رواية احببت دكتوري رحمه وبدر الفصل الرابع عشر 14 بقلم حبيبه سيد
رواية احببت دكتوري رحمه وبدر الفصل الرابع عشر 14 هى رواية من كتابة حبيبه سيد رواية احببت دكتوري رحمه وبدر الفصل الرابع عشر 14 صدر لاول مرة على موقع التواصل الاجتماعى فيسبوك رواية احببت دكتوري رحمه وبدر الفصل الرابع عشر 14 حقق تفاعل كبير على الفيسبوك لذلك سنعرض لكم رواية احببت دكتوري رحمه وبدر الفصل الرابع عشر 14
رواية احببت دكتوري رحمه وبدر الفصل الرابع عشر 14
بدر : يلا مش هتنامى انتي كمان
رحمه : لاء انت قولت فاضل نص ساعه هكمل وبعدين انام
بدر : انتي تعبانه ولازم ترتاحي
رحمه: انا مش تعبانه ولا اي حاجة انا كويسه كمل بس باقي الشرح عشان ادخل انام لو عايزنى ادخل ارتاح
بدر: طيب هكمل بس لو حسيتى انك تعبتي ياريت تقولي
رحمه: حاضر
وبدر بيرجع يكمل شرح المحاضره
بدر بعد شرح ساعه الا ربع كدا يا ستي نبقي خلصنا
رحمه : هو دا الي نص ساعه
بدر: معلش بقا عارف اني طولت اوي
رحمه: طب انا هحل الامتحان الي معايا دا وبعدين
بدر : لاء مفيش الكلام دا امتحان اي انتي قولتي اخلص الشرح وتدخلي ترتاحي كفايه كدا
رحمه: طب هحل بس الامتحان دا عشان اعرف احل بكرا تطبيق علي الشرح عشان لو ف حاجة تشرحها بدل ما اقعد بكرا معرفش احل حاجة واكيد حضرتك مش هتيجى تورينى ف الامتحان يعني
بدر: ماشي يا رحمه هخلينى معاكي للآخر بتبدأ تحل الامتحان
رحمه : بدر دا بيتحل ازاي
بدر: بيبدأ يشرح لها نقطة فيه بس رحمه النوم بيغلبها وبتنام وهي قاعده رأسها بتنزل علي كتف بدر وخصل شعرها بتنزل علي وشها بدري بيفضل يبصلها بيحط ايديه علي خدها براحه وبيشيل خصل شعرها بيتكلم ف سره حتي وانتي نايمه قمر أحلي من ملكات الجمال اعرف بس جايبه الجمال دا كله منين بعدين بيشيلها يدخلها أوضتها ويغطيها وبيخرج يكمل الشغل بتاعه وبينام وهو قاعد .
تاني يوم
رحمه بتصحى بتخرج من أوضتها بتلاقي بدر نايم مكانه بتروح تقف جنبه عشان تصحيه
رحمه : بدر ...بدر أصحي
بدر: سبينى شويه بقا
رحمه: بدر أصحى يابدر
بدر : يوووو بقا يا شروق سبينى شويه بس وهقوم
رحمه لسه هتقول بد.. الفون بتاعها بيرن
بدر بيصحى بخضه : ف اي يا شرو.... وبيفتح عينيه قبل ما يكمل بيشوف رحمه لسه هيتكلم رحمه بتسيبه وتدخل أوضتها وبترد علي الفون
يارا: الووووو
رحمه: ف اي يا بنتي علي الصبح حصل اي
يارا : الحق عليا بصحيكى صباح الخير يا رحومتي
رحمه: قولي الي عندك
يارا: ديما ظلمانى كدا
رحمه: قصدك فهماكى اخلصي قولي
يارا: احم.. طب ردي الصباح الاول
رحمه: صباح النور انجزي
يارا: اي يا رحومتي مش معامله دي والله
رحمه: هتقولي الي عندك ولا اقفل
يارا: لاء خلاص هقول احم... بقولك اي انتي صحبتي يعني وكدا وعشره
رحمه: كلمه زياده هقفل الفون
يارا: خلاص يا رحمه بقا دكتور بدر كان بيقول ان فاضل نص ساعه كمان وانا نمت وكنت عايزه يعني
رحمه: انتي قولتي ف الاول اي كان بيقول
يارا : يعني اي مستقبلي ضاع
رحمه: تعرفي تتلهي علي اساس البت ليها مستقبل اوي
يارا: حقك يا اختي ما انتي معاكى الدكتور وبيشرحلك وهتقفلي المواد وانتي مغمضه
رحمه: اخرسي
يارا: بقا كدا يا رحومتي وانا الي بقول عليكى اختي حبيبتي
رحمه: يارا وفري علي نفسك الكلمتين دول انا فهماكى والله وجبتلك من الاخر
يارا: طب بس انتي قوليلو الامتحان فاضل عليه 3 ساعات هنضيع انا صحبتك يا رحمه مش كدا
رحمه: يارا حبيبتي عشان انا صحبتك بقولك لاء انتي عايزه الدكتور يشرحلك كلميه انا مالي
يارا: خلاص يا رحمه اخرجى بس وانا هقول للدكتور يشرحلى الباقي
رحمه: حاضر هفتحلك كاميرا وانتي اتكلمى
يارا: ماشي يا رحمه مش عايزه تقفي معايا
رحمه بتخرج من أوضتها: دكتور بدر
بدر : نعم يا رحمه
رحمه: حضرتك كنت قولت امبارح ان فاضل نص ساعه باقي المحاضره يارا عايزه باقي الشرح
يارا: بعد اذن الدكتور طبعا
بدر : لازم دلوقت
يارا: يعني اي حضرتك قولت امبارح روحي نامي وابقي كملي بكرا
بدر : كان قصدي مذاكرتك
يارا : رحمه
رحمه: اعمل اي ي يارا ما قدامك اهو قولتلو اعملك اي تاني
يارا: يارحمه انا كدا هضيع
ريم بتخرج من اوضتها : اي القمر صاحي صباح الفل يا رحومه
رحمه: صباح العسل يا ريم
ريم : بقولك اي عندي سوءالين كدا هحلهم وشوفيهم قبل ما انزل الامتحان
رحمه: بس كدا طيب روحي الاول خدي شاور عشان تفوقي اكون حضرت الفطار ونشوف المسأله اي رايك
ريم طب بصي هحل المسأله وعلي ما أخد شاور تكوني شوفتيها
رحمه: ماشي يا ريم بسرعه عشان متتأخريش
يارا: بقا كدا يا رحمه اشمعنا ريم بقا
بدر : خلاص ي يارا قولي عايزه اي وانا اشرحلك بس تركزي عشان وقتي وبيبدأ يشرح
ريم بتحل المسأله وبتدخل تاخد شاور وبتخرج تلبس وتصلي عشان تروح الامتحان وبدر بيكون قاعد يشرح لي يارا
يارا: دكتور لو سمحت حضرتك ف نص المحاضره كنت شرحت حاجة كدا انا مش فهماها.
بدر: اصلا أها انا عارف اني مش هخلص ولا هخرج النهارده بيكمل شرح علي ما بيخلص شرح ريم بتكون خلصت ورحمه بتكون راجعت لي ريم وحلت كذا حاجة عشان امتحانها وصلت وحضرت الفطار وبدر بيكون خلص بيقعدوا يفطروا وبينزلو يركبو العربيه بس رحمه بتركب ف الكرسي الي ورا مع ريم
بدر : حد قالكم اني السواق
ريم: انا مليش دعوة رحمه الي كانت بتقعد قدام
بدر : اها وبعدين
رحمه: اطلعي ياريم اقعدي جنب بابا أنا مرتاحه هنا
بدر : مش هنفضل كدا كتير انا مش سواق والله
رحمه: يلا يا ريم اطلعي وفعلا ريم بتطلع تقعد بدري بيظبط مراية العربيه علي رحمه عشان يطمن عليها كل شويه ريم بتوصل المدرسه ورحمه وبدر بيكملو علي الكليه بتوصل الكليه بتنزل تدخل علطول علي المحاضرة
يارا: بتدخل بعدها اهااا خيااااااانه دخلتي من غيري
رحمه: طب ما انتي بتدخلي من غيري ف اي بطلي هبل
يارا: بقولك اي احنا اصحاب بلاش حركات النص كم بتاعت الامتحانات دي احنا مع بعض
رحمه: هو انتي مش ذاكرتي كويس عايزه اي تاني
يارا: عايزه انجح عشان الست الغلبانه الي ف البيت هتطلق بسببي
رحمه: اخرسي شويه ي يارا ممكن
يارا: لو احتجت حاجة هتقوليلي صح
رحمه: بصي الي ذاكرتيه وتعرفي تحليه اكتبيه والباقي علي ربنا بقا علي ما تخلصي الي انتي عرفاه اكون انا خلصت واقولك الي واقف معاكى
يارا: أيوا بقا
بيقعدوا حوالي ساعه والمحاضرة بتبدأ والدكتور بيوزع الطلاب بطريقته والامتحان بيبدأ المحاضره بتبقي ساعتين
رحمه: بتبدأ تحل الامتحان ويارا برضو بتبدأ تحل الوقت بيخلص وبيخرجوا من المحاضرة
يارا: بقولك اي يا رحمه ما تيجى نروح نقعد ف كافيه شويه نشرب حاجة عايزه اتكلم معااكى
رحمه: لاء حاجة دي تشربيها ف البيت مش هنا
يارا: ليه انتي مروحه
رحمه: هروح لي ريم المدرسه الاول وبعدين اروح
يارا: ف اي يا بنتي هو انتي مامتها وانا معرفش
رحمه: ايوا ي يارا انا مامتها واختها وصحبتها يلا بقا عشان تشوفي انتي رايحه فين عشان انا ماشيه
يارا: ماشي هكلمك بالليل
رحمه بتخرج من الكلية بتلاقي بدر واقف بالعربيه مستنيها بتركب ورا برضو بتوصل مدرسه ريم بياخدوها ويطلعوا علي الشقة
بالليل
ريم:رحومه حبيبتي
رحمه: هاتي الكتاب وتعالي
ريم بتحط الكتاب وبتحضنها وبتبدأ تذاكر لها وبدر بيكون قاعد يعمل الشغل بتاعه علي اللاب والفون بتاعه بيرن
بدر : الوووو
والدة بدر: ايوا يا بدر عامل اي وحشتني وريم ازيها
بدر : احنا كويسين يا حبيبتي انتي الي عامله اي والحج
وحشني أوي والله
والدة بدر : عشان كدا بتسال
بدر : غصب عني يا حبيبتي انتي عارفه الشغل بقا
والدة بدر: الله يعينك يبنى قولي مراتك عامل اي ريم مرتاحه معاها
بدراحم .. طب ثانيه يا حبيبتي بيدخل يكمل المكالمة ف الاوضه بتاعته بس رحمه بتبقي عايزه تعرف مين حبيبته دي ولاما هو بيحب ليه اتجوزها كذا سوءال ف بال رحمه
بدر بعد ما دخل أوضته: ايوا يا أمى احنا الحمد لله بخير
والدة بدر : ومراتك يا بدر انت مرتاح معاها كويسه مع البنت
بدر : ايوا يا أمى انا مكنتش متخيل ان ريم بعد فترة التعب الي مرت بيه ترجع تتكلم وتضحك وتهزر تانى وكله بفضل ربنا ورحمه
والدة بدر : طيب يبنى ربنا يباركلك فيها ويحفظلك بنتك
بدر : يارب يا امى ويخليكى ليا يا ست الكل
والدة بدر : بقولك اي يا بدر بنت عمتك جايه عندك يومين هتخلص شويه ورق كدا خلي بالك منها
بدر : من غير ما تقولي يا امى
والدة بدر : طب يا حبيبي كويس انى اطمنت عليك انت ومراتك وبنتك هسيبك بقا تشوف الي وراك مع السلامة
بيخلص ويطلع يكمل شغل تاني وبيعدي اليوم
تاني يوم
ريم بتصحي تروح امتحانها ورحمه بتروح الكليه مع بدر وبتخلص وترجع علي الشقة ريم بتدخل تنام عشان ترتاح ورحمه بتكون قاعده تذاكر وفجأة جرس الشقه بيرن
رحمه بتقوم تفتح بتقابلها بنت
البنت: بدوري موجود
رحمه: بدورك مين انتي مين
بدر بيخرج يشوف مين الي برا
البنت اول ما بتشوف بدر بتقول لي رحمه هو دا بدورى بتزقها وتدخل
بدر : نورهان عامله اي
نورهان : كدا يا وحش مش بتسأل عليا
رحمه: طب عن اذنكم وهي ماشيه بدر بيمسك أيديها
بدر: استني اعرفك نورهان بنت عمتي
رحمه: اهلا وسهلا
وبعدين بيبص لي نورهان : والقمر تبقي مراتي
طبعا نورهان بتبقي واقفه شايطه عشان بدر بيتكلم وهو حاطت أيديه علي وسط رحمه
رحمه: اتشرفت بيكى
نورهان : الشرف ليا انا يا حبيبتي
المهم نورهان بتقعد تضحك وتهزر مع بدر ورحمه تكون قاعده تذاكر ، ياعيني البت متمرمطه خالص لاء وجات ليها واحده بتحب جوزها وبترسم عليه كمان
الفون بتاع رحمه بيرن
يارا: الوووو
رحمه: ايوا ي يارا ف اي
يارا: بقولك اي انتي مش كنتي بتشتغلي ف مستشفي
رحمه: ايوا ليه
يارا: طب شوفيلي شغل
رحمه: حاضر هكلم دكتور يوسف وهقولك
يارا: حبيبت قلبي
رحمه: عايزه حاجة تانية
يارا: لاء يا حبيبتي
رحمه: طب يلا بقا روحي ذاكري
بدر بيكون ف اوضته نورهان بتخبط علي الباب
بدر : تعالي يا رحمه
نورهان بتدخل: انا مش رحمه
بدر : نورهان ف حاجة ولا اي محتاجة حاجة
نورهان وهي بتقرب من بدر: محتجاك يا بدر
بدر : ف اي يا نورهان مالك
نورهان : بدر انا عيزاك
بدر : معلش مش فاهم
نورهان : بتقرب من بدر اكتر بدر انا بحبك انا قولت بعد موت شروق هتبقي معايا انا هتبقي بتاعي ومحدش هيشاركنى فيك هتحس بحبي ليك وهتحبني زي ما بحبك
بدر : اهااا..... والمطلوب مني اي دلوقت بقا اقولك انا هسيب مراتى وهطلقها عشان بحبك انتي يا نورهان ف الوقت دا رحمه بتكون خارجة من اوضتها بتسمع اخر حاجة قالها بدر لي نورهان