رواية عشقت شخصيتها تامر وحور الفصل الخامس والعشرون 25 بقلم سميه خالد
رواية عشقت شخصيتها تامر وحور الفصل الخامس والعشرون 25 هى رواية من كتابة نورا اسلام رواية عشقت شخصيتها تامر وحور الفصل الخامس والعشرون 25 صدر لاول مرة على موقع التواصل الاجتماعى فيسبوك رواية عشقت شخصيتها تامر وحور الفصل الخامس والعشرون 25 حقق تفاعل كبير على الفيسبوك لذلك سنعرض لكم رواية عشقت شخصيتها تامر وحور الفصل الخامس والعشرون 25
رواية عشقت شخصيتها تامر وحور الفصل الخامس والعشرون 25
الكل سقف وحور راحت قعدت على الترابيزه
قرب منها شخص وهى ابتسمتله قعد قدامها وقال: ازيك يا حور عامله ايه
حور:الحمد لله بخير .. ازاى حضرتك
_ الحمد لله.. بصراحه يا حور انا ابنى شافك كذا مره ومعجب بيكى وقالى اشوفله ميعاد مع اهلك علشان يقابلهم
حور بصدمه:نعم .. ابن حضرتك
_ ايوا يا بنتى .. وانا شايف انك مناسبه .. بنت محترمة وب ١٠٠ راجل
حور بتوتر :، انا .. انا
دورت بعينها على اياد. ملقيتهوش .. بصت على تامر اللى لاحظ توترها وقرب منها وقعد
_ ازيك يا دكتور تامر .. اخبارك
تامر: الحمد لله
_ ها قولتى ايه يا بنتى
حور بصت ل تامر بتوتر وبعدين بصت للراجل
تامر باستغراب: موضوع ايه!!
_ ابنى معجب بالانسه حور .. وعايز يحدد ميعاد مع اهلها
تامر برقلها وهى سكتت خالص
وكذلك الراجل سكت
_ ها يا بنتى
تامر بصله بغضب وقال: ديه خطيبتى ومكتوب كتابنا يعنى مراتى .. عايز ابنك يتجوز مراتى !!
رد الراجل بتوتر: انا معرفش انها مراتك انت مقولتش انك عملت خطوبه حتى
تامر:، مجتش فرصه .. الموضوع جيه بسرعه
وعموما هنبقى نعزمك على فرحنا قريب ان شاء الله
الراجل قام بحرج وخرج برا القاعه
تامر كان متضايق جداً وهى كانت متابعه الموقف وبتحاول تدارى ابتسامتها
تامر بصلها بغضب ما الراجل خرج وهى حاولت تدارى ابتسامتها. فضلت تحاول وهى شايفها بتحاول لحد ما انفجرت من الضحك بصلها وهى بتضحك وضحك تلقائياً وفى اللحظه الغضب كان سعادة
بصلها وقال:، ينفع كدا!
ردت بكوميديا: لا طبعاً مينفغش
قعدوا يضحكوا وفى وسط الكلام قال: انتى جميلة اوى يا حور
كمل كلامه بحزم وقال:، متلبسيش فساتين تانى .. فاهمه!
حور فصلت تهز راسها ب اه و لا مع بعض
ضحك تانى على ريأكشنها
اياد جيه عليهم وقال: بتضحكوا على ايه!!
تامر ضحك و بصله وقال: ولا حاجه خد اختك اهيه
قام واياد قعد جمب حور باستغراب وقال: فيه ايه!!
حور بضحك: موضوع يطول شرحه
اياد: العريس عايز يمشي وانا كمان عايز اروح
حور: طيب يالا
راحوا سلموا على العريس والعروسه وتامر بص ل حور وضحك وهى ابتسمت
___________________
اياد سافر مع مصطفى ويارا وحور رجعت تانى لوحدها مش معاها حد غير كارما
اوقات كان تامر بيجى يشوفها وهى شغاله فى الورشه من بعيد واوقات كان بيبوظ العربيه بأى طريقه علشان يروحلها ويكون قريب اكتر منها
حور كانت ملاحظه كدا وساكته
على قرر يكتب كتابه على كارما قبل النتيجه ولما تظهر النتيجه يعملوا الفرح وده اللى حصل
وعزم بعض الطلاب المقربين والدكاتره وكان ما بينهم دكتور تامر
المأذون جيه وكتبوا الكتاب والكل كان فرحان ومع اخر كلمه اتقالت ام كارما زغرطت ..و كارما قامت وحضنت حور بفرح
وبعدها على قعد معاها شويه وحور كانت واقفه على السلم لان كتب الكتاب كان فى بيت كارما
تامر جيه وقف جمبها وقال: مش قولت متلبسيس فساتين تانى
حور وهى لسه باصه قدامها: انا بلاقيك فى كل مكان اروحه ليه .. ليه بحسك بتجرى ورايا فى كل حته زى ظلى
تامر:، اسالى قلبك وهو يقولك وقبلها انزلى غيرى الفستان ده
قال كدا وهو نازل
حور قبل ما يختفى عن نظرها قالت: علفكره كارما هى اللى اصرت
بصلها وابتسم وقال: عارف ..
ونزل تحت لحد ما اختفى من قدامها
دخلت قعدت ربع ساعه مع كارما وبعد كدا استأذنت ونزلت بيتها
مددت على السرير وهى بتفتكر كلام تامر ابتسمت شويه ونامت
____________________
بعد اسبوع كانت كارما واقفه مع حور بيدوروا على اسمهم فى النتيجه
كارما كانت متوتره لحد ما حور قالت اسم كارما وكانت ناجحه بامتياز
بنت جت ل حور وقالت باستفزاز:، عطيه.. مش لاقيه اسمك فى كشوف الناجحين .. يا خساره
حور بغضب : امشي يا بت من وشي علشان هطلع عفاريت الدنيا كلها عليكى
ردت بقرف:، فكرانى هخاف من اسلوبك البيئه No way. إنسانه معقده
حور: غورى يا ماما من هنا .. يالا
البت امشي
البنت بصتلها بقرف ومشيت حور كملت وهى بتدور على اسمها
وقف جمبها تامر وبص للجدول اللى فوق وقعد يدور معاها
تامر: حور جمال اهو
حور:، فين .. فين
تامر: فوق. اهو
بص عليها وقال:مبروك
وقفت على صوابعها وبصت على نتيجتها بفرح امتياز ضحكت بفرحه وكانت كارما جنبها حضنتها وهى بتقول بفرحه:ربنا جبر بخاطرى يا كارما .. جبر بخاطرى
تامر كان بيبص عليها ويبتسم بفرحه على فرحتها
مسكت ايد كارما وقالت: يالا نروح .. انا هوزع حاجه ساقعه على المنطقه كلها النهارده
كارما بضحك: طيب .. يالا .. بس الاول تعالى نسلم على كل الدكاتره اللى درسولنا السنادى. .. علشان احتمال منشوفهمش تانى
حور :يالا
بيلفوا وراهم شافوا. تامر واقف وساند على الحيطه ومربع ايده ومبتسم
كارما: دكتور تامر ..
تامر بص ل حور وابتسم وجاوب وقال: مبروك النجاح يا كارما
كارما بابتسامه: الله يبارك فيك .. طبعاً حضرتك معزوم على الفرح .. هيكون بعد شهر من دلوقتى هستنى حضرتك
تامر:اكيد هحضر .. بص ل حور وقال: الف مبروك يا حور
حور بابتسامه : احم.. الله يبارك فيك..
سلموا على باقى الدكاتره وكارما عزمتهم على الفرح بتاعها هى وعلى
وبعد كدا حور وكارما روحوا
اول ما دخلت المنطقه هى وكارما كانت فيه زفه ليها عملوها العمال اللى شغالين معاها ..
حور ضحكت وفرحت معاهم وبدأو يوزعوا حاجه ساقعه على الناس .. مكنتش واخده بالها ان تامر مشي وراها و واقف بعيد ومراقب الموقف وبيبتسم. على اللى بيحصل وعلى حب الناس ليها
شاف طفل صغير جاي عليها وقالها بطفوله: اسطى عطيه.. اسطى عطيه
حور نزلت ل مستواه وابتسمت وهى بتقول: نعم يا صغنن انت
بطفوله قال: عايز حاجه ساقعه من ديه
جت امه وهى بتزعق فيه وبتقول:، عيب يا واد ..
ضربته على ايده وهو عيط
حور : ليه كدا يا طنط .. مسكت الحاجه ساقعه وباست خده وقالت: خد يا صغنن .. اتفضلى يا طنط
_ ملوش لازمه يا بنتى .. بتتعبى نغسك ليه
حور. ابتسمتلها ونزلت لمستوى الولد تانى وطلعت من شنطتها ملبسه ومصاصه وادتهم للطفل الصغير
بصلها وابتسم وباس خدها وجرى على البيت
قامت وهى مبتسمه وبتضحك
عم كمال بفرح: ربنا يحبب فيكى خلقه يا بنتى
بصتله وابتسمت واخدت حاجه ساقعه من. الصندوق ومشيت باتجاه عربية تامر
خبطت على العربيه ففتح الشباك
حور بضحك: انت فكرنى مش شيفاك
تامر: احم.. هو انا
حور: عموماً خد .. ديه علشان خلاص خلصت دراسه الحمد لله
تامر: مش المفروض انا اللى اديكى هدية النجاح ديه
حور ضحكت وناولته الحاجه ساقعه وقالت: ده لو مُلزم بئا
_________________________
عدى اسبوع وكان ميعاد حفلة التخرج بتاعت الطلبه
كارما خبطت على حور وهى متوقعه ان حور هتكون لابسه كاجول
اتفاجئت بيها وهى خارجه لابسه فستان ومبتسمه وهى ماسكه طاقية التخرج ولابسه روب التخرج
كارما بتفأجى: انتى سخنه .. لابسه فستان
حور بفرحه: انا مبسوطه اوى يا كارما .. مبسوطه اوى .. ياااه .. اخيراً خلصت فرحانه اوى
كارما: ربنا يديم فرحتك .. يالا .. على مستنى تحت
حور: يالا
قفلت الباب ونزلت على السلم مع كارما
اهل المنطقه اللى عزمتهم اجروا ميكروباصين وعربيه ل حور تروح بيها
حور بصدمه وفرحه:ايه ده!!
عم كمال:اركبى فيها انتى وكارما وخطيبها. وروحوا مع بعض .. واحنا هنيجوا وراكم
حور ركبت وهى مش مستوعبه اللى بيحصل مم فرحتها ... دخلت القاعه بتاعت الحفله وكان
كل الدكاتره حاضرين
قعدت حور والناس اللى عزماهم .. فضلوا يندهوا على الاسامى ل حد ما جيه اسم حور .. القاعه كلها كانت بتصقف وهى طلعت اخدت الشهاده و وقفت جمب كارما بفرح
مع اخر اسم اتنده تامر وقف قدام الميكروفان وقال: اولاً احب اهنى الكل بالنجاح وربنا. يوفقكم فى باقى حياتكم
بص. ل حور وبعد كدا بص للناس وقال
عطيه
حور بصتله باستغراب
فكمل وقال: عطيه. او الاسطى عطيه .. هو الاسم الثانى لحور .. .. هو الاسم الثانى بس انا مش بحب اقولها عطيه عالطول بقولها يا حور
اول مره شوفتها كنت مستغرب طريقتها فى الكلام ولبسها .. تقريباُ كل حاجه فيها كانت مميزه عن الكل .. علمتنى ان الدنيا مش بالشكل ومش بالمظاهر ويمكن هى متكونش عارفه انى اتعلمت ده منها بس من غير ما هى تاخد بالها خلتنى احبها
كانت دبش ماشاء الله عليها ومش بتسيب حقها وده اللى خلانى متمسك بيها اكتر
من موقعى هذا بقولها ان هى أجمل من انها تتقارن بحد اصلاً .. ربنا حبب فيها خلقه وخلانى احبها ..
وعايزه اعرف رايها دلوقتى قدامكم لو سالتها وقلتلها: تقبلى تتجوزينى على سنة الله ورسوله
حور بصت للكل وبصت لكارما اللى مسكت ايدها جامد وهى بتهز راسها ب اه .. الكل عمال يقول وافقى .. وافقى
بصت ل تامر اللى مستنى الرد وقالت: لا
انضم لجروب التليجرام (هينزل فيه الرواية كاملة ) اضغط هنا
للانضمام لجروب الواتساب اضغط هنا