رواية عشق الصخر يارا وادهم الفصل الخامس عشر 15 بقلم اسماعيل موسي
رواية عشق الصخر يارا وادهم الفصل الخامس عشر 15 هى رواية من كتابة اسماعيل موسي رواية عشق الصخر يارا وادهم الفصل الخامس عشر 15 صدر لاول مرة على موقع التواصل الاجتماعى فيسبوك رواية عشق الصخر يارا وادهم الفصل الخامس عشر 15 حقق تفاعل كبير على الفيسبوك لذلك سنعرض لكم رواية عشق الصخر يارا وادهم الفصل الخامس عشر 15
رواية عشق الصخر يارا وادهم الفصل الخامس عشر 15
الكاميرات عطلانه فى المخزن والمصنع ليه يا رعد؟
كانت رغد الشربينى بتحاول تكتم غضبها وهى بتتكلم مع رعد لأنها عارفه الايام القادمه هتحاجه كتير، رعد الايد القذره إلى بتضرب بيها اعدائها، كان رعد شارد بيفكر من غيره يعرف ان الكاميرات معطله؟
تعطيل الكاميرات كانت طريقة رعد لسرقة المخازن والمصنع من ورا ضهر رغد الشربينى
بس رعد مش بيدى سره لأى شخص، حاول رعد ان يقنع نفسه انها صدفه لكن أقوال الحراس والعمال كانت بتشير ان إلى حرقو المصنع كانو عارفين ان الكاميرات معطله
مش عارف يا مراة عمى انا هحاسب مدير الأمن على كل حاجه
رغد الشربينى بغضب / ومدير الأمن هيتحمل الملايين إلى ضاعت؟
الدنيا كلها اتطربقت فوق دماغنا
رعد / هناخد قرض جديد يا مراة عمى، صاحبنا لسه موجود فى البنك وبيتمنى يخدمنا
كل حاجه هترجع زى ماكانت واحسن
وضعت رغد الشربينى ساق على ساق، مش هسيب الموضوع ده يعدى بالساهل، كله هيتحاسب حتى انت يا رعد
انت خلاص مبقتش نافع يا رعد، جوزتك بنتى، ملكتك كل حاجه، بتعلب من ورا ضهرى براحتك رغم كده فشلت
اشعل رعد سيجاره، انا هصلح كل حاجه يا رغد هانم
إلى عملناه سوا هنرجعه سوا يا مراة عمى
انا الى عملت كل حاجه يا رعد، انا يا رعد متنساش نفسك، زى ما عملتك اقدر اعمل غيرك، ورحمة امى يا رعد لو مصلحتش كل حاجه لامسحك من على وش الأرض
هحرمك من كل حاجه، هخليك تطلق يارا وجوزها واحد غيرك
كان رعد عارف ان رغد الشربينى مفيش فى قلبها رحمه وانها تقدر تقلب حياته جحيم وانها لما بتهدد بتقدر
محاولش يجادلها، اخد بعضه ومشى وكل همه الانتقام من أدهم
صرخ فى مخبره السرى، لحد دلوقتى مقدرتش تعرف مكان أدهم او مليكه؟
انا بحاول يا بيه مفيش حاجه ظهرت قدامى، البنت فص ملح وداب
صفع رعد الحارس على وشه، دا كلام عيال، انا مش بدفعلك الاف عشان تقولى مفيش حاجه ظهرت
الظاهر انك نسيت انا اقدر اعمل ايه
همس الحارس ادينى فرصه يومين يا رعد بيه!؟
صرخ رعد يوم واحد ويكونو عندى والا هبقى ازورك فى المقابر
____________
دى كل الحقيقه يا يارا هانم والله العظيم ما كدبت فى حرف واحد
جوزك أدهم بريء ورعد إلى وزنى عليه عشان اخرب بيتك
انتى انقذتى حياتى مره وجوزك انقذ روحى مره وانا كل إلى عملته خربت بيتكم انا ندمانه على كل حاجه ومستعده اكفر عن ذنبى بأى طريقه تطلبوها
أدهم بريء؟ همست يارا فى سرها
ايوه بريء يا هانم قالت........... بنبره متحفزه، حاولت أوضحلك كده لما اتقابلنا فى الشقه، قلتلك فتحى عنيكى
لكن انتى مكنتيش عايزه تطلعى غلطانه
وضعت يارا دماغها بين ايدها، أدهم مش هيسامحنى ابدا انا متأكده من كده
عمره ما هيفكر يرجعنى مره تانيه ونزلت الدموع من عنيها
أدهم مش هيسيب بنت خالته إلى وقفت معاه لما انا خذلته انا حياتى اتدمرت خلاص
همست مليكه '' ' انت اؤمرى يا يارا هانم وانا هتكفل بكل حاجه
يارا هتعملى ايه يعنى؟
مليكه، هبوظ علاقة أدهم ببنت خالته من غير ما يعرف
يارا / بجد ممكن تعملى كده؟
مليكه! / انا بوظت حياتك دا أقل واجب اعمله معاكى
..قالت ........ بس دا يبقى سلوك غير اخلاقى
صرخت مليكه اسكتى انتى يا....... لازم اساعد يارا
يارا /وانا مش هسيبكم كده، حياتكم لازم تتغير، هفتحلكم مطعم او محل ملابس يبقى بتاعكم وتبطلو الشغل ده
_________
كانت المره العاشره التى تتصل فيها سجى على أدهم ولا يرد عليها
من يومين وادهم مش بيرد عليها، قلبها واكله عليه بعد ما عرفت ان المعرض اتحرق
فيه ايه يا بنتى +؟ مال شكلك عامل كده؟ سألتها والدتها إلى كانت قاعد ه جنبها
مفيش يا ماما مفيش وتركت الصاله نحو غرفتها انت بتعمل ليه كده يا أدهم، على الاقل طمنى عليك
وصل أدهم وفهد الشقه ووجدا يارا تجلس مع مليكه و.......
يارا / انت لازم تاخد حمام يا أدهم شكلك بقالك اسبوع مستحمتش
ترك ادم هاتفه ودخل يغسل نفسه
دون أن يشعر احد امسكت مليكه هاتف أدهم وارسلت منه رساله بسرعه قبل أن تحذفها
للانضمام لجروب الواتساب اضغط هنا