_ يا جوازك مني يا تضمني سقوطك فالمادة و أهلك اللي مش هتبقي متطمنة عليهم و...

لفت و مهتمتش أو حاولت متبينش إن هي مهتمة لكلامه..

و حاولت تفتح الباب تحت نظراته و لكن محاولتها كان مصيرها الفشل الحتمي!!

فجأة، الباب اتفتح.. مفكرتش تبصله و خرجِت فورًا..

لاحظِت إنه مبتسِم بطريقة غريبة حبة.. بس معلقتش و مشِت بطريقة هادية و لا أكنها كانت بتتهدد جوة!

بصت ففونها و سرحِت فذكرى ليها مع شخصيةٌ ما...

و سرحت فيها و مخدتش بالها من دموعها و هي نازلة بس لقِت نفسها اتخبطت فحد..

_ حاسبي يا آنسة!

= مش واخدة بالي..

_ آنسة لليان؟

مردتش عليه و لا بصتله و كانت هتمشي.. 

_ علفكرة، انا أخو رودينا مش بعاكس!

لفِت و قالتله بعقدة حاجب:

نور الدين؟

_ لا، أنا قاسم..

= إزيك.. سلملي على عمو يا قاسم، معلش مضطرة أمشي..

_ مفيش مرة أكلمك تكروتيلي الرد؟ بالله أنا مكروت خِلقة..

مقدرتش تخفي إبتسامتها و قالت بهدوء:

رزقك بقا، السلام عليكم..

_ و عليكم السلام..

         " تاني يوم."

_ مش جاية ليه؟

= مليش نفس انهاردة يا فريال..

_ ولله!

عليا؟

لليان بخنقة:

خلاص يا فريال..

فريال حسِت إن الموضوع مش بسيط و قالتلها:

حد مضايقِك..؟

_ هحكيلك بعدين .. ماما بتنادي!

= إديها بوسة كبيرة و قوللها فيرو بتسلم على عيونك..

إبتسمت إبتسامة خفيفة..

_ بحبك فالله ولله..

= أحبِك الذي أحببتني فيه، بس زعلانة منك عشان هاكل إنهاردة لوحدي!

_ بكرا هطفحك سندوتشين واحد شاورما و واحد بطاطس..

ضحكت فريال و ابتسمت إبتسامة هادية:

على حسابك؟

_ طبعًا.... لا!

= طب إقفلي يا لليان، الله يهديكِ..

ضحكت و قفلوا مع بعض.. بصِت للسقف و هي بتفتكِر الموقف المشؤم، بس قالت لنفسها بعد تنهيدة:

دا عبيط بجد، مفكر إني هتأثر بكلمتين.. يخربيت اللي أقنعه بإنه دكتور أصلا!

فجاة سمعت صوت خلاها تنتفض من مكانها، تزامنًا مع صوت رسالة حديثة وصلِت لفونها... مهتمتش لحاجة طلعت و ملامح القلق كلها بتتعبَر فوشها..

_ في اي؟؟؟؟ 

= أمك وقعِت من طولها فجاة، لليان خُديها معايا ننقلها الأوضة..

كانت هتعيط و هي شايفة مامتها القوية بالمنظر دا، قربت تشيلها مع أختها و هي مش مستوعبة حاجة...

        " بعد ساعتين."

_ ياربي اي اللي جرالك يا أمي!! انا واثقة فقُدرتك يا رب، العون من عندك!!

فتحت الرسالة بعد ما حاولت تهدى، و اتصدمت من أكتر رسالة هتغير حياتها و مصيرها تمامًا....

_ بكرر، أنا مش سهل يا قُطة عشان تفكري تتحديني، بإيدك ترفضي و بإيدك تماطلي و تخاطري بحياة الغاليين!!

الفون وقع من إيديها، و مليون سيناريو هاجم تفكيرها.. بس!!!

قامت بسرعة، صلِت ركعتين و هي تعيط.. لحد ما خدها الوقت و نامت و هي بتقرأ قرآن...

  " بعد يومين.. من دون أحداث جديدة."

دخلت المدرج بهدوء كعادتها، و لكن أوِل ما قعدت.. شافت اللي صدمها!

و لكن.. لقيته دخل!!

أيوة هو، بهيئته الجذابة و اللي تشوفيها تقولي مُحترم و جِنتل.. و لكن أثبتلها العكس بجدارة، شافها و لمحها و هي غضت بصرها، فريال مش موجودة.. و رغم إن نص الجامعة بتحبها إلا إن أقرب صديقة ليها " فريال."

_ شوال!

= شوال رز، بنجر!

إبتسموا بإستهزاء و هم عارفين إن الدكتور مش هيسبها قاعدة، و لكن خالفت توقاعته و فضلت قاعدة.. 

إبتسمت و كمان نامت بطريقة ملحوظة، لكن هو معلقش!!

        " بعد ساعة."

صحِت و فضلت تفرُك فعينيها.... و صرخت بعلو صوتها و هي شايفة إنها متكتفة و قاعدة على كرسي و كان في شخص واقف قدامها....

_ قمر منورني !

= إنت مين؟

_ مُشتاق..

قالت فنفسها بتردد و نفي:

ن...ن نور !

يا ترى مين نور، و اي حكايته و هل مصيرها معاه غامض للدرجادي...؟