رواية زواج ورقي وفقط ايوب وفيروز الفصل الرابع 4 بقلم ايمان الرشيد
رواية زواج ورقي وفقط ايوب وفيروز الفصل الرابع 4 هى رواية من كتابة ايمان الرشيد رواية زواج ورقي وفقط ايوب وفيروز الفصل الرابع 4 صدر لاول مرة على موقع التواصل الاجتماعى فيسبوك رواية زواج ورقي وفقط ايوب وفيروز الفصل الرابع 4 حقق تفاعل كبير على الفيسبوك لذلك سنعرض لكم رواية زواج ورقي وفقط ايوب وفيروز الفصل الرابع 4
رواية زواج ورقي وفقط ايوب وفيروز الفصل الرابع 4
- دا السبب اللي خرغتينا علشانه بنات آخر زمن صحيح.
= يعني اي خرعتكم.
- يعني انتِ كمان فاهمه وبتمثلي.
بصتلها بضيق:
= وانا لو فاهمه همثل لي.
- يعني خضتينا.
اتكلمت بضيق:
= مُش مُشكلتي انك معندكيش احساس.
- شوف جليله الادب بترد كيف؟!
اتكلم ايوب بقلق:
= حصلك حاجه؟!.
اتنهدت وقولتله:
- لا بس انتوا عندكم فيران كتير اوي تخيل ده كان بيبصلي.
اتكلمت بنت عمه باستفزاز:
= والله الواحده مننا بتشوف الفار تضربه بالشبشب.
بصتلها بصدمه:
- شكلك عاشرتيهم عشان كده اتعودتي.
ضحك ايوب بيأس:
= المهم ان انتِ بخير ومحصلكيش حاجه.
ابتسمت بحب:
- ثواني والاكل يكون جاهز اتفضلوا ارتاحوا ، بس محتاجه حد معايا يجهز السفره ؟!.
اتكلمت مامت ايوب بحده:
= سفره اي احنا بنتلم كلنا علي الارض ؟!.
- يا طنط امال السفره موجوده لي ؟!.
اتكلم ايوب موافقا لرأيي:
= فيروز معاها حق يا ماما احنا هنتجمع كلنا علي السفره.
اتكلمت مامته بنبره صارمه:
- هنتجمع احنا مشوفناش خير من ساعه ما هيا دخلت البيت وابني معرفلوش طريق ؟؟.
= ابنك هو الا مُش متربي وهو الا عمل كده فينا وفي نفسه وبسبب دلعك الزياده ليه وياريت متجبيش سيرته ولا تدخلي مراتي في حاجه لانها ملهاش دعوه ب اي حاجه حصلت.
- بتقف ضدي يا ايوب وعشان مين عشان بنت المدينه دي ؟!.
= مُش بقف ضدك ولا حاجه بقول الحقيقه الا بتوجع بس وبعدين بنت المدينه دي انضف بكتير من ناس هنا.
/بصيت لايوب بحزن وانا بحاول اداري دموعي مُش عاوزاه يكون في خلافات مع اهله وبسببي ، سيبتهم وروحت عشان اجهز السفره ف جه ورايا.
____________
حمحم بابتسامه:
- الجميل طبخ لينا اي ؟!.
بصتله بابتسامه:
= عملتلكم محشي ورق عنب وجلاش باللحمه وصنيه فراخ بالبطاطس انما اي وعليا طشه ملوخيه ولحمه اظن ده يكفي.
اتكلم وهو بيبوس ايدي:
- تسلم ايدك يا حبيبتي.
= حبيبتي ده قالي حبيبتي تاني ؟!.
- مُش عاوزك تزعلي من كلام امي ، هيا طيبه والله وحنينه بس هيا زعلانه عشان قاسم بس.
اتنهدت بابتسامه:
= كلنا زعلانين وانا عذراها.
رفع حاجبه بضيق:
- وانتِ لسه زعلانه عشانه.
بصتله واتكلمت بهدوء:
= هتصدقني لو قولتلك مُش عارفه انا مبقتش فاهمه نفسي.
- طب مُش ناويه تحني عليا وتديني بو.سه
شهقت بخجل:
= ايوب احترم نفسك افرض حد سمعك.
- مراتي حد ليه عندي حاجه.
بصتله بخجل وقربت منه:
- عاوز بو.سه من عنيا قرب انتَ بس.
ابتسم ببلاهه وقرب مني حاوطني بكفوف ايده فاتوترت:
= هتبو.سيني بجد.
ابتسمت بخبث:
- يااا بنت...
دخلت مرام اخت ايوب وفهمت الوضع غلط وخرجت بسرعه.
= عاجبك كده اختك فهمت غلط.
اتكلم بغمزه:
- ما تفهم ربنا خد حقي عشان تعضيني اوي كان زمانك بو.ستيني اهي فهمت غلط والموضوع مكنش كده.
نغزته في كتفه:
= طب اخرج بره اسبقني يالاا عقبال ما اجيب باقي الاكل.
/وفعلا ايوب خرج وانا خرجت وراه انظم السفره واخت ايوب بتساعدني اعتقد هيا الوحيده في البيت ده بتحبني وبتعاملني حلو وقادره افهمها.
اتكلمت بغمزه:
- شكلك بتحبي ايوب.
بصتلها بخجل:
= انا لا ابدا.
- مهو باين.
= علي فكره انتِ فهمتي الموضوع غلط.
تابعت كلامها بغمزه:
- ولو غلط برضوا هتفضلوا عصافير الحب.
بصتلها بخجل:
= انتِ قليله الادب لمين كده اكيد تربيه ايوب.
ضحكت وقالتلي:
- شايفه مُش قولتلك واخد عقلك.
ضربتها علي كتفها:
= طب امشي بدل ما اضربك يالا اخر طبق حطيه.
/ساعدتني في تنظيم الاطباق وشكل السفره كان الاكل شكله يفتح النفس كُنت متحمسه جدا اشوف رده فعلهم ويا تري اكلي هيعجبهم ولا لا وبالاخص ايوب بس الا حصل غير كده.
اتكلمت مرات عم ايوب:
- انتِ مُش فالحه في حاجه حتي الاكل يقرف.
بصتلها بضيق وقولتلها:
= لو مُش عاجبك متاكليش مضربتكيش علي ايدك عشان تاكلي من اكلي.
بصتلي بغيظ:
- والله شوف مجايبك يا ايوب ده تربيه شوارع.
اتكلم ايوب بزعيق وهو بيضرب علي السفره وعروق ايده بارزه:
= احترمي نفسك وانتِ بتكلمي مرتي يا مرت عمي احسن ما اجول حاجه متعجبكيش وبعدين بلاش اجولك تربيه الشوارع دي تبقي مين خلينا ساكتين !!
اتكلمت مامته وباقي اهله:
- بس الاكل فعلا مُش حلو خالص احنا هنتبلي عليها ولا اي؟!.
/وفعلا دوقت انا وايوب الاكل بعض الاكل كان مالح زياده عن اللزوم ، بس انا متاكده ان انا عملاه مظبوط.
فركت ايدي بتوتر من الموقف الا اتحطيت فيه:
= بس انا كُنت عملاه مظبوط والله !!.
اتكلموا باستهزاء:
- ما دام ملكيش في المطبخ بتدخليه لي وعملالنا فيها شيف !
= انا متأكده ان انا عامله كل حاجه مظبوط حتي اسألوا مرام.
اتكلمت مرام بهدوء:
- ايوه فعلا الاكل كان طعمه تحفه معرفش اي الا حصل.
قام ايوب من مكانه واتكلم بجمود:
= ما تسألي بنتك يا مرت عمي ؟!.
- وانا بنتي مالها يا ايوب كل ما يحصل حاجه تحطوها في بنتي انا مفيش اشطر من بنتي وطبخها الرق والباقي علي الغندوره الا انتَ متجوزها لا شبهنا ولا تشبهلنا.
اتكلم ايوب بحده وهو بيزعق فيهم:
= اخرسوا...لولا انك ست كبيره كُنت عرفتك مقا.مك كويس اوي بس لحسن حظك مُش بمد ايدي علي نسو.ان...ومُش بحب او.سخ ايدي بناس متستاهلش...وبعدين بنتك الا عملت كده.
اتكلم ابن عمه مراد بزعيق:
- احترم نفسك وانتَ بتكلم امي.
بصله ايوب نظره حاده:
= لما امك تحترم غيرها نبقي نحترمها.
/ شد هو وايوب مع بعض اتخا.نقوا ومسكوا في بعض ، ايوب ضربه بايده في وشه انفه نز.فت بسبب ضربه ايوب ليه حاولنا نبعدهم عن بعض.
اتكلمت بدموع:
- عشان خاطري يا ايوب سيبه لو ليا خاطر عندك.
اتكلم ونفسه بيعلي:
= والله عشانك بس لكنت ارتكبت جر.يمه فيهم كلهم.
اتكلمت مرات عمه بغيظ:
- ما تشوفي ابنك يا ضحي هيقلب علينا كلنا واحد واحد عشان مين عشان دي ، الا مش من توبنا ؟!.
= بنتك الا عاوزه تتر.بي لما تدخل المطبخ وقت ما كنا بنشوف صريخ فيروز ده لي وتعمل كل ده في وسط ما احنا مشغولين يبقي اسمه اي اوعوا تكونوا مفكرين ان انا اهبل ومُش عارف حاجه انا شايف وعارف كل حاجه بس بعدي بمزاجي بس مراتي خط احمر.
اتكلمت بنت عمه بتلعثم:
- ااا..انتَ بتقول اي.
= اللي شوفته وبطلي كذب واتهدي ربي بنتك يا مرت عمي؟!.
اتكلم بنبره حنينه وهو بياكل من اكلي:
- والاكل زي الفل اهو حتي لو مالح احسن اكل نعمه وكفايه انها تعبت فيه.
/علي العموم انا طلبت من فيروز تعمل اكل تاني وتشيله
علي جنب طلعوه واشبعوا بيه كتر خيرها اوي انها
دخلت المطبخ وعملت كل الاصناف دي لكل الافراد دي
وكمان المشكله مكانتش مستاهله ده كله مرتكبتش
جر.يمه هيا انتوا بتكبروا المواضيع او ما بتصدقوا
تقفوا علي الواحده .
__________________
/قرب مني ومسك ايدي وخدني في حضنه وسط دموعي وطلع بيا علي شقتنا ، قرب مني وباس دماغي ومسحلي دموعي برفق.
- بتعيطي لي الوقتي ، انتِ عارفه ان مُش بحب اشوفك كده.
حضنته بدون وعي وانهارت:
= انا اسفه كل ده بسببي انا يا ايوب .
ملس علي شعري بحنيه:
- وانتِ اي دخلك انتِ معملتيش حاجه ولا عملتي
انا الا قايلك تعملي يا عيون ايوب.
مكنتش واعيه ومركزه في كلامه:
= انا من ساعه ما دخلت البيت ده وانتَ علاقتك بيهم بقت وحشه بسببي.
اتكلم بحنيه:
- لا مُش بسببك ، كده كده كان في خلافات بيني وبينهم وزادت اكتر بس الوقتي وبعدين ولا يفرقولي الا يفرقلي اختي وامي بس.
= انا خوفت اوي يا ايوب شكلك وانتَ بتضر.به كان يخوف.
ضحك بيأس:
- عشان تعرفي ان ايوب معاكي حد تاني.
= ايوه متتغيرش معايا انتَ كده حلو .
اتكلم بحب وهو بيقرب مني:
- بجد يعني عاجبك.
استوعبت انا قولت اي فاتكلمت بتوتر:
= انتَ ما بتصدق تستغل الفرصه ابعد كده.
قرب مني اكتر وانا بحاول ابعده بايدي بس انا جنبه ضعيفه:
- مين الا كان بيحضني الوقتي.
اتكلمت بخجل:
= معرفش ابعد.
- لا المره دي مُش هبعد.
= ايوب.
- عيونه.
قرب مني وبا.سني قومت بعدت عنه بخجل:
= انتَ بقيت قليل الادب كده لي.
- كنت مُحترم لحد ما شوفتك.
= انا اصلا همشي من هنا..ف متتجاوزش حدودك احنا هنطلق.
/قام وبعد عني بضيق قدرت الاحظه علي معالم وشه ، مُش عارفه انا قولت كده لي ، انا كمان بضايق لما بجيب السيره دي بس يا تري هو بيضايق لي بحسه عاوز يقول كلام كتير بس بيفضل السكوت ، بقيت بحس بمشاعر مُختلفه مُش فهماها بس بقيت بتبسط بوجود ايوب وبطمن بوجوده .
- ايوب.
= اممم.
- انتَ زعلت.
= لا ، هزعل لي انتِ صح احنا كده كده هنطلق ف مُش فارقه.
/اضايقت من رده جدا مكُنتش عاوزه اسمع الاجابه دي كُنت عاوزه اسمع اجابه تانيه ترضي قلبي بس مُش عارفه اي ولي.
اتكلمت بخجل:
- طب تسهر معايا.
بصلي بابتسامه:
= وماله.
- حالا هقوم اعمل Popcorn و شويه تسالي.
= بوب اي يا اختي ؟!.
اتكلمت بحماس:
- بوب كورن فشار يعني..
= ما انا عارف بس مُش قولتلك يا فيروز عيشي عيشه اهلك.
- ايوب انتَ بتحب تنزرفني لي كل ما اكون ريلاكس.
= اه جولتيلي ريلاكس وبعدين مُش هجعد اصلحلك كلماتك اسمها انرفزك غلطي فيها تاني.
- هات ايدك كده.
= هتعملي اي.
- هات بس.
= اتفضلي اه يا غب.يه..انا غلطان ان بأمنلك والله.
- بعملك ساعه عشان تبقي تعصبني.
= مكانوش بيجيبولك عضاضه وانتِ صغيره جايه تعضي وانتِ شح.طه.
- انتَ قولت اي شح.طه..متتكلمش تاني.
/وفعلا جهزت السهره وبدلت هدومي لقم.يص نوم مريح وطفيت النور وشغلنا الشاشه علي فيلم رومانسي ومددنا
علي السرير.
- انتَ مركز في اي، ركز في الفيلم يا ايوب؟؟؟
اتكلم بغمزه وهو بيحضني:
= حد يركز في الفيلم ومعاه الجمال ده وبعدين احمدي ربنا ان انا ساكت وماكلتيكش!!
حمحت بخجل:
- ايوب بطل قله ادب بقي واتفرج.
= حتي ايوب حلوه منك.
ضحكت بخجل وانا بأكله في بوقه:
- كُل وانتَ ساكت بقي واسمع الفيلم.
= محدش قالي ان الجواز حلو كده كُنت اتجوزت من زمان.
هزيت راسي بيأس:
- اتوكس بقي متخلنيش انكد عليك تاني بالسيره.
بعد عده دقائق:
- البطل جامد ازاي.
= نعم يا عنيا.
- البطل جميل اوي يا ايوب.
= والله ؟!.
- اه والله.
بصلي بغيظ وغيره:
= خليه ينفعك.
بصتله وانا بحاول اداري ضحكتي:
- انتَ بتغير ولا اي.
= وانا هغير لي وهغير من ممثل !!
- اي ده انتَ طفيت الشاشه لي.
= كده مُش عاجبني الفيلم.
- واضح انك مُش بتغير خالص.
= ولا في دماغي اصلا.
- طب هات الريمود بعد اذنك.
= مُش هجيب حاجه.
- هاته يا ايوب بقي.
/حاولت اخده منه بس معرفتش ، جيت اتحرك واقوم شدني من ايدي وقعت علي السرير وهو فوقي.
- وقعتي في المصيده.
= ايوب قوم انتَ تقيل اوي اي ده.
- منك لله قطعتي اللحظه الرومانسيه.
ضحكت بقله حيله وخدت منه الريمود وشغلت الفيلم تاني فتابع كلامه وهو بيبصلي:
- شايفه البطل بيعمل اي تسمحيلي اعمل زيه.
اتكلمت بدون وعي وانا باكل فشار:
= اي هترقص معايا.
- لا هبو.سك
شرقت من كلامه الجرئ:
- اسكت خالص انتَ هتموتني في يوم.
ضحك بيأس:
= خليكي كدهو كل ما اكلمك كلمه تشرقي.
نمت علي كتفه واتكلمت:
- كلمني عنك يا ايوب انا معرفش عنك حاجات كتير.
= عاوزه تعرفي اي.
- بتشتغل اي ولي ساعات بتتكلم مصري عادي وساعات صعيدي مبقتش فهماك .
= بشتغل محاسب...بحب التنوع وعشان تفهميني اكتر.
- بس انا بحب..
= كملي سكتي لي.
كملت بخجل اقصد انا بحب لهجتك في الحالتين..
/ابتسم وكان هيتكلم بس جاتله مكالمه ضروريه قام بعيد يرد عليها وبعد ما خلص رجع بملامح وتعابير وشه متغيره:
- بتستغفليني يا فيروز...!!
يتبع...
للانضمام لجروب الواتساب اضغط هنا