أسد باستغراب : مالك 

يزن بتعب : انا مش قادر 

أسد بصدمة : انت بتنزف بجد 

يزن بتعب : منك لله 

أسد : تعالى بس هتلاقيه جرح سطحى من الطلقة 

دخلوا لقوا الكل قاعد بيستعدوا علشان الفطار 

اتصدموا من صويت لحن باسم يزن  و وقعها من على الكرسى

فاطمة و يمن جريوا قاموا لحن اللى منهارة و بتردد اسم يزن و قعدواها على الكنبة

يزن راح عليها بتعب و قعد جمبها و قال : اهدى حبيبتى انا كويس 

لحن حضنته بخوف و قالت : و ايه الدم دا 

يزن بهدوء: متخافيش انا كويس و مفيش حاجة 

أسامة بشك: انتم جايين سوا كدا مهببين ايه و مين اللى ضربك بالنار كدا 

يزن بتنهيدة : أسد 

كلهم بصوا لاسد بصدمة 

أسد بسرعه: طلقة فشنك والله و الدم مزيف هو بس الطلقة جرحته جرح سطحى و علشان بقالنا كتير نزف كتير يمن حاولى تعالجيه قبل ما جدك يجى 

يمن بخوف  : جدى انت مش قولت انك رايح تقبض عليه 

أسد : مفيش وقت للتفسير هقبض عليهم بس مش دلوقت دا حتى فى مثل بريطاني قديم بيقول الانتقام وجبه تُفضل ان تقدم بارده 

يزن بتعب : ممكن بقى تيجى تشوفى كتفى قبل ما جدك يجى

يمن راحت جابت الاسعافات و بدأت تعقم و قالت بهدوء : مفيش حاجة تستدعى انك تنزف كل دا من الواضح أن السيولة عندك عالية الدوا دا علشان متنزفش اكتر من كدا  

يزن بهدوء: تمام 

يزن حضن لحن بفرحه و قال: اخيرا سمعت صوتك يا قلب اخوك 

لحن بحزن : كان غصب عني 

يزن بجدية : و دلوقت هيبقى برضاك 

لحن باستغراب: يعنى ايه 

أسد بجدية: يعنى يا آنسة لحن قدام جدك انت لسه مش بتتكلمى علشان يوافق على بقائك هنا و مترجعيش الصعيد  و بص فى الساعه و قال : زمانهم على وصول و يا ريت كلكم تسمعوا اللى هقولوا و تنفذوا بالحرف ...........

و فعلا بعد ٥ دقايق 

كان الجرس ضرب 

أسامه فتح 

أسامة بدهشة مصتنعه: قدرى باشا اتفضل اتفضل اتفضلوا 

فاطمة: اتفضلوا افطروا معانا 

قدرى : يزيد فضلك اومال فين يزن 

فاطمة باستغراب مفتعل: يزن يزن ايه الى هيجيبوا هنا 

يمن طلعت من أوضة لحن و هى بتدفع الكرسى بتاعها 

قدرى بصدمه : لحن جيتى هنا ازاى 

يمن بارتباك: يزن كلمنى و قالى اروح اجيبها من المستشفى و لما رجعت لقيته هو أسد هنا و كلن متصاوب 

آسر بخوف مصتنع : مين اللى متصاوب 

يمن : يزن و هو نايم فوق 

فاطمة  بخضة : يا حبيبى يا بنى 

وطلعت على فوق بسرعه 

دخلت أوضة لقت فيها أسد و يزن 

فاطمة : جدك تحت و غالبا هيطلع 

أسد ببرود : يشرف 

فى الاسفل 

قدرى بص للحن و قال : اخبارك ايه يا بنتى 

لحن بصتله و سكتت 

يمن بحرج: مفيش فايدة مش هترد زى ما انت شايف كدا يا جدو من بعد وفاة طنط رويدا و هى لبتتكلم و لا عارفة تقف على رجليها 

قدرى بتنهيدة: ربنا يتم شفاك على خير با بت ابنى بص لأسامة و قال : تسمحلى اطمن على يزن يا أسامة 

أسامة : اكيد اكيد اتفضل اتفضلوا 

و طلعوا على فوق 

أسامة فتح الباب لقى فاطمة قاعده بتعيط واسد جمبها بيهدى فيها و يزن نايم على السرير 

قدرى: عم تبكى ليه يا مرت الغالى 

فاطمة فضلت تعيط و مردتش 

أسد بجدية: بتعيط علشان يزن يا جدى 

جاسر : كيفه دلوقت 

أسد: الحمد الله يمن طلعت الرصاصه و خيطت الجرح و من ساعتها و هو نايم و يفضل اننا نسيبه يرتاح و ننزل 

فاطمة برفض  :لا هفضل معاه هنا 

أسد بهدوء: تعالى يلا علشان نفطر يا طنط و ابقى تعالى اقعدى معاه 

فاطمة برجاء : طب انزلوا و خمس دقايق و هكون عندكم بس سبيونى معاه لوحدى 

أسد: بس ان.....

قدرى بمقاطعه: سيبها على كيف راحتها يا بنى و بص لفاطمة بحده و قال : مهما ان كان دا ابنها 

أسد هز راسه بالموافقة و نزل و الباقى وراه 

اول ما الباب اتقفل 

يزن قام من على السرير و قال بضحك: دا انت طلعت ممثلة يا طمطم

فاطمة بحده : بس يا حيوان هروح اجيبلك فطارك من الأوضة التانية و انزل 

راحت جابت له الفطار و نزلت 

تحت كان الكل قاعده على السفرة 

فاطمة : افطروا يا جماعه البيت بيتكم 

خلصوا الفطار 

جاسر : تسلم يدك يا مرت عمى 

فاطمة بمجاملة: تسلم و تعيش و اشوف ولادك انت و سلمى 

قدرى بجدية : ممكن اتكلم معاك يا أسد على انفراد 

أسد بجدية: اكييد

و طلعوا على أوضة أسد 

فى السعودية 

مهره بفرحه: العمليه نجحت يا مدام 

المدام بشكر : الحمد الله الحمد لله و بصت لمهره بامتنان وقالت: مش عارفه اقولك ايه انت انقذتى بنتى 

مهره بابتسامة: مفيش داعى  دا واجبى ربع ساعه و تقدرى تشوفيها 

و مشيت 

زهره بحب : انت انسانه طيبة اووى يا مهرة و تستاهلي كل خير 

مهره بابتسامة: متعرفيش ببقى مبسوطة ازاى و انا شايفه الاطفال دي بتتعالج وقلبها بيرجع ينبض تاني 

زهره بارتباك: كنت عايزه اقول لك حاجه بس من غير عصبيه ومن غير زعل

 مهره بتنهيدة:موافقه يا زهره من قبل ما تتكلمي

 زهره بسعاده : بجد صدقيني بيحبك بس انت ادي له فرصه

 مهره : وانا قررت ادي له الفرصه دي وهي فرصه واحده مفيش غيرها

زهره بسعادة : غيرى هدومك دى لحد ما اكلمه و اقوله انك موافقة تقابليه دا هو يا حبة عينى كل مرة يجهزلك مفاجأة شكل و فى الاخر انت ترفضى 

مهره باستغراب : بيجهز 

زهرة : اومااال مره على البحر و مره على التله و مرة فى يخت و كل مرة انت تقولى لا 

مهره بحرج : يااااه كان بيتعب اوووى كدا علشانى و انا كنت دبش معاه 

زهرة بسرعة: متفكريش كتير يلا البسى و مشيت على برا 

مهره بدعاء: يا رب اجعله خير لى و عوضني بيه خير يا رب يا رب إن كان شرًا ابعده عنى و لا تجعله كاسرًا لقلبى و روحى 

و بدأت تغير هدومها و طلعت من الأوضة لقت زهرة قدامها 

زهره بانبهار: الدريس الجميل دا كان فين اول مرة اشوفه 

مهره بلمعه فى عينها : كل ما احس ان فى حاجة حلوة هتحصل بلبسوا  و بقالى كتير محستش الاحساس دا 

 دا اول دريس جبته لما سيبت القاهرة و روحت اسكندرية و اول مره البسه لقيت شقى اقعد فيها بعد تدوير كتير حسيت وشه حلو عليا  

زهره بحب : طب باسم مستنيك برا المستشفى 

مهره خدت نفس طويل و قالت : تمام و طلعت برا المستشفى

لقت باسم واقف قدام المستشفى و هو ساند على العربية اول ما شافها اتعدل 

باسم بابتسامة: اخيرا دكتوره مهره قبلت دعوتى 

و طلع من العربية بوكيه ورد ادهالها 

مهره بانبهار: شكرا شكله حلو اوووى 

باسم ابتسم بهدوء و قال : العفو على ايه دا الورد للورد 

 و اخدها و مشيوا 

راح بيها على مطعم و كان حاجز ترابيزة فى ركن هادى ليهم و اقعدوا يتبادلوا أطراف الحديث 

آسر باستعجال: سلام عايزين حاجة

فاطمة بحب : عايزين سلامتك لما توصل طمننا 

آسر بهدوء : حاضر 

أسامة بحب : خلى بالك من نفسك و متتاخرش عليا 

آسر حضنه بحب و قال : ادعيلى ادعيلى كتير اوى يا بابا 

أسامة ربت على كتفه و قال: دعواتى فى كل خطوة بتخطيها انت و اخواتك ربنا يسعدكم يا بنى 

آسر بابتسامة: ربنا يديمك لينا يا بابا يلا سلام مراد هياكلنى و مشى راح على المطار 

فى أوضة أسد 

قدرى بجدية:مقبضتش علينا ليه يا ابن الراوى

أسد بجدية: لأنكم عيلتى 

قدرى بتساؤل : انت ليك فى الشمال و لا ايه يا حضرة الضابط 

أسد ببرود : هو فى ظابط ملهوش فى الشمال 

قدرى : انت عايز ايه 

أسد ببرود : انت اللى عايز مش انا انت عايز  الحماية 

قدرى : و انت عايز ايه 

أسد بخبث : فلوس مش هقول النص ب على الاقل ٣٠% من كل عملية هخلصهلكم 

قدرى : يعنى انت ع .....

أسد بمقاطعه خبيثه :  عايز اشتغل معاكم