_ مرضاش يدخلني المُحاضرة علشان مُنتقبة!

= دي شكوتك ضد الدكتور؟

_ دي مش شكوة بس، دي مشكلة كبيرة هتواجهنا كُلنا إذا ماتحلتش يا فندم!

بصلها العميد بهدوء و هز راسه.. فخرجت لصحابها..

_ مش عشان دكتور يدخل و يخرَج على مزاجه، لا في قانون و قواعد تمشي عليه قبل علينا!

طبطبت على ضهرها صاحبتها..

_ إهدي يا لليان، قدر الله ما شاء فعله و هناخد حقنا بردو!

إبتسموا لبعض و كانوا هيمشوا، بس وقفهم صوت شخص...

_ يا أم خيمة، يا أم خيمة!

لليان مبصتش ورا حتى و مشِت، بس البنت دي زودت فالكلام أكتر.. و وقفت قدامها و قالت:

بجد بقا، إنتِ إزاي واحدة زيك تخش الجامعة هنا!!

إبتسمت لليان بكُل هدوء، و فجأة...

_ عشان أعلم أشكالك الأدب و الرباية!

صاحبة لليان إتحركت تحاول تتمالك الموضوع، بعد ما حقيقي الجامعة كلها اتلمت على صوت لليان!!

البنت بخوف..

ابعدي عني!

_ طيب!

كلمة تانية و تريقة على لبسي و وشك هيكون شوارع، سامعة!!

البنت بهزة راس سريعة و هي بتجري:

مش هكلمك تاني..

بصِت لليان لصاحبتها بهدوء..

_ يلا يا فريال!

        " بعد ساعة."

_ فريال، أنا راحة الحمام..

فريال بإبتسامة و هي بتشرب أخر بوق فكوبايتها..

_ خلي بالك من نفسك، متروحيش كدا و لا كدا..

لليان بسخرية:

إحلفي؟ حد قالك إني راحة أحارب فالعالمية التالتة؟..

ضحكت و قالتلها:

كنت بحاول أعمل زي طنط.. انتِ عارفة أنا و هي صُحاب أد اي!

_ عارفة عارفة..

قالتلها بتسرُع، دا الي خلاها تبتسم على لليان..

بعد 5 دقايق...

_ اي دا هو مفيش حد خالص ليه كدا؟

قالتها لنفسها و هي بتبص حواليها بإستغراب!!

كانت خلصِت و خرجِت، بسرعة.. سرعة خفيفة؛ لدرجة إن هي محستش إنها بتتسحب أصلا!!

إتخضت و كانت هتصوت بس حط إيديه على بوقها بهمس..

_ فاكرة إن عملتك هتعدي على خير، دا أنتِ أيامك كلها سودا معايا.. و مادِتك فالحفظ و الصون.....

ألا لو واقفتِ على شرطي اللي مفيش جدال فيه!!

كانت بتضرب و تزق فيه و لكن هو لا حياة لمن تنادي، بصِت حواليها.. لقِت حاجة لا يمكن تتوقع وجودها أبدًا.... 

يا ترى هتعمل اي و هو حابسها ما بين دراعه كدا..؟ و اي اللي شافته!

و يا ترى اي مصيرها فالجامعة دي بعد كدا...؟