رواية الكتاب الفصل السابع 7 بقلم اسماعيل موسي
رواية الكتاب الفصل السابع 7 هى رواية من كتابة اسماعيل موسي رواية الكتاب الفصل السابع 7 صدر لاول مرة على موقع التواصل الاجتماعى فيسبوك رواية الكتاب الفصل السابع 7 حقق تفاعل كبير على الفيسبوك لذلك سنعرض لكم رواية الكتاب الفصل السابع 7
رواية الكتاب الفصل السابع 7
تملكنى شعور بالانتقام اكتر من اى شيء بعد وفاة والدى، بقى كل همى الوصول للساحر الكبير الذى يحتجز بنت الملك ولا يستطيع ملك الجان نفسه تحريره، كنت عايز اعرف القوه إلى بيتمتع بيها الساحر ده والى خلت ملك جان يخاف منه، وقررت اتعلم منه كل حاجه مهما كان التمن من أجل الانتقام لموت والدى، هتعلم أسرار السحر، هقتل بنت الملك واقتل الملك نفسه، كان لازم الاقى سبب ادخل بيه على الساحر ومكنش قدامى غير انى أضحى بالساحر إلى وصلنى ليه
اضطريت اكدب، والساحر صدقنى، قلتله فيه ساحر عارف انك محتجز بنت ملك الجان ومتواصل معاه وبيتعلم منه السحر عشان يتخلص منك، وهولت ليه الطلاسم إلى تعلمها الساحر من ملك الجان طالبته انه يقتله اول ما يشوفه من غير ما يتكلم معاه لانه خطير جدا وهيبقى أخطر
ارسل الساحر بنت الملك نفسها وامرها تقتل الساحر ولا تترك أثر خلفها، ولأن السحره ماكرين، سألنى الساحر انت بتطلب ايه فى المقابل؟
قلتله انى اخدمك، تخدمنى بس؟
قلتله شرف ليا اكون قريب من ساحر كبير محتجز بنت ملك
والملك نفسه خايف يواجهه
السحره بيحبو التفاخر، الساحر وافق وخلانى اخدمه ودى كانت اهم نقطه فى مشكلتي، أقرب من الساحر من غير ما اكفر او اسيب دينى، على مدار شهور شفت بعينى أمور تجنن بتحصل قدامى، أعمال سفليه كافره، شخصيات ومسؤلين حكومين بيطلبو خدمات الساحر، خلال الشهور دى ابديت للساحر عدم اهتمامى بتعلم السحر ودى النقطه إلى خلته يثق بيا من دون كل الناس المقربه منه والى سمحتلى احضر جلسات التحضير والاعمال وفكها، وتعرضت لخساره تانيه بضغط من ملك الجان، بنت عمى هند انتحرت، قرصت ودن من ملك الجان لان المده طالت وانا معملتش حاجه، تحملت الخساره وكل يوم الغضب والكره بيكبر اكتر جوه قلبى
كنت بحفظ كل كلمه وحركه وطلسم بيقوله الساحر واسهر الليل كله اكرره واكتبه فى دفاترى، كل همسه حتى لو كانت صغيره وكنت بجربها فى مكان بعيد عن بيت الساحر، بعض الطلاسم نجحت معايا وبعضها فشل لانه مكنش كامل وفى كل مره اضطر انتظر اكتر لحد ما الطلسم يتكرر قدامى
صحتى ضعفت وشكلى اتغير من استخدام المنبهات واعمال السحر بس مكنش قدامى طريق تانى، عيلتى مكنتش تعرف عنى اى حاجه، كنت بعرف أخبارها من بعيد لبعيد
لحد ما جيه اليوم إلى الساحر طلبنى لاستحضار طلسم
الطلسم دا كان بيحتاج ساحرين مش ساحر واحد ولانى اكتر واحد مش مهتم بالسحر طلبنى اكون معاه ودى كانت فرصتى لانه كان الطلسم الرئيسى لكن قلقى وخوفى زاد لما عرفت ان اخر ساحر عمل الطلسم مع الساحر ده قتله بعدها على طول، عشان كده ورغم حفظى للطلسم خليت العمليه تفشل اكتر من مره، تعمدت كده لحد ما الساحر اضطر يغير الأدوار وبكده قدرت اعرف الجزء بتاعه من الطلسم
ونجح الطلسم وحفظته عن ظهر قلب وطلب منى الساحر اتخلى عن جزئى من الطلسم بعد انتهاء العمليه ودا كان الجزء الحامى إلى مش يسمح لأى ساحر بأذيتى
قلت للساحر حاضر هتخلص منه ورددت طلسم التخلى قدام الساحر اكتر من مره لحد ما اطمن انى تخليت عنه
لكن انا كنت بقول طلسم التخلى ناقص، عشان فضلت محتفظ بيه، مكنتش ضامن غدر الساحر وفعلا شكوكى تحققت، الساحر بعت بنت ملك الجان عشان تتخلص منى
كنت محمى طبعا مقدرتش تعملى حاجه ودى كانت فرصتى
قلت لبنت ملك الجان انها لازم تساعدنى عشان تتخلص من تسخيرها وانى شغال مع والدها ولازم احفظ بقية الطلاسم عشان اقدر احررها، بنت الملك لما سمعت اسم والدها تعاونت معايا علمتنى ما ينقصني من الطلاسم، حضرت طلسم غيبى مؤقت للتسخير بيتفعل لما الجان المسخر يقول لفظ معين
اعتمدت على ذكائى، حررت بنت الجان من الساحر، لما بقيت حره شكرتنى ودى كانت الكلمه إلى تفعل الطلسم المؤقت
انتقلت ملكية بنت ملك الجان من الساحر الكبير ليا انا وبقيت مسخره عندى، طبعا البنت ثارت وغضبت لكنى ادبتها واجبرتها تخاف منى، كنت حفظت كل طلاسم السحر ومعنديش حاجه اخاف منها، كمان كان عندى الطلسم الكبير إلى خلى ملك الجان يخاف من الساحر الكبير
للانضمام لجروب الواتساب اضغط هنا