدث بصدمه/ انتي رايحه فين. 

فرحه بضيق/ هروح في اي حته انت متكونش فيها وياريت بجد المرادي تنسي انك عرفت واحده اسمها فرحه.. وحاول انك تكون كويس مع خطيبتك عشان حرام ظلمتها معاك كتير.. كنت محسسها انك بتحبها وانت كنت بتشتغفلنا احنا الاتنين وتلعب ب مشاعرنا.. لكن لأ لحد كده واستوووب انا مش هستحمل اكتر من كده.. اكملت بجديه.. انا ماشيه يا تميم واتمنالك حياه سعيده مع خطيبتك. 

ذهبت فرحه و ورأها فاطمه واحمد ذهب وراهم. 

تميم وهو يحاول النهوض وكان يذكر اسم فرحه بصوت عالي/ فرحه.. فرحه اسمعيني انتي فاهمه غلط.. ثم نظر ل باسل وتحدث في سرعه.. الحقها بسرعه يا باسل.. انا ما صدقت انه حياتنا اتحسنت. 

باسل في سرعه/ حاضر يا صاحبي. 

ركض باسل ورا فرحه.. اما سمر ف كانت متابعه للحديث بصمت واستمتاع. 

تميم نظر لها وتحدث بغيظ/ انتي ايه اللي رجعك يا سمر الزفت.. انتي مش خرجتي من حياتي بإرادتك.. ايه اللي دخلك حياتي من جديد.. عايزه مني ايه. 

سمر بتصنع الحب/ تميم يا حبيبي انت كل حياتي ازاي يعني عايزني اسيب حياتي واعيش كده عادي. 

تميم بحده/ سمرررر اخلصي وقولي انتي جايه في ايه. 

سمر بإعجاب/ تعجبني وانت فاهمني.. بص ياسيدي.. 

ــــــــــــــــــــــــــــــــــــــــــــ✦

عند فرحه.. 

كانت تسير بخطوات سريعه والدموع ترافقها وفاطمه كانت تسير بجانبها وتحاول تهدئتها. 

احمد بهدوء/ انا هروح اجيب العربيه من الجراش.. استنوني هنا. 

ذهب احمد وفرحه وفاطمه ظلو منتظرين احمد. 

باسل وهو يركض وياخذ انفاسه بصعوبه. 

/ فرحه.. فرحه استني بس انتي فاهمه غلط خالص. 

فرحه مسحت دموعها وتحدثت بجديه/ لوسمحت يا باسل روح ل صاحبك وقولوا ينساني خالص.

باسل بحزن/ متقوليش كده يا فرحه انتي مينفعش تسيبي تميم لوحده.. تميم بيحبك ميقدرش يستغني عنك. 

فرحه بحده ودموع/ وانا بكرهوواا عارف يعني ايه بكرهووا.. علي قد ما حبيته زمان علي قد ما بقيت بكرهو دلوقتي.. تميم خدعني يا باسل ومقاليش الحقيقه.. كان فيها ايه لما يعرفني.. مسحت دموعها ثم اكملت بجديه.. انت تعرف انه انا مش مصدقه كلام البت اللي فوق دي ولو عليا عايزه اروح اموتها وعارفه انها بتحور وانهم مبقوش مخطوبين زي ما هو قال.. بس اللي كاسرني انه كدب عليا وخدعني معرفنيش الحقيقه.. ثم اكملت بسخريه.. بس ايه الجديد يعني ما هو علي طول كده مبيقوليش علي اي حاجه في حياته او اي حاجه بتحصل معاه.. عايزني بقي افضل مع واحده مخبي عليا اسراره ومش بيثق فيا.. لا يا باسل.. لأاا كفايه لحد كده.. الحمدلله هو بقي كويس وبقي زي الفل يعني مش محتجلي.. خليه بقي يرجع للسنيوره بتاعته اللي سابها زي ما بيقول.. وينساني خالص وقوله انه لو شافني في مكان يعمل نفسه ميعرفنيش.. قوله انه انا صفحه واتقفلت.. فااااهم. 

جاء احمد ونظر ل باسل بنظره حزن واخذهم وذهب وباسل ظل مترقب ذاهبهم وظل يفكر في صديقه بعدما يقص عليه كل ما حدث وما قالته فرحه عليه. 

ــــــــــــــــــــــــــــــــــــــــــــ✦

في غرفه تميم.. 

تميم بغضب/ اخرجي بره يا سمر.. اخرجي برررره. 

سمر نظرت له بإبتسامة استفزاز وخرجت وهي تشعر بإحساس الانتصار. 

بعد دقائق دخل باسل وجلس امام صديقه ونظر له بيأس. 

تميم بتساؤل/ ايه عملت ايه. 

باسل بيأس/ رفضت الكلام خالص.. ومش موافقه انها تسمعك. 

تميم غضب كثيرا وتحدث بحده/ منك لله يا سمر الكلب.. وديني لوريكي. 

ــــــــــــــــــــــــــــــــــــــــــــ✦

في فيلا رشدي.. 

فاطمه بإصرار/ يا بنتي انتي لازم تيجي معايا مينفعش تقعدي هنا لوحدك. 

فرحه بإرهاق/ معلش يا حبيبتي سبيني علي راحتي.

احمد بهدوء/ خلاص يا فاطمه سبيها علي راحتها.. واحنا هنبقي نيجي نطمن عليها كل يوم. 

فاطمه بتنهيده/ تمام يا حبيبتي علي راحتك بس لما تبقي عايزه حاجه رني عليا علي طول متفكريش. 

فرحه بإبتسامة خفيفه/ من غير ما تقولي يا حبيبتي. 

هبطت فرحه من السياره ونظرت الي فيلا ابيها وابتسمت بسخريه ومن ثم ودعت صديقتها ودخلت وهي تاخذ نفس عميق. 

دخلت وظلت تنظر ل كل ركن من اركان الفيلا وتتذكر كل الاحداث التي كانت تحدث معاها وذكرياتها الجميله مع ابيها.. ثم نظرت الي الصالون الذي كانت جالسه فيه مع ابيها وتميم وتذكرت عندما جاء تميم ليتزوجها وجاء عادل وخرب كل شيء وخرب حياتها بالكامل.. قامت باخذ نفس عميق ومن ثم صعدت الي غرفتها ودخلتها ودخلت التويلت وبدلت ملابسها وقامت بالاسترخاء علي فراشها وبدات الدموع تتجمع في عيونها وبدات تتذكر كل الاشياء السيئه التي حدثت معاها.. حتي ارهقت من البكاء واستسلمت للنوم. 

ــــــــــــــــــــــــــــــــــــــــــــ✦

صباااااااحاااااا.. 

عند سمر.. كانت جالسه في الكافيه وتشرب قهوتها المفضله وتتذكر عندما اتفقت مع عادل حتي تخرب حياه فرحه وتميم. 

𝒇𝒍𝒂𝒔𝒉 𝒃𝒂𝒄𝒌..

في الكافيه.. 

سمر بتساؤل/ خير يا استاذ عادل. 

عادل بإبتسامة/ انا عارف عنك كل حاجه.. حتي عارف انك كنتي خطيبه تميم السابقه. 

سمر بسخريه/ يعني انت مخليني انزل من ايطاليا ومسيبني شغلي عشان تقولي انا عارف عنك كل حاجه. 

عادل ضحك ضحكه عاليه ومن ثم تحدث بجديه/ لا يا سمر هانم انا جيبتك هنا عشان موضوع تاني.. تميم بيحب مراتي ومراتي كمان بتحبه وانا مش مبسوط بكده وعايز اخرب علاقتهم بس مش عارف ازاي وجايبك انتي تساعدني. 

سمر بلا مبالاه/ تميم مبقاش ليه لازمه بالنسبالي ده شخص مش كويس وانا استحاله ارجعله او اشوف وشه مره تانيه. 

عادل بإبتسامة ثقه/ انا عارف انك انتي اللي خدعتيه وكسرتي قلبه وسبتيه وهو معملكيش حاجه زي ما انتي بتقنعي نفسك بكده.. بس عموما انتي المفروض تبقي اذكي من كده وتاخدي الموضوع ل صالحك.. ومتسبهوش يحب حد تاني ويفضل ندمان طول حياته انه انتي سبتيه ومشيتي. 

سمر فكرت في حديث عادل واقتنعت بالحديث ونظر له وابتسمت ابتسامه شر/ موافقه.

عادل بإبتسامة انتصار/ يبقي اتفقنا. 

 𝒃𝒂𝒄𝒌..

نظرت للفراغ وابتسمت ابتسامه شر وتحدثت الي نفسها بنفس عميق/ كده اقدر اقول انه خطيتي هتمشي زي ما انا عايزه بالضبط. 

ــــــــــــــــــــــــــــــــــــــــــــ✦

بعد اسبوع.. 

في فيلا تميم.. 

تميم بغضب وهو يرن عليها للمره المائه وهي لا تجيب. 

تميم بحده/ ردي بقي.. ردي ولو مره واحده. 

باسل وهو يحاول ان يهدئه/ اهدي ياصاحبي وبعدين الحكايه مش بالسهوله دي انت بردوا كان لازم تحكيلها. 

تميم بحده/ هو كان بمزاجي يا باسل مش شياف احنا كنا في ايه طول الفتره اللي فاتت.. طول الوقت كنت بفكر ازاي انقذها من اللي اسمه عادل ده.. كنت هقولها امتي وفين وازاي.. مكنش بمزاجي يا باسل.. وبعدين انا قولتلها في المستشفى متصدقهاش.. لكن هي كعادتها صدقت بسهوله.. ومصدقتش كلامي انا.

باسل بنفس عميق/ فرحه مصدقاك يا  تميم. 

تميم بإستغراب/ ازاي يعني. 

باسل قص له كل ما حدث في المشفي وكل ما قالته فرحه علي تميم. 

تميم كان يستمع لحديث باسل وقلبه يموت بالبطئ. 

تميم بدات الدموع تتجمع في عيونه وتحدث بعدم تصديق/ يعني ايه انساها يعني ايه.. هي ازاي تفكر في حاجه زي دي.. هي متعرفش انه هي كل حياتي.. دي حتي مفكرتش هيحصل فيا ايه لما هي تسبني.. ازاااي.. ازاااي تسبني وتختار انها تفارق بالسهوله دي.. للدرجه دي انا مش غالي عليها خالص.. في كل مره بتختار انها تفارق بسهوله وانا اللي قلبي بيفضل يتقطع.. لييه بتعمل معايا كده.. كل ده عشان حبيتها بجد ومن قلبي.. في الاخر متدنيش حتي فرصه تانيه وتحاول تسمعني وتصدقني.. لييييييه. 

تميم ظل يحطم في اي شيء امامه بغضب وباسل كان ينظر له بحزن شديد ويحاول تهدئته باقصي الطرق.

بعد عده دقائق.. جلس تميم وهدأ قليلا ومن ثم صعد الي غرفته دون انا يتحدث وباسل نظر له بنظره يأس وحزن علي صديقه. 

ــــــــــــــــــــــــــــــــــــــــــــ✦

صباااحااااا.. 

في الجامعه.. 

انتهت من محضراتها هي وصديقتها واتجهو الي الكافيه. 

فاطمه بتنهيده/ لحد امتي هتفضلي كده. 

فرحه بجديه/ لحد ما انساه خالص واعرف اطلعه من قلبي. 

فاطمه بحزن/ وعلي ايه كل العذاب اللي بتعمليه في نفسك ده بس يا حبيبتي. 

فرحه بضيق/ لوسمحتي يا فاطمه اقفلي الموضوع ده وحاولي تساعديني اني انساه بدل ما انتي قاعده بتفكريني بيه كده. 

فاطمه بتنهيده/ انا هسكت خالص. 

فرحه بلا مبالاه/ يكون احسن بردوا. 

ــــــــــــــــــــــــــــــــــــــــــــ✦

في فيلا تميم.. 

تميم بيأس/ انا تعبان يا صاحبي مش قادر استحمل بعدها عني اكتر من كده. 

باسل بإبتسامة خبيثه/ انا عندي خطه هتخلي فرحه ترجعلك جري. 

تميم بسخريه/ انت مجنون صح؟؟.. فرحه استحاله تيجي جري زي ما انت بتقول. 

باسل بثقه/ اسمع مني بس اوعدك مش هتندم. 

تميم بلا مبالاه/ اعمل اللي انت عاوزه اهم حاجه فرحه ترجعلي. 

باسل بإبتسامة/ يبقي اتفقنا يا باروا. 

ــــــــــــــــــــــــــــــــــــــــــــ✦

بعد مرور عده ايام.. 

كان باسل يخطط جيدا وتميم ينفذ كل ما يقوله له باسل.. وفاطمه واحمد كانوا يساعدون باسل.. وفاطمه كانت تساعد باسل حتي تجعل صديقتها تتخلص من هذا الاكتئاب الذي يوجد لديها. 

اما تميم ف شبه ابتعد عن فرحه ولم يعد يحادثها او يحاول مقابلتها مره اخري و وجه تركيزه علي عمله وحياته.. وحسن علاقته ب سمر حتي تقتنع انه عاد يحبها مره اخري. 

ــــــــــــــــــــــــــــــــــــــــــــ✦

في القطاع... 

كانوا يقفون بكل إحترام والجديه تظهر علي واجههم. 

اللواء منير كان يقف وينظر لهم بفخر ثم تحدثت بإبتسامة/ انا بجد فخور بيكم جدا.. ومصر كمان فخوره بيكم عشان قدرتوا تنفذوا العمليه دي بكل جداره ونجاح.. ومبروك علي الترقيه يا شباب. 

باسل وتميم كانوا يقفون بنفس واقفه الجديه ثم تحدثوا بإبتسامة خفيفه/ الله يبارك في حضرتك يا فندم. 

اللواء منير بهدوء/ دلوقتي اقدر اقولكم انه اجازتكم هتبدا من النهارده لحد اخر الاسبوع.. استمتعوا كويس عشان بعد الاسبوع ده هترجعوا للجد.. فاهمين يا شبااااب. 

تميم وباسل بإحترام/ تمااام يااا فندم. 

اللواء منير بضحكه مكتومه/ تقدروا تتفضلوا. 

ذهب كلا من باسل وتميم وركبوا السياره وتحدث باسل في سرعه/ احنا لازم نخلص الخطه دي خلال الاسبوع ده.. الاجازه دي لو خلصت قبل ما نخلص الخطه.. كده انت تقدر تقول علي فرحه صفحه واتقفلت. 

تميم بتشاؤم/ بعد الشر ايه اللي انت بتقوله ده.. قول كلام كويس يا اما متتكلمش خالص. 

باسل بهدوء/ انا بقولك الحقيقه يا صاحبي. 

تميم بضيق/ طب شغل العربيه واخلص بقي. 

باسل شغل السياره وانطلقوا الي وجهتهم. 

ــــــــــــــــــــــــــــــــــــــــــــ✦

في السجن... 

كانت تجلس امام ابيها وهو كان ينظر لها ثم تحدث بحزن و رجاء/ سامحيني يا بنتي ارجوكي.. انا عارف اللي انا عملته ده ملهوش مبرر بس انا نفسي تسامحيني.. انا حرفيا مبنمش من كتر التفكير فيكي يا بنتي. 

فرحه بلا مبالاه/ مبقتش فارقه يا بابا انا حياتي كلها ادمرت في غمضه عين.. ومش هرمي الغلط كله عليك.. بس حضرتك اللي خلتني اشوف العذاب بحق وحقيقي وانا عايشه مع البنأدم ده تحت سقف واحد.. حتي اول حب ليا راح.. حتي حضرتك ياا بابا ضيعت نفسك وسبتني لوحدي. 

اكملت بنفس عميق قائله/ انا جيت اشوفك للمره الاخيره يا بابا.. عشان انا مسافره وتقريبا مش هرجع تاني عايزه ابدأ حياه جديده مع نفسي مفيهاش اي ضغط او اي تعب.. اتمني انه حضرتك تخرج بالسلامه ومتخفش يا بابا انا مسمحاك مهما كان حضرتك بابايا ومينفعش ازعل منك مهما عملت فيا كل اللي نفسي فيه.. انك تتعلم من اخطائك فعلا يا بابا.. ارجوك. 

رشدي بإبتسامة حزن/ حاضر يا بنتي.. انا المهم عندي انك سامحتيني وانا اوعدك اني بعد كده مش هعمل اي حاجه تخليكي تزعلي بسببي او اي حاجه تأذيكي. 

فرحه بإبتسامة خفيفه/ اتمني يا بابا.. يلا انا مضطره امشي عشان فيه شويه ارواق عايزه الحق اخلصها لزوم السفر وكده. 

رشدي بإبتسامة/ ربنا يوفقك يا بنتي وابقي طمنيني عليكي اول بأول. 

فرحه بإبتسامة/ اكيد يا بابا. 

رشدي عانق ابنته بشده وهي كانت مرتبكه في الاول حتي شعرت بالراحه والاطمأنان عندما عانقها والدها وهي ايضا عانقته بشده. 

فرحه خرجت من حضن والدها وتحدثت بإبتسامة/ اشوفك علي خير.. مع السلامه يا بابا. 

رشدي بحزن يحاول ان يخفيه/ مع السلامه يا حبيبتي. 

ذهبت فرحه وابيها ظل يترقبها حتي ذهبت والدموع بدات تجتمع في عيون رشدي اشتياقاً ل ابنته التي سترحل وتتركه. 

ــــــــــــــــــــــــــــــــــــــــــــ✦

مسااااااءااااا.. 

في فيلا رشدي... 

كانت تجلس هي و صديقتها ويتحدثان سويا بهدوء. 

فاطمه بتساؤل/ هو تميم مبقاش يكلمك. 

فرحه بلا مبالاه عكس ما بداخلها/ لا واحسن.. انا كده بقيت مرتاحه.. وهبقي مرتاحه اكتر لم اسافر علي خير. 

فاطمه بدهشه/ تسافري!!. 

فرحه بهدوء/ ايوه هسافر.. هسافر يا فاطمه وهبدأ حياه جديده مع نفسي.. حياه خاليه من المشاكل والدموع والوجع والالم اللي شفتوا الفتره اللي فاتت.. كفايه عذاب في حياتي بقي.. ثم اكملت بحزم واصرار.. انا خلاص قررت ولوسمحتي مش عايزه اسمع اعتراضات منك. 

فاطمه بسخريه/ وانا هعترض ليه يا صحبتي وعشره عمري.. انتي خلاص خدتي قرارك وبتنفذيه.. انتي تلاقيكي قولتي تعملي اللي عليكي من ناحيتي وتعرفيني والمفروض انا اسمع قرارك واقولك بالتوفيق يا حبيبتي في حياتك الجديده مش كده.. ثم اكملت بإبتسامة مزيفه.. حاضر يا صحبتي.. بالتوفيق يا صحبه عمري في حياتك الجديده. 

فرحه بحزن/ فاطمه متفهمنيش غلط ونبي.. انا بجد مش ناقصه.. كفايه اني كل يوم مش بعرف انام من كتر التوتر والتعب اللي في حياتي.. ارجوكي حاولي تفهميني وتقفي جمبي لاني بجد حاسه اني بقيت وحيده اوي ومليش حد غيرك دلوقتي. 

فرحه بدات تجتمع الدموع في عيونها وظلت تبكي وفاطمه حزنت كثيرا علي صديقتها واخذتها في حضنها وظلت تهدئها ثم تحدثت بهدوء/ خلاص يا حبيبتي اعملي اللي يريحك وانا معاكي في اي قرار انتي عايزاه.. اهم حاجه تكوني مرتاحه ومشوفكيش زعلانه ابدا يا روح اختك. 

فرحه وهي تنظر الي صديقتها بإبتسامة خفيفه/ حبيبتي ربنا يخليكي ليا وميحرمنيش منگ ابدا يااختي. 

فاطمه بحب/ ويخليكي ليا وميحرمنيش منگ ابدا يا حبيبتي.. ثم اكملت بتساؤل.. قوليلي بقي انتي هتسافري امتي؟؟. 

فرحه بهدوء/ هو انا فاضلي شويه اجراءات عشان الاوراق تبقي كامله.. ف ممكن كده اسافر بكره بليل. 

فاطمه بإبتسامة مزيفه/ ربنا معاكي يا حبيبتي ويوفقك وترتاحي في حياتك الجديده. 

فرحه بإبتسامة خافته/ يارب يا فاطومي يارب. 

فاطمه في نفسها بقلق/ كده لازم اقول ل باسل وتميم بسرعه عشان يلحقوا يتصرفوا. 

ــــــــــــــــــــــــــــــــــــــــــــ✦

صباااااااحاااااا.. 

في فيلا تميم.. 

كانوا الاربعه جالسون سويا ويتحدثون في امر الخطه. 

فاطمه بنفس عميق/ جماعه قبل ما تتكلموا في اي حاجه.. لازم تعرفوا انه فرحه مسافره انهارده بليل. 

جميعهم بصدمه/ ايييييه. 

تميم بدهشه/ ازاي يعني الكلام ده.. هي اتجننت ولا ايه.. ثم نهض من مكانه وتحدث بإصرار.. انا لازم اروحلها انا استحاله اسمحلها تاخد قرار زي ده.. هي كده بدمر كل حاجه انا بعملها عشانها. 

باسل بحده/ انت كده اللي هتدمر كل اللي احنا بنخططله.. اقعد يا تميم واهدي شويه عشان نفكر هنعمل ايه. 

احمد بهدوء/ باسل معاه حق يا تميم.. اقعد واهدي عشان نعرف نفكر وان شاءلله هنلاقي حل.

تميم بحده/ خلاص كلكوا بقيتوا حكماء وبتعرفوا تفكروا وانا اللي بقيت مجنون.. ثم جلس واكمل بنفاذ صبر.. اديني قعدت لما نشوف اخرتها معاكوا. 

باسل بهدوء/ تميم انت هتاخد بعضك وتروح عند سمر وتحاول تقنعها انكم تتجوزوا انهارده وانا هسابق فرحه علي المطار والحقها.. ثم اكمل بإبتسامة خبيثه.. وسيبوا الباقي عليا.. اما خليتها جيالك جري علي الفرح مبقاش انا باسل الخولي. 

ــــــــــــــــــــــــــــــــــــــــــــ✦

في الكافيه.. 

سمر بصدمه/ اييييييه انت عايز تتجوزني. 

تميم بإبتسامة مزيفه/ ايوه يا حبيبتي انا عايز اكمل بقيت حياتي معاكي.. انتي حبي الاول والاخير وانا استحاله استغني عنك. 

سمر بعدم تصديق/ معقوله يا تميم الكلام اللي انا بسمعه ده.. انا حاسه اني بحلم. 

تميم بإبتسامة/ لا يا حبيبتي مبتحلميش ولا حاجه.. وعشان اثبتلك اني بتكلم بجد.. فرحنا هيكون انهارده بليل. 

سمر بدهشه/ انهارده بليل!!. 

تميم بإبتسامة/ ااه انهارده بليل ومتخفيش انا مجهز كل حاجه انتي كل اللي عليكي تجهزي نفسك بس. 

سمر بإبتسامة/ اذا كان كده انا موافقه يا حبيبي. 

تميم في نفسه وهو ينظر لها بسخريه/ هنتقم منك يا سمر علي اللي عملتيه فيا زمان و دلوقتي.. وحبيبتي هترجعلي وانتي هبيعك واستغني عنك زي ما استغنيتي عني زمان. 

ــــــــــــــــــــــــــــــــــــــــــــ✦

مسااااااءااااا.. 

في المطار.. 

كان يقف بعيدا ب سيارته وينتظر قدومها بفارغ الصبر.. 

بعد دقائق.. جاءت فرحه ودخلت المطار.. 

باسل لاحظ دخولها المطار وبعد ذالك ركن السياره وخرج من السياره وركض ورأها الي المطار. 

باسل بصوت عالي نسبيا/ فررررحه. 

فرحه سمعت اسمها يذكر من صوت احد هي تعرفه. 

فرحه ادارت وجهها ونظرت علي من يناديها وجدته باسل. 

فرحه بإستغراب/ باسل!!. 

باسل اتجه اليها وتحدث بصعوبه/ الحمدلله اني لحقتك قبل ما تسافري. 

فرحه بتساؤل/ انت بتعمل ايه هنا يا باسل. 

باسل اخذ انفاسه بهدوء ثم تحدث بنفس عميق/ فرحه احنا لازم نتكلم.

فرحه بضيق/ مبقاش فيه كلام نقوله يا باسل.. كل اللي كنت عايزه اقوله لصاحبك قولتهولك.. عشان تقولهوله. 

باسل بهدوء/ بصي احنا هنتكلم بهدوء ومش هاخد من وقتك غير ربع ساعه.. لو الكلام معجبكيش خلاص هسيبك تسافري.. لكن ارجوكي انتي لازم تسمعي الكلام اللي انا هقولهولك. 

فرحه بتنهيده/ هقول ايه امري لله.. اتفضل شوف هنقعد فين عشان نتكلم. 

نظر الي المقاعد التي كانت في المطار واشار اليهم وقاموا بالجلوس ثم تحدث باسل بهدوء/ بصي يا فرحه انا مش جاي انهارده عشان ادافع عن صاحبي ولا حاجه انا جاي عشان احكيلك قصه صغيره.. من سنه ونص تقريبا تميم كان عنده عمليه.. وكان مطلوب منه انه يحرس سمر معتز.. و اكيد كان فيه هدف من حراستها ف عشان كده كان بيحرسها.. مع الايام سمر اتعودت عليه وتميم اتعود عليها وجريت الايام وحبوا بعض وفي يوم قرر انه يخطبها.. ساعتها انا كنت مسافر ومقدرتش اروح معاه.. واصلا سمر دي انا عمري ما شوفتها تميم كان بيحكيلي عنها وبس.. مجتش مناسبه اني اتعرف عليها وش ل وش.. المهم راح طلب ايديها من باباها واتخطبوا.. سمر دي بقي كان الهدف من حراستها انه باباها كان ديلر كبير.. وتميم بعد ما خطبها عرف انها بتساعد باباها في تهريب المخدرات.. واما عرف انصدم اوي وقرر انه هيكمل في الخطوبه عشان يعرف منها اي معلومه.. وفي يوم كانوا هيهربوا نوع خطير جدا من انواع المخدرات وتميم اتطلب منه انه ياخد القوات ويروحوا يقبضوا عليهم.. ساعتها والد سمر عرف ب انه تميم يبقي ظابط سري وانه مش حارس ولا حاجه وساعتها عرف سمر.. وهربوا هما الاتنين برا البلد بطريقتهم الخاصه واما تميم راح علي الفيلا بتاعتهم وخلي القوات تدور عليهم في كل شبر في الفيلا.. في الاخر لقي ورقه ومعاها دبله والورقه كان مكتوب فيها.. انا اسفه اني هربت بس مكنش ينفع تمسكني واتمنالك حياه سعيده مع واحده غيري.. تميم طبعا اتعصب وتعب وحالته ادهورت.. بعديها ب ايام انا رجعت من السفر وفضلت جمبه طول الوقت ومن ساعتها وانا مبسبهوش.. الهدف من اللي انا بحكهولك دلوقتي انه تميم صادق جدا في مشاعره ولما بيحب حد بيحبه من قلبه.. وانتي يا فرحه حبه ليكي كان اقوي من حبه ل سمر.. تميم معتبرك حبه الاول والاخير.. ثم اكمل بيأس.. انا جيت احكيلك عشان متفضليش ظلماه طول العمر.. هو دلوقتي لما فقد الامل ف انه يعرف يتواصل معاكي ب اي طريقه.. قرر انه يرجع ل سمر تاني.. وهما دلوقتي بيتجوزا.. زمان المأذون جايلهم في الطريق. 

فرحه كانت تستمع لحديث باسل بعده مشاعر مختلطه ولكن عندما استعمت لخبر زواج تميم وسمر انصدمت كثيرا ولم تعد تعرف تتحدث او تقول اي شئ. 

باسل بحزن لعدم ردها/ انا عملت اللي عليا وجيت عرفتك كل حاجه.. وانتي دلوقتي قدامك القرار يا تسافري يا اما تيجي معايا تلحقي تميم. 

فرحه كانت مصدومه وكانت لا تستجيب لاي حديث اخر.. و باسل عندما رأها هكذا نهض من مكانه ثم تحدث بيأس/ خلاص يا فرحه انا عرفت قرارك.. سافري يا فرحه وابدأي حياتك من جديد واكيد تميم هيبقي مضايق جدا بس هنقول ايه انتي مينفعش تكملي حياتك مع حد متحبوش. 

باسل كان سيذهب ولكن اوقفته فرحه بصوتها قائله/ بااسل استني انا جايه معاك.. انا استحاله اسيب تميم او استغني عنه.. تميم ده حب حياتي واستحاله ابعد عنه. 

باسل بحماس/ طب يلا بسرعه مستنيه ايه. 

فرحه بإبتسامة/ يلاااا. 

ــــــــــــــــــــــــــــــــــــــــــــ✦

في الفرح.. 

كانوا يقفون المعازيم في كل مكان وفاطمه واحمد كانوا يقفون بعيدا عن تميم وسمر حتي لا تراهم سمر وتتعرف عليهم والخطه تفشل. 

فاطمه بقلق/ تفتكر هيعرف يقنعها انها تيجي. 

احمد بهدوء/ علي حسب معشرتي ل باسل وتميم.. عرفت انهم صادقين جدا ولما بيقولوا علي حاجه بتتنفذ.. ف طلما باسل كان بيتكلم بثقه يبقي ان شاءلله هيعرف يقنعها تيجي. 

فاطمه بعدم اطمأنان/ اتمني لانه فرحه لو سافرت انا بجد مش هستحمل. 

احمد بإبتسامة/ اطمني يا حبيبتي هي مش هتبعد عنك ابدا. 

فاطمه بتمني/ يارب يا احمد يارب. 

ــــــــــــــــــــــــــــــــــــــــــــ✦

عند سمر وتميم.. 

كانوا جالسين بجانب بعض ثم تحدثت سمر بإبتسامة/ انا بجد فرحانه اوي اننا هنتجوز يا حبيبي. 

تميم بإبتسامة مزيفه/ وانا اكتر يا حبيبتي. 

تميم في نفسه/ ما تخلص يا باسل.. كل ده بتقنعها تيجي. 

سمر بإستغراب/ مالك يا حبيبي شكلك قلقان ليه كده. 

تميم بإنكار/ لا يا حبيبتي.. انا هقلق ليه.. اما بس مش مصدق نفسي من الفرحه. 

سمر بإبتسامة/ وانا كمان يا حبيبي بجد فرحتي متتوصفش فعلا. 

بعد دقائق جاء المأذون.. وتميم انصدم كثيرا وتحدث في نفسه بصدمه/ كده كملت. 

جلس الماذون وكان يحضر ل ارواق الزواج وكان سيبدا في عقد الزواج ولكن جاءت فرحه ومعها باسل وتحدثت بصوت عالي نسبيا/ تمييم استني. 

تميم بسعاده لا توصف/ فرررحه. 

تميم نهض من مكانه واتجه اليها وتحدث بسعاده/ اخيرا رجعتي يا فرحه.. انا كنت حاسس انك مش هترجعيلي تاني من كتر انك مش عاوزه تكلميني او تقبليني. 

فرحه بإبتسامة/ اديني رجعت يا تميم وعمري ما هفكر اني اسيبك ابدا. 

اقتربوا احمد وفاطمه كانوا ينظرون لهم بسعاده.. اما سمر فكانت في حاله ذهول وصدمه لو توصف. 

سمر نهضت من مكانها واتجهت الي تميم وتحدثت بصدمه/ يعني ايه الكلام ده.. يعني انت كنت بتضحك عليا.. كنت بتخدعني. 

تميم بإبتسامة استفزاز/ ايوه كنت بضحك عليكي وبخدعك.. ودلوقتي هعمل معاكي زي ما عملتي فيا زمان.. زمان انتي هربتي عشان ممسكيش لكن دلوقتي انا اللي سبتك وانتي بردوا مش هتعرفي تهربي.. انا كلمت البوليس وزمانه جاي في الطريق. 

سمر بجنون/ لا استحاااله.. استحاااله انا اخسر بالسهوله دي.. لأ يا تميم لأ. 

سمر اخرجت من حقيبتها مسدس وقامت بتوجيه علي تميم وجميعهم انصدموا.. وعندما اطلقت الرصاص باسل وقف امام صديقه في سرعه وقام بأخذ الرصاصه مكان صديقه. 

تميم بصدمه وهو يمسك ب صديقه/ بااااسل. 

سمر نظرت لهم بصدمه وجميعهم نظروا ل باسل بصدمه. 

تميم بعدم تصديق/ باسل.. لا يا صاحبي انت مش هتموت وتسيبني.. باسل قوم يا باسل انت قوي وهتقوم.

باسل بتعب/ تميم انت كنت افضل اخ انا شوفته في حياتي انت مكنتش صاحبي قد ما كنت كل عيلتي.. انا لو موت مش عايزك تنساني يا صاحبي.. ثم وضع يده علي قلب تميم واكمل.. انا عارف اني هفضل موجود هنا وانه انت عمرك ما هتنساني يا اخويا. 

باسل اغلق عينيه تدريجيا تحت نظرات تميم له وصدمته التي لا توصف.. وجميعهم بدوا في البكاء.. ثم تحدث تميم بدموع وصدمه/ باسل.. قوم معايا صاحبي.. انت هتفوق وهتبقي كويس.. لا يا صاحبي ارجوك متعملش فيا كده.. انا مقدرش اعيش من غيرك يا صاحبي.. قوم يا باسل.. قوم قوم متموتش.. بااااااسل. 

ــــــــــــــــــــــــــــــــــــــــــــ✦

بعد مرور عشرت اعوام... 

في فيلا تميم...

في حديقه الفيلا.. 

كان يجلس باسل بهدوء ثم تحدث بإبتسامة وهو ينظر الي طفلان صغيران/ بس يا مريومه دي كل الحدوته. 

مريم بصوت طفولي وبتساؤل/ وحضرتك حصل فيك ايه بعد ما الشريره دي ضربتك بالمسدس. 

باسل بإبتسامة/ مفيش ودوني المستشفي وبقيت زي الفل ومحصليش حاجه.. باباكي بس اللي كان مأڤور حبتين. 

كريم بصوت طفولي وتساؤل/ والشريره دي حصل فيها اي يا انكل. 

باسل بهدوء/ البوليس جه ومسكها واخدت عقابها بالكامل.. ثم اكمل بمرح.. بس وبعد كده كل ثنائي اتجوزوا وعاشوا في سعاده وتوته توته خلصت الحدوته. 

مريم بإبتسامة/ الله دي حدوته جميله اوي. 

كريم بإبتسامة/ عندك حق يا مريومه.. تعرف يا انكل باسل انا كمان هكون زي انكل تميم وهكون حارس خاص ل مريومه. 

مريم بسعاده/ بجد يا كريم. 

كريم بإبتسامة/ بجد يا روح كريم. 

باسل انصدم عندما سمع هكذا.. ثم دخلوا الاربعه فجاءه وسمعوا اخر الحديث بين مريم وكريم وتحدث تميم بسخريه/ الله الله بنتي بتتشقط وانا لسه عايش يجدعان. 

فاطمه بغيظ/ ايه بتتشقط دي.. ثم اكملت بغرور.. وبعدين انت تطول اصلا انه ابني يحرس بنتك. 

تميم بغرور/ ااه اطول ومطولش ليه ان شاءلله..ليكون ابنك ابن الملك فاروق و انا معرفش. 

فاطمه بغرور/ لا يا تميم بيه.. انا ابني ابن اكبر ظابط في العيله. 

تميم بسخريه/ علي الاساس اللي واقف قدامك ده كيس جوافه مثلا. 

فاطمه بارتباك/ لا انا مقولتش كده.. انا قصدي انه ابني مش اي حد يعني. 

تميم نظر الي احمد الذي كان يضحك بشده وتوقف عندما نظر له تميم. 

تميم بفراغ صبر/ سكت مراتك يا احمد عشان منزعلش من بعض. 

احمد بضحكه مكتومه/ حاضر. 

باسل كان جالس ويضحك بشده وفرحه كانت واقفه بين تميم وفاطمه وتضحك ايضا بشده وبعدها تحدث باسل بهدوء بعدما حاول السيطره علي ضحكه/ خلاص يا جماعه استهدوا بالله وتعالوا اقعدوا. 

ذهبوا الاربعه وجلسوا امام بعض بهدوء. 

باسل بهدوء/ خلاص يا جماعه اهدوا محصلش حاجه لكل ده يعني. 

فرحه بهدوء ل تميم/ خلاص يا حبيبي.. مش كل يوم خناق انت وفاطمه بسبب كريم ومريم. 

تميم بنفاذ صبر/ انتي مش شايفه صحبتك بتتكلم ازاي.. وبتستفزني ازاي. 

فاطمه بغيظ/ قال يعني انت اللي ملاك.. ده انت اكتر واحد مستفز ورخم ورزل.. 

احمد بمقاطعه لحديثها وبحده/ فاااطمه.. كفايه كده.. احنا قدام الاطفال ميصحش كده. 

فاطمه التزمت الصمت وتميم كان في قمه غضبه ولكن تحدثت فرحه بمرح/ خلاص يا جماعه حصل خير.. يلا يا ولاد روحوا العبوا شويه. 

ذهبوا الاطفال حتي يلعبون و يستمتعون سويا اما باسل وفرحه ف ظلوا يتحدثون بمرح ومزاح حتي يغيروا هذا الجو الموتر وبالفعل نجحوا وظلوا الخمسه يضحكون ويمزحون سويا.

ــــــــــــــــــــــــــــــــــــــــــــ✦

مسااااااءااااا.. 

في فيلا احمد... 

احمد بإبتسامة/ بغض النظر عن خناقتك انتي وتميم بسبب مريم وكريم.. بس كان يوم حلو. 

فاطمه بإبتسامة/ عندك حق.. انا اصلا يكفيني اني اكون مع صحبة عمري.. دي لوحدها كفايه. 

احمد بغمزه/ طب ايه هنفضل نتكلم علي صحبه عمرك كتير ولا ايه. 

فاطمه قد فهمت قصده ثم تحدثت بخجل/ احمد.. عيب الولد واقف. 

احمد بإبتسامة وهو ينظر لابنه/ اطلع يا حبيبي علي اوضتك وخلي الداده تغيرلك هدومك وتنام عشان انا وماما في كلام سر ما بينا. 

كريم بسخريه/ كلام سر بردوا.. مااشي يا بابي.. تصبحوا علي خير. 

ذهب كريم ثم تحدثت فاطمه بصدمه/ شوف الولد بيتكلم ازاي. 

احمد بفخر/ انا حقيقي عرفت اربي.. شوفي الولد فاهم علي ابوه وحاسس بيه ازاي.. ثم اكمل برجاء.. حسي بيا بقي انتي كمان ارجوكي. 

فاطمه بخجل/ احمد. 

احمد حملها وابتسم بحب/ روح احمد وقلب احمد وحياه احمد كلها. 

ــــــــــــــــــــــــــــــــــــــــــــ✦

في فيلا تميم.. 

كانوا يسيرون سويا وتميم كان واضع قماشه علي عيون فرحه حتي يجعلها لا تري اي شئ. 

فرحه بملل/ يا تميم انا تعبت.. عايزه افتح عيني بقي. 

تميم اوصلها الي حديقه المنزل التي كانت مزينه بالورود الحمراء والشموع ثم تحدث وهو يزيل القماشه من عيونها/ كده اقدر اقولك فتحي عينكي. 

فتحت عينيها تدريجيا وانصدمت لهذا الجمال الذي راته ونظرت الي تميم بصدمه الذي كان ينظر لها بحب ثم اخرج من جيبه علبه صغيره وفتحها وتحدث بحب/ كل سنه واحنا مع بعض يا احلي فرحه دخلت حياتي. 

فرحه نظرت الي الخاتم الذي يوجد بداخل العلبه وكانت في قمه سعادتها.. ثم تميم اخرج الخاتم والبسه لها بحنان وقبل يديها برقه. 

فرحه بحب/ بجد انا مش مصدقه.. انت كل سنه بتفاجئني عن السنه اللي قبلها مش معقول يا تميم.. انت مفيش مره نسيت فيها عيد جوزنا. 

تميم بإبتسامة/ اديكي قولتيها عيد جوزنا.. ازاي بقي عايزاني انسي احلي عيد في حياتي.

فرحه بعشق/ انا بجد بعشقگ يا تميم.. بعشقگ بعشقگ بعشقگ. 

فرحه عانقته بحب وهو عانقها بحب وتحدث بعشق/ وانا بموت فيكي يا فروحتي. 

فرحه نظر له وتحدثت بحب/ ربنا يخليك ليا وميحرمنيش منگ ابدا يا حارسي الخاص. 

تميم بإبتسامة وحب/ ويخليكي ليا وميحرمنيش منگ ابدا يا روح حارسك الخاص. 

النــــــهايـــــــه♥🥹