رواية لصبر حدود الفصل الثاني عشر 12 بقلم بسمله بدوي
رواية لصبر حدود الفصل الثاني عشر 12 هى رواية من كتابة بسمله بدوي رواية لصبر حدود الفصل الثاني عشر 12 صدر لاول مرة على موقع التواصل الاجتماعى فيسبوك رواية لصبر حدود الفصل الثاني عشر 12 حقق تفاعل كبير على الفيسبوك لذلك سنعرض لكم رواية لصبر حدود الفصل الثاني عشر 12
رواية لصبر حدود الفصل الثاني عشر 12
قفلت السكه في وشه ولسا بلف لقيت نوح في وشي بيبصلي بقرف وشكله حرفيا رعبي ولسا هتكلم لقتيه قرب مني و مسكني من دراعي بغل .... تروحي فين يـ روح امك؟؟؟ انتي اتجننتي يفريده
بصتله برعب من عصبيته عليا.... ءء ن نوح انا مش قصدي حاجه انا والله بقوله كدا وخلاص عمري ما خليه يلمسني
صرخ فيا بعصبيه..... اخرسييي قسما بالله العظيم يا فريده لو دا حصل تاني ماهتتسميلي مرا انتي فاهمه ...غوري من وشي بدل ماهتشوفي وش ماهيعجبكيش
مكنتش مصدقه الي بيحصل واهو رجع تاني همجي وقاسي
صرخ فيا ....غووووري
اتنفضت بخوف وجريت من قدامه
..
كانت واقفه في الشباك سامعه زعيقهم من فوق وقالت بشماته.... احسن تستاهل ام لسان متبري منها دي بس بردوا ناري لسا مابردتش ...ماهتبردش الا لما يطلقها ويتجوزتي انا
صباح صباااح صبااااااح
اتنفضت من صريخ جوزها..... تاني يا احمد انت مابتتهداش ابدا في اي تاني مش حضرتلك الغدا
احمد بعصبيه.... بقالي سنه بنده عليكي اي .. وبعدين واقفه عندك بتعملي اي
صباح بشماته....المحروسه مراتك اخوك
احمد سكت بفضول....مالها تاني
صباح بضحك ... اخوك مبهدلها هزاءه ومش بعيد يكون مديها علقه كمان
احمد بضحك هو الآخر.... نوح ويمد ايده على ست وكمان مراته لالا مظنش على العموم ممكن عقل واخد حقه أمه منها انا نازل رايح القهوه
صباح في سرها ...في داهيه وبعدين بصت على الشقه بشماته.... ولسا والله لخليه يطلقها
..
ماما
فوقت من شرودي على صوت بناتي ابتسمتلهم بوهن ...نعم ياحبايب ماما
رودي ببراءه..هو عمو نوح زعلك زي بابا بردوا
جودي بحزن ... كنت فكراه غيره
همست لنفسي بقهر ...وانا كمان كنت فكراه غيرهم
اي الكلام دا يبنات لالا انتو بيتهيألكو بس عمو نوح كويس جدا هو بس كان مدايق الصبح شويه انما هو كويس والله وطيب
رودي ببراءه ... يعني دي اخر مره هيزعلك ولا هيزعلك علطول انا مش بحب اشوفك زعلانه ياماما بجد تعالي نمشي تاني اهم حاجه نبعدك عن اي حاجه تزعلك
_بقا كدا يارودي عايزه تمشي وتسيبني اهون عليكي هو دا وعدك ليا انك هتفضلوا جنبي طول العمر
رودي بصتله بعتاب.... بس انت زعلت ماما
رد وهو بيبصلي بطرف عينه ببرود.... بس ماما غلطت وعشان كدا زعقت مش الي بيغلط مفروضه نعرفه غلطه
جودي بعصبيه....بس مش بالطريقه دي فرقت اي انت عن بابا
نوح سكت وقعد جنبي بهدوء .... ينفع نكلم بابا بالطريقه دي ياجوري
جوري بخجل....انا اسفه ياعمو. ..ق قصدي يابابا بس انت عارف اني مقدرش استحمل حاجه على ماما
نوح فتحلها دراعاته بحب.... طب حقكوا عليا ياحبايب بابا ممكن بقا حضن
رودي وجوري في وقت واحد ...ماما كمان معانا يالا ماما
هنا نوح بصلي ببرود مغلف بعتاب حزني.... انا هقوم اجهز الاكل و
نطق بهدوء ... اسمعي كلام البنات واخدهم الاتنين في كتف وانا في كتف وشدد من الحضن وهو بيدفن وشه في رقبتي..... اسف اني زعلتك
دموعي نزلت وبعدين صوت شهقاتي عليت ..هنا فِصل الحضن وبصلي بحنان...خلاص بقا قولتلك اسف
رديت وانا لسا بعيط..... ماتتأسفش انا الي غلطت بس والله ماكان قصدي وحش أو اني ادايقك أو
هششش وسحبني قعدني على رجله بحنيه.... الموضوع اتقفل وهو. مش هيتكرر تاني صح
حاولت اقوم بخجل...نو نوح البنات
البنات ضحكوا بفرحه ....بابا صالح ماما بقا انت وقاموا سابونا
نوح بمشاكسه..طب وربنا البنات دي بتفهم طالعنلي
رديت بطفوله....لا طالعنلي انا
في ثواني كان شايلني في وضع العروسه... عشان كدا انا بموت فيهم عشان هما بناتك الي هما بقوا بناتي انا كمان وعشان طالعينلك
رديت بغيره ...انا ولا هما يانوحي
ضحك بعدم تصديق....بتغيري من بناتك يخرب عقلك تعالي بس هقولك على حاجه جوا
صرخت بخجل ....نوحيي بقا
دخل بيا الاوضه وهو بيهمسلي بكلامه المعسول كالعاده ومن غير ما حس توهت معاه ..عالمه الملئ بالحب والسعاده والحنيه وبس عشان كدا بسهوله اخد قلبي الي كنت فكره أنه خلاص انكسر ومعتش هيتفتح تاني بس جه هو عرفني أن عمري ما حبيت الا هو.. هو وبس
لحد امته يانوح
نوح بعصييه....ياما ارحميني بقا هو انا مش ابنك لييي عايزه تصغريني قولتلك انا بحب مراااتي ومكتفي بيها ومش هتجوز عليها
أزهار بغل....انت لا بترحم ولا بتسيب رحمه ربنا تنزل .. البت صباح صعبانه عليا شايله البيت كله لوحدها والمحروسه مراتك قاعده وكأنها في لوكندا و
نوح بصوت عالي يخوف.... مانا قولتلك اجبلك بدل الخدامه عشره
أزهار بعصبيه....انت عايزني ادخل واحده غريبه عليا تخدمني وبعدين دا واجب مراتك و
نوح بعصبيه....لا مش واجب مراتي مراتي واجبها شقتنا وبس يا امي ونزول مراتي مش نازله كفايه الي ابنك هببه وانا ساكت وجوايا بركان وعزه وجلاله الله لو اتفتحت ماهرحم حد آمين يااااااما
أزهار بخوف ... يا بني الي انت شايفه
نوح بأس ايدها وراسها ومشا
أزهار بغل.... هي لحقت تبخ سِمها ..بس وديني لوريها
..
مييين...حاضر حاضر جايه
فتحت ثواني ورجعت خطوه لورا بصدمه.... ح حاتم
حاتم زقني ودخل بجباحه.... عرفت انك مش عارفه تجيلي قولت اجيلك
شقهت برعب ....يخربيتك نوح جوا
قفل باب الشقه وراه بخبث...نوح مين يامو نوح ..انا مابخافش من حد ...دا غير أن انا شايفه طالع قبل ما اطلعلك
صرخت فيه بعصبيه...وحياه ربنا لو مامشيت لصوت والم عليك الحاره وساعتها نوح هيموتك
هز كتفيه ببرود.... اعملي الي تعمليه ساعتها هقول انك الي فتحتيلي ولو مكنتيش عايزاني مكنتيش دخلتيني واننا متفقين أن اجيلك بس انتي غدرتي بيا عشان مجبتلكش فلوس معايا وقولتلي اقلبها عليه صح يا ام البنات
صرخت فيه بغل ..... اه يا حيوان يا قاطعني وهو بيبصلي بجرآه....يخربيتك يابنت الإيه احلويتي اوي انا ازاي بس افرك في الجمال دا كله
بصيت عليا صرخت تاني بخضه وجريت على اوضتي البس خمار نسيت اني لسا بالبجامه
افتحي يابت احسنلك بدل ما اكسر الباب
لسا هتكلم جرس الباب رن ....صرخت برعب....يالهوي يالهوي يالهوي اتفضحك
سمعت صوت أزهار ونوح على الباب وو
للانضمام لجروب الواتساب اضغط هنا