رواية شبيه زوجي الفصل الثاني 2 بقلم ملك شكري
رواية شبيه زوجي الفصل الثاني 2 هى رواية من كتابة ملك شكري رواية شبيه زوجي الفصل الثاني 2 صدر لاول مرة على موقع التواصل الاجتماعى فيسبوك رواية شبيه زوجي الفصل الثاني 2 حقق تفاعل كبير على الفيسبوك لذلك سنعرض لكم رواية شبيه زوجي الفصل الثاني 2
رواية شبيه زوجي الفصل الثاني 2
ببص من الفتحه الي ف الباب وشوفت المنظر المرعب ده حسيت ب ايد بتتحط على كتفي اتنفضت من مكاني برعب ببص ورايا لقيت….لقيت خالد جوزي!!! بيبتسم بنفس البرود وبيقولي
-مالك واقفه كده ليه
بصيتله وانا ببلع ريقي بصعوبه ووشي اصفر ومش قادره اقف على رجلي
-ه ها لالا مفيش ك كنت بس ح حسيت ب صوت وكنت ع عاوزه ادخل الحمام والباب كان مش راضي ي يفتح
ابتسم وقال
-طب أنا هدخل انام
بصيتله وقولتله تمام
دخل اوضته وكان ماشي بطريقه غريبه ماشي فارد ضهره زياده اوي مش مشية بني ادم طبيعي وماشي مستقيم وكانه بيعمل عرض ازياء دخل الاوضه وقفل الباب ولقيت كل انوار الاوضه اتقفلت مش عادة خالد دي!! خالد عمره ما حب ينام من غير نور كنت دايما بتخانق معاه لأني بتخنق وانا مغطيه وشي بسبب النور الي بيبقا فاتحه وهو نايم
قعدت على الكنبه قصاد التلفزيون وشغلته كان على قناة MBC2 وكان عارضين قبلها ان في يوم ف الأسبوع هيجيبوا فيه أفلام رعب ف قعدت وانا بحاول انسى اي حاجه شوفتها واشوف هتصرف ازاي الصبح لما ينزل ف اي حتى
لقيت الفيلم الي اشتغل فيلم سچين الاجزاء القديمه
كانت البنت بتفتح الباب ل جوزها وهو راجع من الشغل وفضلوا يتكلموا بعدها الباب خبط وبصت من العين السحريه كان جوزها!!!
تابعته بفضول وحماس اعرف النهايه جت عند حتى رعب لما كانوا بيحاولوا يقراو قران على البنت وفجاه الكرسي طار بيها ولقيت صوت التلفزيون علي اوي على ١٠٠ وصوت الصريخ بقا عالي أنا باخد الريموت واوطي ولما اوطي يعلى مره تانيه لحد ما فضلت اكرر كذا مره لحد ماقفلته بسرعه وأول ماقفلته سمعت صوت طالع من اوضة نومي أنا وخالد صوت كلام مش مفهوم زي التلاصم ودخان كتير طالع من تحت عقب الباب وصوت نزاع قوي أنا قومت من مكاني وحاسه ان رجلي حرفياً مش قادره امشي عليها من الخوف وقفت ورا الباب وانا بسمع كلام غريب بيتقال وريحة دخان استغفرالله في الكلمه معفن حسيت ان الحركه هديت وهو شك ان أنا برا حسيت ب حد بيتحرك ناحية الباب جريت على الكنبه ب اسرع قوه عندي وقعدت على الكنبه مثلت اني ماسكه موبايلي لقيت رجله باينه من تحت الباب وكانّه بيسمع في حد برا او لا بس مفتحش الباب بعدها ب شويه رجع مكانه والأصوات اختفت ومرجعتش مره تانيه..
خوفت ادخل عنده ف حاولت انام مكاني حطيت راسي ولأول مره أسيب النور وانا نايمه نمت بعد ارق دام ل ساعات صحيت تاني يوم ملقتش خالد اتنهدت براحه واتصلت بسرعه ب صحبتي الوحيده تنجدني
حكيت ل ساره على كل الي حصل من ساعة مارجع وهي بين كل موقف والتاني احكيهولها تشهق بخضه وتستعيذ بالله
-أتصرف ازاي يا ساره أنا مرعوبه
-والله ماعارفه اقولك اي أنا نفسي عماله أتلفت حواليا ل يكون حواليا بصي أنا هجيلك بكره نشوف الموضوع ده
اتنهدت ب رعب وقلق وقولتلها
-تمام
بعد شويه لقيت خالد داخل عليا وماسك ف ايده صندوق
بصيتله وقولتله
-ايه ده؟
-جبت قطه تسلينا بدل ما احنا لوحدنا كده
أنا قولتله
-بس انت كنت رافض فكره القطط تماماً انها تدخل البيت وكنت بتقول إنهم بيمنعوا الخلفة وهيشغلوكي
ابتسم ابتسامه مريبه وقال
-كلام فارغ اهو نلاقي حاجه نربيها
هزيت راسي بعدم اقتناع وقولتله طب وريني شكلها
طلعها من الصندوق وانا اترعبت من شكلها عباره عن كتله سودا وعيونها اخضر فاتح اوي وشعرها قليل
قولتله
-اعوذ بالله من الشيطان الرجيم اي ده ياخالد
بص بعصبيه مبالغ فيها ووشه قلب الوان معرفش إذا كان ادايق انها معجبتنيش ولا عشان استعذت!!!!!
-مالها يعني ماهي حلوه اهي في ايه!!!!
قالها بطريقه خوفتني ف قولت
-ملهاش
أنا مع اني كنت خايفه بس كان عندي فضول اعرف هوصل ل اي معاه واي نهايته هو ليه أتغير اوي كده
عدا اليوم بأحداث غير طبيعيه وجيه تاني يوم ونزل وجتلي ساره اول ماشافت القطه بتجري ف البيت اترعبت
-اي ده بسم الله الرحمن الرحيم اي يابنتي المنظر ده
أنا قولت بقلة حيله
-متسالينيش أنا اسألي التاني الله يسامحه
قعدنا مع بعض بنفكر نعمل اي ف الموضوع ده ومره واحده ساره لقت القطه بتجري بسرعه اوي وكانّها بتلعب بس بغباء جت تحت رجليها ف ساره من الخضه زقت القطه جامد اوي ب رجليها خليتها تخبط ف الترابيزه وقعت القطه ساكنه متحركتش
ف نفس اللحظه لقينا الباب بيتفتح بطريقه مرعبه وخالد داخل وشه احمر اوي وعيونه بياضهم مش باين وأتحول للون الأحمر وقال بصوت عالي ومرعب
-عزاااااام…………
يتبع……