رواية السعي وراء الحق الفصل الثالث عشر 13 بقلم اماني السيد
رواية السعي وراء الحق الفصل الثالث عشر 13 هى رواية من كتابة اماني السيد رواية السعي وراء الحق الفصل الثالث عشر 13 صدر لاول مرة على موقع التواصل الاجتماعى فيسبوك رواية السعي وراء الحق الفصل الثالث عشر 13 حقق تفاعل كبير على الفيسبوك لذلك سنعرض لكم رواية السعي وراء الحق الفصل الثالث عشر 13
رواية السعي وراء الحق الفصل الثالث عشر 13
صفيه: بعجرفه نعمممم ده ليه إن شاء الله
محمود: وفيها اى يا صفيه مش حقها وبعدين انتى بتتكلمى كده لي
صفيه : ومين اللي كان لسه من شهر بيقولى هتمضيها على توكيل عام ؟؟ اى اللى حصل
محمود: فوقت يا صفيه اخويا ياسر عمرى ما شوفت منه حاجه وحشه.... ابونا وامنا ماتو واحنا صغيرين كان بيشتغل بيصرف عليا وعليه وهوا مكنش ملزم لحد ما عمل الشركات بنفسه دى جزاته انى أذل بنته واعمل فيها كده ونهى عمرى ما شوفت منها حاجه وحشه غير أنها كانت بتعامل ولادك زى مليكه فمكنش ينفع اللى عملته في بنتهم ربنا يسامحني بقى
صفيه: بصوت عالى الله... الله واى ده بقى نهى اممم مش نهى دى اللى كنت بتحبها
محمود: بتفاجأ انتى .....انتى بتقولى اى
صفيه: اللى سمعته اى مفكرنى مكنتش اعرف يعنى مكنتش بشوف نظرتك ليها والحسرة اللى فى عينك مفكرنى انى مش عارفه انك كنت بتطلع غلك في مليكه علشان شبها
محمود: ضربها بالقلم انتى تخرصى انتى بتقولى اى
صفيه: حطت ايديها على وشها اى كلمه الحق زعلتك
محمود: بزعيق لما أقول تخرصى يبقى تخرصى وضربها قلم كمان
صفيه: بزعيق لأ مش هخرص انت مش راجل علشان تعمل كده بس ده غلطى أنا اللى طوعتك كنت بزعل على زعلك يمكن كنت هبله ومجنونه كمان لما كنت بزل واضرب البنت الغلبانه علشان أنا مريضه ايوه يا محمود مريضه وانت مريض بس ده غلطك انت اللى عملت كده مكتفتش ببيتك وأولادك مقولتش خلاص هيا مش نصيبى وأشوف نصيبى لوكنت بتبصلى نظره واحده ..وهيا بتعيط نظره واحده من اللى كنت بتشوف بيها نهى كنا عايشين اسعد الناس
انت اللى حسستنى بالنقص وخلتنى اعمل كده
محمود: كفايه... كفايه انتى مبتزهقيش انا قولت تخرصى وقعد يضرب فيها وزقها في الحيطه انا زهقت بقى جتك القرف
ومشى محمود والشرار بيطق من عينه
وراح يركب العربية
السواق : باشا حضرتك اوصلك انت رايح فين
محمود: بزعيق ملكش دعوه سامعنى وهات المفاتيح وغور من وشى
اخد محمود المفاتيح وركب العربيه وكان سايق بسرعه وبيفكر في الكلام اللى قلته صفيه : انت اللى حسستنى بالنقص لو كنت بتبصلى زى نهى
وكلام نوح : حرام يا بابا هوا عمى ياسر لوكان عايش كان عمل معانا كده
وافتكر مليكه واللى عملته مع جنى
وعقله قاعد بيجبله زكراه مع ياسر وقاعد يعيط وعقله مش مبطل تفكير
محمود: بزعيق وبيهبد على الدريكسيون بس بس ... كفايه... كفايه بقى وفجأة!!
عربيه جايه من طريق تانى ضربت عربيه محمود؟؟؟؟
الاسعاف وصلت ونقلو على المستشفى وكانت حالته صعبه
نوح : كان شغال على اللابتوب
تليفونه رن : ايوه
الشخص: حضرتك انت قريب الاستاذ محمود الألفى
نوح : بخضه ايو.... ايوه انا ابنه
الشخص: حضرتك والدك عمل حادثه و....
نوح : اى طيب ممكن تبعتلى اللوكيشن لو سمحت
الشخص: طبعا طبعا
نوح : نازل بسرعه
مليكه : كانت بتشرب مايه جريت على نوح في اى يا نوح
نوح : بدموع بابا يا مليكه
مليكه : الكوبايه وقعت منها ع عمى ...ما ..ماله
نوح : عمل حادثه وفي العنايه وحالته صعوبة
مليكه : استنى هاجى معاك طلعت جرى وهيا بتلبس وبتعيط
جنى : مليكه أنا .... جريت جنى على مليكه في اى يا مليكه مالك
مليكه : عمى محمود عمل حادثه
جنى: بابا ...بابا ازاى ده كان لسه متغدى معانا اى اللى حصله والنبى يا مليكه ردى يا مليكه
مليكه :, طيب روحى البسى وتعالى معانا نوح مستنينى تحت هروح معاه المستشفى
جنى : مش قبل ما تقولى هوا حالته عامله ازاى
اتنهدت مليكه: في العنايه يا جنى
جنى : اى ...
صفيه: جات على صوت جنى ومليكه بتقولى اى
جنى: جريت على صفيه الحقى يا ماما بابا في المستشفى في العناية أنا هروح البس قولى لنوح انى جايه
صفيه: بصدمة مح .. محمود في العنايه
مليكه شافت صفيه في حالة صدمه متقلقيش يا مرت عمى هيبقى كويس إن شاء الله يلا البسى علشان تيجي معانا
صفيه: فاقت .. ايوه ايوه
وراحوا المستشفى مع نوح
(في المستشفى)
جريو على جوا في الريسبشن
نوح : سأل في الريسبشن لو سمحتى في حد هنا جه في حادثه لسه من شويه
البنت : ايوه يا فندم اسمه محمود الألفى
نوح : ايوه
البنت : في العمليات الدور الاول اخر الطرقه يمين
نوح : شكرا
جريو على جوا وشافو الدكتور طلع من عنده
نوح : دكتور هوا والدى عامل ايه
الدكتور: بصراحه حالته خطيرة و نزف دم كتير وهيفضل تحت المراقبة
نوح : يعنى اى ... هيبقى كويس صح
الدكتور: ادعيله
جنى : نوح بابا هيبقى كويس صح
نوح : حضنها إن شاء الله
مليكه: إن شاء الله خيرا
صفيه: قعدت على الأرض كل ده ذنبى أنا اللى عملت كده
مليكه : مالك بس يا مرت عمى قومى بس هيبقى كويس ادعيله
صفيه: ربنا بياخد حقك يا مليكه كل ده ذنبنا سامحينا يا مليكه وكانت لسه هتبوس ايد مليكه
مليكه : اى ده يا مرت عمى قومى اتوضى وصلى وعيطت ده عمى ..عمرى ما دعيت عليه أنا كنت بزعل منه شويه
صفيه: حضنت مليكه أنا آسفه يا مليكه ... سامحيني يا بنتى
وسط ذهول نوح وجنى ومش فاهمين حاجه
نوح : اى اللى حصل يا ماما .. ايوه صح واى الكدمات اللى فى وشك دى
صفيه: محصلش حاجه
نوح : أنا مش فاهم حاجه
مليكه : فهمت .. نوح ممكن خلاص ادعيله يقوم بالسلامة
نوح : اتنهد بضيق استغفر الله العظيم وقعد وحط رأسه بين ايده
وفجأة!!!
الممرضه طلعت نادت على الدكتور
دكتور
جريو على الدكتور نوح اى اللى حصل
الدكتور : لو سمحت يا استاذ سيبنى اشوف شغلى
رجعو دخل الدكتور وبعد شويه طلع مخضوض محتاجين نقل دم والفصيله دى مش موجوده في المستشفى
نوح طيب الفصيله دمه اى
الدكتور: o بس بسرعه
مليكه: أنا فصيلة دمى o
الدكتور: بس انتى شاكلك ضعيفه
مليكه : خلص يا دكتور ربنا يرضى عليك
نوح : مليكه أنا ممكن اروح مستشفى تانيه اشوف الفصيله
مليكه : لأ يا نوح أنا مش هضحى بعمى
دخلت مع الدكتور وبعد فتره طلعت وهيا دايخه والصوره مش واضحه سندها نوح وجتبلها عصير وبعد فتره
الدكتور: طلع الحمدلله الحاله استقرت وهننقله اوضه عاديه كلهم وقفوا وفرحو وجنى حضنت مليكه
وفجأة مليكه اغم عليه
نوح جرى عليها وشالها
الدكتور : جرى وراه
نوح : اى اللى حصلها يا دكتور
الدكتور: اخدت منها كيس ونص دم بصراحه
نوح : بزعيق وانت مقولتليش ليه
الدكتور: هيا مرضيتش يا استاذ علي العموم أنا علقتلها محلول وهتبقى كويسه
نوح : تمام
صفيه وجنى : قعدو مع مليكه
نوح رن على عاصم وقاله على اللى حصل
عاصم قال لمراد وجم على المستشفى
نوح : انت قولت لمراد ليه يا ابنى أنا عارف أنه هيسافر بكره في شغل
مراد : اخص عليك يا اخى متقوليش وحضنوه
هيبقى كويس متقلقش
نوح : ايوه هيفضل ٢٤ساعه تحت الملاحظه
نوح:مراد ممكن اطلب منك طلب
مراد : ايوه طبعا
خد ماما وجنى وصلهم البيت
جنى طلعت لأ يا نوح انا مش هروح وماما كمان مش راضيه
الدكتور: حضرتك هوا فاق بس مين مليكه
نوح باستغراب ليه
الدكتور من ساعه ما فاق وهوا بينادى عليها
نوح دخل عند مليكه كانت فاقت وخلصت المحلول
عامله اى يا مليكه
مليكه : اتعدلت الحمدلله يا نوح عمى عامل ايه
نوح : الحمدلله يا مليكه بس بصراحه كده هوا من ساعت ما فاق وهوا بينادى عليكى
مليكه : قامت خلاص أنا رايحاله
نوح : بس انتى تعبانه يا مليكه
مليكه : لأ أنا بقيت كويسه وسندتها صفيه وجنى لحد اوضه محمود وقعدت جنبه على السرير
محمود: مليكه... مليكه أنا ..أنا آسف
مليكه : سامعاه وقاعده تعيط
جنى وصفيه : بيعيطو
ونوح مستحملش وخرج برا
نوح خرج الانه شايف والده في حاله زى دى وزعلان
لقه مراد وعاصم وقفوا
عاصم: اى يا نوح عمى محمود كويس
نوح ايوه فاق الحمدلله
مراد : طيب ألف سلامة يا نوح هروح أنا بقى الحق اسافر
نوح : شكراً يا مراد
مراد : على اى يا بنى انت اخويا وحضنه يلا سلام
نوح : سلام
نوح : بص لعاصم كفايه عليك كده يا عاصم انت قاعد معايا من امبارح
عاصم: انت بتقول اى بس يا ابنى
نروح عند محمود ومليكه
محمود: فتح عينه ببطئ م...مليكه سامحيني يا بنتى أنا أسف وبيعيط
مليكه : اششششش متقولش كده انت مهما كان عمى أنا اللى أسفه علشان الحادثه بسببى
محمود: سامحيني يا بنتى
مليكه : عياطها زاد مسمحاك بس قوم لسه مأخدتش حقى منك لازم تعوضنى عايزاك تفسحنى لسه لسه يا محمود قوم والنبى نفسى اقولك يا بابا وحنانك زيه أنا ..أنا فاكره لما كنت بتجيلنا زياره كنت بتجبلى لعب وحاجات حلوه متموتش
محمود: ضحك حاضر... حاضر ادعيلى يا حبيبتي
مليكه: هتقوم بالسلامة إن شاء الله
محمود: ممكن اطلب منك طلب
مليكه : طبعا قول يا عمى
محمود: ممكن تقوليلى يا بابا حتى لو حصلى أمر الله اكون سمعتها
مليكه : بعد الشر يا بابا
محمود: شكرا يا مليكه شكرا يا حبيبي
مليكه : بتمسح دموعها اى جو الهندى ده يا حوده قوم بقى بطل الهزار البايخ ده
بعدين دخل نوح مع الدكتور
الدكتور: بقيت كويس يا استاذ محمود
محمود: الحمدلله
الدكتور: شكل بنتك دى بتحبك اوى
محمود: باستغراب ليه يعني
الدكتور: اصل اتبرعتلك بادم كتير
محمود: بص لمليكه ليه يا مليكه
مليكه : علشان اخد حقى منك انت كنت عايز تموت يا سى محمود وماخدش حقى
محمود: حضنها ربنا يخليكي ليا
مليكه : ويخليك يا حبيبي
وبعد اسبوع رجع محمود البيت
مليكه : البيت منور بيك يا بابا
محمود: أول مره اسمع كلمه بابا حلوه كده
مليكه : يا بكاش بضحك
نوح : الله الله يا سى محمود واحنا الغلابه اى
جنى : ماشى يا بابا وانا كنت مش بقول بابا ماشى
محمود: خلاص خلاص وبيضحك بهزر يا جدعان
محمودطلع اوضته وهوا على السرير
محمود: مليكه أنا عايز اتكلم معاكى فى موضوع
مليكه : فهمت هوا عايزها في اى
بعدين بقولك اى يا حوده انا هموت وانام وبكره أصبح على خير يا قمر
محمود: وانتى من أهله
صفيه: بصت لمحمود وكله طلع من الأوضاع أنا أسفه يا محمود
محمود: بالعكس يا صفيه أنا اللى اسف انى مديت ايدى عليكى واسف انى حسستك بالنقص واسف على كل حاجه وحشه حسيتها اوعدك أن احنا هنبقى احلى عيله
صفيه: عيطت ربنا يخليك يا محمود
محمود: حضنها ويخليكى ليا يا يا سوسو
صفيه : قامت
محمود: رايحه فين
صفيه : هصحح غلطتى
محمود: فهم قصدها اومأ برأسه لها ايوه عندك حق وعين العقل
ووويتبع
للانضمام لجروب الواتساب اضغط هنا