رواية زواج مصلحة سيف ونسمة الفصل الحادي عشر 11 بقلم ضحي محمود
رواية زواج مصلحة سيف ونسمة الفصل الحادي عشر 11 هي رواية من كتابة ضحي محمود رواية زواج مصلحة سيف ونسمة الفصل الحادي عشر 11 صدر لاول مرة على موقع التواصل الاجتماعى فيسبوك رواية زواج مصلحة سيف ونسمة الفصل الحادي عشر 11 حقق تفاعل كبير على الفيسبوك لذلك سنعرض لكم رواية زواج مصلحة سيف ونسمة الفصل الحادي عشر 11
رواية زواج مصلحة سيف ونسمة الفصل الحادي عشر 11
عمر : عارف أنك ذكية ، .. بس مش وقتة أنا عايزك فموضوع ضرورى ، اسبقينى على اوضتى ..
نسمة بخوف بتبص حواليها : لـ ، لية ؟!
عمر : .. تعالى معايا بس هقولك حاجة هتعجبك ..
نسمة بصوت عالى ومرعوب : لأ خلينا هنا احسن !
عمر مسكها من ايدها جامد .. : مش هينفع أقول هنا...
ومشى بيها ناحية الاوضة قفل الباب .. ووقف قدامها حط ايده على كتافها
عمر : أنتى جسمك بيترعش ؟! .. أنا مش سىء للدرجة دى وعموما بردة أنا استاهل لانك هتجبيلى الكلام ووجع القلب ..
نسمة : ازاى يعنى ؟
عمر : يعنى بنت جميلة عزبة قاعدة معايا فنفس البيت من غير أى ورق رسمى .. تفتكرى ممكن يتقال أية ؟
نسمة : .. مين اللى هيقول ؟! أنا مش هخرج من البيت خالص !
عمر : ما هو المشكلة مش فبرة البيت المشكلة جوا البيت ! .. أنا شاكك فاللى بيشتغلوا هنا
نسمة بخبث : شاكك ؟ !
عمر : أنهم ممكن يكونوا عملة لشركة تانية .. وبيحاولوا يعرفوا اسرار عن الشركة أو ذلات منى أنا كشاب فيبقى اسمى عنوان صفحة الفضايح ! .. " أردف بجدية " عايزك تراقبيهم كويس وتشوفى كل واحد بيعمل أية فيومة .. بيخرج كام مرة ، بيقابل مين .. بصى أنا عايزك تبقى ظلهم .
نسمة : اممم ، متشغلش بالك أنت
عمر بيقرب منها : أنا بس شاغل بالى عليكى ..
نسمة بتبعد : ولا يهمك …
عمر : وعموما .. الكلام دة موعكيش لحاجة ؟ .. يعنى ملفتش نظرك لحاجة المفروض تحصل ؟!
نسمة بترفع شفتها اللى تحت و بتهز راسها نافية
عمر : اسمعى يا نسمة أنا وأنتى مينفعش نفضل كدة تحت سقف واحد ومفيش رابط بينا .. الخدم يقولوا أية ؟
نسمة بسخرية : هما كلمتين انتوا حفظينهم ولا اية ؟! .. عموما سرح الخدم مينفعش أنا وأنت يبقى فية بينا حاجة يا عمر ..
عمر بعصبية : لية !!
نسمة : .. يعنى أنا من ساعة ما خطوبنا اتفسخت معنتش بشوفك غير شخص عادى متفرقش معايا ، اكتر مافيها يعنى اخ..
عمر : يا نسمة أنا قولتلك كام مرة قبل كدة أنى مليش ذنب ، مش أنا اللى عملت كدة فعلاقتنا !؟
نسمة : لا انتاا اللى عينك زاغت عالفلوس وفضلت الشركة والورث علياا لما ابوك خيرك اخترت الورث !
عمر : أيوة منها لله عمتك بقى هيا اللى لعبت فدماغ الراجل .. بس هنقول اية منا كنت عيل بردة ، اتلعب فدماغى وبقيت ضحية زيك ..
نسمة : .. وأنا ، أنا كنت عيلة يا عمر مستنية الايد اللى تنقذها من الغرق .. كنت مستنياك ومستنية حبك وقربك ليا .. بس أنت تخليت عنى كأنى لعبة زهقت منها وقولت فيى منها كتير !
عمر بتنهيدة : بردة ؟! .. خلى فعلمك أنتى مش هتوصلى معايا لحاجة ، أنا اللى فدماغى بعملة ..
نسمة : أنت معندكش كرامة يا عمر !!؟ بقولك أنا مش حابة ارجعلك ..
عمر : .. تاانى هتقوولى كدة ! يا حبيبتى افهمىى بقاا أنا اخترت الشركة علشان لما يمو'وت اورث أنا واعيشك ملكة بعد الجواز ، إنما أنتى عايزانى اختارك انتى علشان نشحت ! أية هصرف عليكى احضان ولا اكلك حب !؟
نسمة : كدااب يا عمر ، انت اخترت الفلوس لأنك عمرك ما حبتنى واقولك عالكبيرة أنا لما اتجوزت سيف اكتشفت أنى عمرى ما حبيتك !
عمر بيمسكها من شعرها .. : قصدكك اييية ! أنتى بتاعتى أنا وبس يا نسمة فاااهمة ! أنتى ليا أنا بس !
نسمة : للاسف قلبى معدش ملكى دلوقتى .. أنا بحب سييف !
عمر بيزقها عالسرير و بعصبية يخبط ايدة فازاز المرايا ..
نسمة بتترعب من ردة فعلة ..
نسمة لنفسها : ايوة اتعصب كدة .. أنا عايزاك تثور علشان تخرج كل الى فقلبك ، أنا عارفة أنك هتعمل كدة يا عمر ..
عمر بحزن رفع ايدة اللى بتترعش .. وولع سجارة قدام المرايا .. و أخد نفس بضيق .. كإنه بيحاول يطلع فيها غضبة علشان ميعملش حاجة يندم عليها ..
نسمة وقفت و قربت منه .. لقت الد'م مغرق التسريحة وايدة بتنز'ف ..قالت بذعر : عمر !! ورينى اييدك !
عمر : .. ابعدى يا نسمة ، أنا هوصلك عند عمتك بكرة الصبح وابقى اصتفى معاها براحتك ..
نسمة عيونها دمعت وهى بتقطع طرف فستانها … وبتحطة على ايدة : .. طول عمرى كان نفسى ابقا دكتورة بس مش على حد من عيلتى لأنى مبقدرش ، عمر اللى يلخينى أقول كدة أنى مش واثقة فيك زى مانت مش واثق فيا !
عمر بيطلع دخان من بقة ويبصلها : .. أنا ؟ مكنتش قولتلك على موضوع الخدم يا نسمة !؟
نسمة : ما هو أنت مش قايل على كل حاجة ، بالعكس أنت عايز تلعب بيا لعبة مش حلوة لمصلحتك ..
عمر مش بيرد وبيبصلها بطرف عينة ..نسمة بعد ما ربطت ايدة قالت بخبث : عمر .. أنت شغال فى المخدرات ؟!!
فى المكتبة عند سيف
سيف قدام مروة .. إلى بصالة فعنية وبتقولة : مش قبل ما تثبت انك ولى ليا !
سيف : ازااى ؟! اؤمرى وأنا انفذ ..
مروة : .. أنت هتسافر معايا برة ، وهتلغى كل عقودك هنا .. علشان تبقى معايا ، سنة اتنين مش هتبقى مشكلة أنا مجهزة كل حاجة كمان نور هتتبسط أوى ..
سيف : و شغلى ومدرسة نو..
مروة بمقاطعة : دى آخر فرصة يا سيف أختار ...
سيف باستسلام : ..ادينى مهلة اسبوع اظبط حاجتى
فى منزل سيف ..
أمنية : لاا أنتى بتغشى يا نور .. محدش بيلعب كدة !
نور بتطلع لسانها : امسكينى الأول لو عرفتى ..
أمنية بتجرى وراها .. ومرة واحدة اتكعبلت فالسجادة مسكت فالمكتبة بس وقعت على وشها وجنب منها كتاب بارز منة ورقة ..
أمنية بتعب : اااااه تعالى يا نور .. سندينى يا بنتى الواحد نسى سنة وبقى يجرى .. شكلى اتخبلت فى عقلى باين ناولينى الكتاب احطة مكانة ..
نور : اتفضلى يا تيتة ..
أمنية بهزار : هو اتقطع ولا أية ابوكى هيجرى ورانا .. أية الورق دة !؟
نور : فية اية يا تيتة .. مالك ؟
أمنية عينيها وسعت وفضلت مبحلقة فالورقة : .. هو ابوكى اتجوز يا نور وأنا مسافرة ؟!
وفجأة بيسمعوا صوت مفاتيح والباب بيتفتح ..سيف : .. هاا يا ست نور عاملة اية مع تيتة ؟
أمنية بغضب تتقدم نحيتة وترفع يدها و ..
#يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا