رواية لم تكن حبيبتي رعد وشمس الفصل الخامس 5 بقلم همس كاتبة
رواية لم تكن حبيبتي رعد وشمس الفصل الخامس 5 هى رواية من كتابة همس كاتبة رواية لم تكن حبيبتي رعد وشمس الفصل الخامس 5 صدر لاول مرة على موقع التواصل الاجتماعى فيسبوك رواية لم تكن حبيبتي رعد وشمس الفصل الخامس 5 حقق تفاعل كبير على الفيسبوك لذلك سنعرض لكم رواية لم تكن حبيبتي رعد وشمس الفصل الخامس 5
رواية لم تكن حبيبتي رعد وشمس الفصل الخامس 5
فتحت شمس الباب بقوة
شمس بسخرية و تقليد : و ليه يا رعد ما تسامحها دي هتمو.ت بين ايديك
ثم قالت بحدة : طلبتي و نولتي يا روح امك انا همو.تك هنا و حالا
داليا بصدمة لرعد : ايه الاشكال البلدي دي ؟ مين دي؟
شمس بصدمة : يا انهار ابوكي اسود … انا بلدي تعاليلي يا زبالة يا سقط الحريم ..انا
هوريكي
و شدتها من شعرها
كانت بتحاول داليا تدافع عن نفسها بس معرفتش
داليا بصراخ : سيبيني يا حيوانة
كان رعد بيبص بصدمة و بيضحك على منظر شمس
هربت داليا و اتخبت ورا رعد لحقتها شمس و شدتها من شعرها تاني و رعد مسك داليا عشان شمس تضر..بها و هو بيضحك
بعد عنهم رعد و شمس هجمت على كتف داليا و عضتها بقوه و داليا بتحاول تبعدها
دلف مالك و قال : ايه الصوت الي هنا واصل لاخر الش……
توقف مبلم و قال بصدمة : ايه ده …رعد انت واقف بتتفرج عليهم !؟
تقدم من شمس و قال بحدة : سيبيها يا شمس … امسكها يا رعد دي هتمو.تها
شمس بغضب : سيبوني عليها انا اعرف اربي الاشكال دي كويس … دنا ناويلها من زمان
تقدم رعد و حاول امساكها و قال بهدوء : كفاية كفاية يا شمس
هربت داليا من بين ايديها
مسكت شنطتها عن الارض وقالت : انا هوريكي يا زبالة
شمس و هي بتحاول تهجم عليها بس رعد ماسكها : انا زبالة يا تربية الشوارع يا عا..يبة و الله لاشلفطلك وشك تعالي هنا …سيبني اخلص عليها بس
رعد بضحك : خلاص يا شمس خلاااص
مالك بقرف : ايه الالفاظ السوقية دي
هربت داليا بسرعة
و مالك بيبص لرعد بصدمة
شمس بردح : ايه الاشكال الزبالة دي ..دي وحدة تحبها دي …دي جزمتي الي جبتها من الوكالة انضف من وشها
مالك : ايه التصرفات دي ..انتي في مكان محترم
شمس بحدة : طب خليك عاقل بلاش يجرالك زي ما جرالها يا عنيا
نظر مالك بصدمة لرعد
رعد : كفاية يا شمس مش خدتي حقك ؟ خلاص بقا اهدي
شمس : انت بجد ما عندكش زوق ازاي تحب وحدة جربو.عة زي دي ..ما خوفتش من اشكال ولادك بالمستقبل
رعد بضحك : كنت مسطول تمام كدة ؟ يلا ع البيت
شمس : لا يعم انا كنت جاية اطمن عليك لولا البت الصفرا دي الي عكرت مزاجي الهي يا رب تتحرق بكاز وسخ و ما تلاقي حد يطفيها
مالك : لا انا مش هستحمل الالفاظ دي سلام بقا
و خرج
بعد وقت
عادو للبيت
منار : عملت زي ما قولتي و سالت عليه بس قالولي مش موجود بس هو اكيد هيسافر معانا لندن
شمس : لازم عنينا تكون عليه مش لازم يتنفس من غير ما نعرف
منار : الا صحيح عملتي ايه في داليا ده كل االشركة كان بتتكلم
شمس بضحك : فشيت كل قهري ..ضر..بتها و شتمتها و ما سبتش عليها كلمة الا و قولتها بس البقف جوزك وقفلي زي الشوكة بالحلق
منار : اممممم بس جدعة الي ربيتيها .. انا هنام بقا تعبت اوي النهاردة
مر اليومين بسرعة
و هما سافرو لندن
في الاوتيل
رعد : شمس ده مفتاح السويت بتاعك انتي و منار
شمس بعدم اهتمام : اممم هات يخويا
نظر لها و ابتسم على حركتها
: مااالككك حبيبييي
و تقدمت منه و حضنته و هو حضنها برضو
كانت بنت شقراء لابسة شورت جينز و بلوزة نص بطنها باين منها
نظرت منار لمالك و ادارت وجهها بحزن
نظرت شمس الى منار باستغراب شديد
شمس بقرف : مين المزة ؟؟
نظرت البنت لها و قالت بدلع : انا توتو
شمس بسخرية : توتو ..و ده اختصار لايه ان شاء الله…. تفافة مش كدة
كتمت منار ضحكتها
البنت : لا يحبي اسمي تالين
شمس : اممم منا قولت كدة برضو
و شدت منار و ذهبت
في المساء
شمس : تعالي نخرج شوية
منار بسرحان : مش عايزة
شمس : لا تعاليييييي
و شدتها و قالت : يلاااا مش هنقعد محبوسين هنا كمان
نزلو يتمشو شوية
شمس : الجو تحفة
منار كانت ماشية و سرحانة
شمس : منار مالك
منار بانتباه : هاا …لا مفيش
شمس بخبث : ما تكدبيش عليا يا منار ..انتي اضايقتي من البت الصفرا الي مع مالك مش كدة ؟
منار بحزن : عندك حق مش عارفة ليه كل مرة بتضايق … انا غبية
شمس بحدة : انتي بتحبي مالك مش كدة و غرتي عليه ؟
منار بوجع : لا
شمس بحدة : مناااار ..قولي بتحبيه ولا لا ؟
منار بدموع : ايوة بحبه ..ارتحتي ؟
و مشت من امامها
لحقتها شمس و مسكت ايدها بقوة و قالت : عشان كدة مهزقة نفسك قدامه مش كدة ؟؟
منار بدموع و شهقات : حاولت اوي اخليه يحبني بس خلاص مش قادرة و لا قادرة استحمل اشوفه كل يوم مع بنت انا بجد تعبت .. اقولك انا بكرهه و مش عايزاه و عايزة اطلق دلوقتي حالا
حضنتها شمس بقوة و قالت : يا حببتي ليه ما قولتيلي من الاول كنت ع الاقل ساعدتك … كدة هو مش هيفكر فيكي طول ما انتي ضعيفة قدامه هيفضل شايفك ولا حاجة لازم تكوني قوية و واطية و تخليه يجري وراكي زي الكلب
منار بدموع : مكنتش حابة افكر تفكير بالموضوع كنت بحاول انساه باي شكل انا تعبت يا شمس زهقت من تصرفاته و قلة احترامه ليا
شمس بخبث : طب خلاص ما تعيطيش و اوعدك انه المعفن ده هيكون من نصيبك انا عارفة يختي بتحبي فيه ايه ده سافل
منار وهي بتمسح دموعها : منا عارفة
شمس : خلاص بقا اضحكي يلا
ابتسمت منار
شمس : ايوة كدة ..و مالك ده لازم تجننيه و تخليه يتمنى انك تبصيله
منار : ازااااي
شمس : مش عارفة …انا لازم اكل حاجة ما بعرفش افكر وانا جعانه
منار : طب تعالي نطلب عشا
شمس : عندك حق يلا
في مصر
فردوس : وبعدين معاكي يا بنتي ..هتمو..تي كدة من قلة الاكل …قومي اتحركي شوية و ارجعي لطبيعتك
هدى بدموع : شمس خدت مني كل حاجة .. كل حاجة …اهي سافرت لندن و عايشة حياتها
فردوس بغضب : و بعدين معاكي ما تسيبي بنت عمك بحالها … اشحال لو ما كانتش صاحبتك … يا بت ده نصيبها مش كفاية اتجوزت غصب عنها … يمكن نصيبك يكون احسن ما تبصيش للي بايدها
هدى : والله منا سايباها دي سرقت كل حاجة مني … مالك ده كان عينه عليا بس هي فضلت تسبله لغاية ما جوزها لاخوه
فردوس بجنون : ما خلاص بقا … بطلي الحركات دي … انا مستحيل اكون ربيت بنت كدة .. ايه الغيرة و الغل دي … يا بت شمس قطعت نفسها من العياط عليكي لما افتكرت انتا هتتجوز مالك .. فوقي يا بت دي بتعتبرك زي اختها و اعز
هدى : والله ما انا سايباها تتهنا انا هوريها مين هدى
فردوس : والله لو عملتيلها حاجة و اذيتيها لا انتي بنتي ولا انا اعرفك .. اذا مش هامك نفسك مليش دعوة بس انا عندي بنات غيرك عايزة استرهم .. ما تفضحيش نفسك يا بت انا تعبت و انا بغطي على عمايلك .. دلوقتي مش هغطي عليكي خالص و لو ابوكي عرف بحركاتك دي هيخلص عليكي .. انا نبهتك اهو
في لندن
عند رعد كان قاعد هو و كرم
رعد : ليه ما سافرتش معانا
كرم : يعم انتو معاكم مراتتكم قلت اسيببكم براحتكم
رعد بابتسامة جانبية : اممم
كرم : عارف يا رعد فيك حاجة مختلفة اوي من ساعة ما شوفتك في مصر و حاسس انك تغيرت
رعد : مش فاهم
كرم : مش عارف بس كأن روحك بقت حلوة و بقيت على طول بشوفك بتضحك… دي كانت من سابع
المستحيلات
رعد بابتسامة : فعلا مش بس انت قولتلي كدة
كرم بغمزة: واضح ان ده تأثير الجواز
رعد: لا ابدا ….بس هي فيها حاجة حلوة .. يعني مرحة و دمها خفيف عشان كدة مش اكتر
كرم بابتسامة : على كدة ربنا يخليهالك
رعد بضحك : طيب يا عم امشي بقا عايز انام
كرم بصدمة : ايه البجاحة دي
وخرج وهو يضحك
الساعة بقت 1:00 باليل
شمس بتوتر : ايه رايك ننزل و الي يحصل يحصل
منار بفزع : ننزل ايه .. مش شايفة الساعة بقت كام
شمس : مهو ما ينفعش فات وقت مناسب لازم نتعرف عليه قبل الحفلة و الحفلة بكرا يعني مفيش وقت
منار بتوتر : تفتكري الي هنعمله ده صح ؟
شمس جلست وقالت بتوتر: مش عارفة
بعد شوية نزلو لنايت كلوب قريب من الاوتيل
كانت شمس ترتدي بنطلون قماش واسع شوية باللون الاسود مع شميز واسع باللون الازق الغامق مع طرحة نفس لون البنطلون و كوتشي ابيض
و منار نفس الشي ء ترتدي و لكن الشميز باللون الاخضر الغامق
كانت منار تنظر بخوف و توتر للمكان بينما شمس تبحث بنظرها
واحد (بالانجليزي ) : ما هذه الاشكال ؟ المسجد ليس هنا يا انسة
شمس بحدة : طب غور من وشي بدل ما اشلفطلك وشك و انت شبه عود الكبريت و بيرطن كمان
ابتسم الشاب بسخرية و هو لا يفهم كلامها لكنه ذهب
رجعت شمس تبص حواليها و تدور بعنيها بكل مكان
منار بخوف : شمس انا خايفة
شمس : بس بقا .. خليني اشوف هو فين
كان مالك واقف مع تالين و ايده على خصرها و بيضحك فجأة التفت الى منار و شمس تحولت نظراته الى غضب شديد
ترك تالين و ذهب اليهم
مسك ايد منار بع.نف و قال بغضب : انتي ازاي تيجي لمكان زي ده
منار برفعة حاجب : و انت مالك بيا ؟
جرها من ايدها و قال لشمس : تعالي ورايا من سكات انتي التانية
شمس برفعة حاجب : والله !؟
مالك بتحدي : طب استني انا هوريكي
و حمل موبايله و رن على رعد
مالك : رعد تعال شوف مراتك فين ..في النايت كلوب يا رعد
رعد بصدمة و غضب : انت بتقول ايه …انا جاي حالا
نزل رعد بسرعة
كرم : رعد على فين في ايه
رعد بغضب :بعدين يا كرم
كرم : طب استنا جاي معاك
عند مالك
شمس بتحدي : لا تصدق انا خوفت اوي بصراحة
بعد دقيقة واحدة كان رعد و كرم بالمكان
رعد بغضب : ممكن اعرف الهانم بتعمل ايه هنا ؟
شمس : طب ممكن اعرف اخوك بيجي هنا ليه طالما مكان مش كويس
و نظرت الى كرم و عرفته ثم نظرت الى منار و برقت بعنيها
مالك بقرف : وانتي مالك بيا ؟؟؟ بجد بنت غريبة
كرم : مالك ما ينفعش كدة اتكلم باسلوب احسن من كدة … و انت كمان يا رعد اهدى شوية … روحو اوضكم و تفاهمو هناك مش هنا يا شباب
امسك رعد شمس من كوعها و سحبها بقوة
مالك : اتفضلي قدامي يا منار هانم
نظرت له منار برفعة حاجب و مشت من قدامه و هو لحقها
كرم : عيلة متخلفين
دلف رعد السويت بتاعه و رمى شمس لدرجة انها وقعت على السرير
خلع الجاكيت بتاعه و رماه
شمس بذعر وقفت على السرير و قالت : لا يا عنيا جو التحر..ش بتاع المسلسلات ما يمشيش عليا … و الله اصوت و الم عليك كل الي في الاوتيل المعفن ده
امسكها من كوعها مرة اخرى و قعدها و قال : اتهدي شوية يا بت
شمس : بت لما تبتك
مسكها رعد من تلابيبها و قال : انتي ازاي تنزلي من غير ما تقوليلي ؟؟
شمس : وانت مين يا عنيا عشان اقولك
رعد برفعة حاجب : والله ؟ انتي في بلد غريبة يا بت ما ينفعش تتصرفي من دماغك و المكان الي نزلتيه ده ما تنزلوش الا الرقاصات
شمس بتفكير : طب منا بعرف ارقص
رعد بجنون : و بعدييين معاكييي هتموتيني ناقص عمر يا ولية … طب اقولك من هنا و رايح هتبقى في اوضي لغاية ما نرجع مصر و مش هتتحركي من هنا
شمس بغضب : و اسيب منار لوحدها ؟
رعد : هتبقى مع جوزها انتي مش الدادة بتاعتها
شمس بتحذير : اتكلم باسلوب احسن من ده عشان دي صاحبتي
رعد : انا هسامحك المرادي بمزاحي … بس ما تاخديش عليا كتير عشان هتزعلي بعدين
شمس بتريقة : لا خوفت انا اوي بصراحة
مسكهها رعد و بدا يحرك فيها و يقول : يا بت اتلمي بقا …..اتلمي بدل ما اعلقك
في اوضة مالك دخل هو بالاول بعدين هي لحقته
و حطت ايدها على وسطها و قالت بفظاظة : عايز ايه ؟
مسكها مالك من طرحتها وقال : ازاي تنزلي لمكان زي ده .. ازاااي اصلا تخرجي من غير ما تقولي
دفعته عنها وقالت بغضب : وانت مالك بيا ؟؟ ليه كنت مراتك بجد ولا ايه ؟ ده كدب افهم الي احنا فيه كدب و زي ما انت من حقك تكلم بنات و يتمايصو عليك عادي انا من حقي اعمل الي انا عايزاه من غير ما ارجعلك
مالك بجنون : انتي مراتي بالاسم يا هانم يعني محسوبة عليا … انتي نزلتي مكان ما تروحهوش الا الرقاصات و بنات الليل ما يلقيش ابدا فيكي يستي احترمي الحجاب الي انتي لابساه ع الاقل … ولا هو ستار لعمايلك الشمال و عاملة دور الشريفة
ادته كف خماسي الابعاد على وشه
وقالت بدموع : انا ما اسمحش لاي حد يكلمني كدة .. انا اشرف من الشرف … انا نزلت مع شمس عشان ما اسيبهاش لوحدها و هي كانت عايزة تكلم رعد … مش انا الي اعمل حركات زي دي يا بيه يا محترم
كان بيبصلها بصدمة و لكن هي خرجت قبل ما ينطق اي كلمة
دلفت السويت بتاعها و هي بتعيط فكت الطرحة و قعدت تعيط بصوت عالي
بعد شوية
دلفت شمس بسرعة و قالت بلهفة : في ايه مالك
منار بدموع : انا خلاص جبت اخري مش هستحمل كل ده انا عايزة اطلق ده انسان مرييييض
شمس بهدوء : طب اهدي شوية … انا الحق عليا ما كانش لازم ننزل قبل ما نتاكد من رعد و مالك و نراقبهم …… المهم دلوقتي لازم نشوف هنعمل ايه
منار بدموع : انا مش قادرة اكمل .. كملي انتي يا شمس انا خلاص عايزة اطلق
شمس : ما تكونيش غبية يا منار … ليه تطلقي و تخسري كل حاجة … لو عايزة مالك لازم تستمري معايا عشان تكسبيه و لو مش عايزاه ع الاقل تخرجي بقرشين يأمنو مستقبلك
منار بصدمة : شمس انتي من امته بتفكري بالطريقة دي
شمس : من النهاردة … مصلحتنا اهم من اي حاجة … انا بدأت اخاف يا منار ….. خايفة احب رعد و اتعلق بيه … دول عندهم كسر قلب البنت اسهل من المحشي … ياااه نفسي بمحشي ما تيجي نطلب اكل
منار بضحك : انتي اكيد عايزة تشليني
شمس بعبوس : رعد قال افضل عنده بس انا هربت اول ما خرج
منار : لا ارجعي بلاش يعرف و تبقى مشكله تانية احنا مش ناقصين
شمس: و اسيبك لوحدك يا ست الناصحة
منار : امال يعني هتعاندي رعد ده كان يد.فنك
خبط الباب
شمس بخوف : معقولة رعد ؟! ده اكيد هيمو.تني
قامت منار لبست اسدال و فتحت الباب وجدت مالك
مالك ببرود : اتفضلي على السويت بتاعي يا هانم
وضعت بدها على خصرها وقالت بسخرية : والله !
مالك بحدة : اومال هتقعدي هنا لوحدك يعني
منار بحدة : مش هاجي عندك … و بعدين ايه الاهتمام المفاجىء ده انت مالك بيا اصلا ؟
مالم : والله !
منار : اه و الله
قرب منها بسرعة و حملها و هي قعدت تصرخ و تحاول تنزل نفسها
قامت شمس تبص عليها و قعدت تضحك على شكلها و تلوح لها بايدها
و بعدين اتجهت الى اوضة رعد
وصل السويت بتاعه و نزلها و هي بعدت عنه و قالت بغضب : انت ازاي تحملني دنا هوديك في داهية
مالك : طب ما تخلينيش اعمل تصرف تاني يخليكي تخرسي لاخر عمرك
منار بتحدي : طب وريني بقا هتعمل ايه
شدها من خصرها و باسها بعن..ف شديد و هي بتضرب بيه على صدره
بعد شويه افلتها و هي بعدت عنه و كانت بتبصله بصدمة و دموع
مالك : دي اقل حاجة ممكن اعملها و لو بجحتي معايا هزود العيار … و ابقي خففي قعدتك مع شمس عشان انا الدماغ دي ما بتمشيش معايا
تركها و خرج
قعدت بصدمة على الكنبة و هي بتعيط
عند رعد
رعد : مش هتنامي
شمس : وانت مالك
قرب منها و شدها من تلابيبها وقال : مش قولنا هنبطل دبش
شمس بدلع : اخاف ابطل تقوم تخدش حيائي
ضحك رعد بقوة على كلامها
رعد : مش لايق عليكي ابدا
شمس : طب اتخمد يسطا بدل ما ازعلك
رعد بابتسامة : انتي روحك حلوة اوي يا شمس اوعك تتغيري مهما عملت فيكي الدنيا
شمس : يا عم الدنيا هي الي قلقانه من الي هعمله فيها
ضحك رعد و قال بهدوء : طب يلا يختي نامي
شمس : هنام فين يسطا
رعد بقرف : يسطا !؟ نامي هنا السرير واسع و هنحط بينا مخدات
شمس بغمزة : مش هتتشاقى يعني
رعد بضحك : يا بت فصلتيني نامي ربنا يهديكي
خلعت شبشبها و تمددت و هو كمان و حط بينهم مخدات كتير
رعد باستغراب : هتنامي بالطرحة ؟؟
شمس : اممم
رعد : براحتك
بعد شوية
شمس بتفكير : رعد هو ليه في ام اربعة و اربعين و ما فيش ابو اربعة و اربعين و اشمعنا اربعة و اربعين اصلا
رعد بنعاس : يمكن مات في الجيش
شمس بقرف : ها ها ها رخم اوي
رعد : طب نامي
شمس : طب بقولك ايه طالما معاكو فلوس كتير بتشتغلو ليه
رعد : عشان نحس اننا عايشن
شمس : ده انت لو قعدت عمرك كله تصرف الفلوس دي مش هتخلص ..دي مليونات كتير اوي
رعد : محنا لو ما اشتغلناش مش هنعرف نحافظ على الفلوس و لا هنكبرها و ممكن كمان نخسرها
شمس : وجهة نظر ..طب بقولك ايه
رعد : ناااامييي
شمس : حاضر يعم ايه نامي نامي هو انا بالحضانة و لا عندك مدرسة الصبح محنا قاعدين ورانا ايه
عند مالك في النايت كلوب
تالين : رحت فين يقلبي خضيتني عليك
مالك : معلش حصل ظرف مستعجل
تالين : طيب يا حبيبي مش هنروح لاوضتي ولا ايه
مالك : لا مراتي مستنياني هروح انا بقا
تالين بغيظ : اهاااا و ما افتكرتش مراتك غير دلوقتي
مالك بحدة : تاااالين اخرسي خالص
و ذهب و تركها
و هو ماشي خبط في وحدة بصلها بصدمة
البنت بصدمة : مالك ! ……يتبع
للانضمام لجروب الواتساب اضغط هنا