هل تعرف ذلك المكان بين الحلم واليقظه. ذلك المكان الذي مازالت تتذكر به الأحلام. هذا هو المكان الذي سأحبك به دائما وانتظرك به

في العياده

صقر. أظن عدا عشر دقايق ممكن افهم في ايه

معتز. اتفضل يا صقر بيه

صقر قعد جانب جويريه وبصلها باستغراب

معتز. صقر انت منتظم في اخد الادوايه

صقر. لا انا وقفتها من فتره

معتز. يبقى هنبدا من الاول ولازم تاخد الدوا دا اظن كلامي واضح والا ملوش لازم اللي احنا بنعمله من جلسات

جويريه بثقه. هياخده يا دكتور

صقر بهمس وابتسامه جانبيه. واثقه اوي من نفسك يا قطتي انا معنديش مانع اخده بس كل حاجه وليها مقابل

جويريه بتوتر . لو سمحت بطل حركاتك دي

صقر. لينا بيت نتكلم فيه

معتز. صقر ممكن تحكيلنا اللي انت تعرفه عن وفاه والدتك

صقر بصتله وبقي شخص تاني وقام بسرعه بقى يك"سر في كل حاجه موجوده ورياكشنات وشه اتغيرت وعروقه بقيت بارزه فضل يك"سر في كل حاجه زي المجنون

الازاز اللي موجود في المكتب اي حاجه قدامه

معتز وجويريه قاموا بيحاولوا يوقفوه وهو مش شايف بيضر"ب في اي حد ادامه

جويريه بدموع وبتحاولي توقفه. صقر اهدي خالص كل اللي فات عد احنا دلوقتي مع بعض اهدي

صقر دقها جامد وهو مش شايفها وقعت على الازض كان في ازاز كتير ايديها انجر"حت وبقيت تنز"ف وكذلك رجليها لان قط"ع الازاز كانت كبيره وجويريه بتلبس جزم خفيفه 

جويريه بوجع ودموع وصوت شهقاتها بقى عالي. اااههه اااهه

صقر بدا يرجع لوعيه اول ما شاف الد"م بخضه واستيعاب جري على جويريه

صقر. جوري انا وفجأه بعد عنها بصوت عالي

انا بقيت خطر انا تعبت اااااهههه

جويريه بتحاول تقوم وبقيت تمشي على رجليها بالعافيه وقربت منه وحضنته وبقيت تعيط. انت عمرك ما كنت خطر عليا انت اماني يا صقر ارجوك اهدي انا كويسه وفي حضنك ومحدش هيقدر يبعدنا صدقني

انا وانت لايمكن نفترق الا اذا انت قررت تبعدني عنك

صقر بقى يحضنها اكتر وكأنه هيدخلها بين ضلوعه. عمري ما هبعدك يا جويريه بس هاذ"يكي من غير ما اقصد

جويريه ودموعها على خدها. وانا قابله بالاذيه دي ومرتاحه مدام معاك

صقر بص لايديها اللي بتنز"ف ورجليها  شالها وقعدها على سرير العياده

معتز. متخافيش هعقملك الجروح

ربط جرح ايديها و جيه يشوف رجليها لقى في ازاز دخل جو رجليها

بقى يشيله وجويريه ماسه في ايد صقر وبتغرز ايديها في ايديه بوجع ودموعها بتخونه وتنزل على خدها

صقر حس انه بيط"عن في قلبه قرب منها اكتر ودفن وشها في صدره وهي بقيت متمسك بيه

معتز. خالص كدا هتحسي بوجع شويه

جويريه وهي بتمسح دموعها. مفيش مشكله عادي

صقر بص للمكان اللي بقى متد"مر وكل حاجه متكسره طلع دفتر شياكته وكتب شيك. اتفضل يا دكتور معتز

معتز بضحك. عارف دي المره الكام اللي اغير فيه ديكور العياده

صقر. عشان تبقى اتسحب من لسانك وتسأل اسئله ماحدش عارف اجابتها

معتز. عشان كدا بفضل التنويم المغناطيس

صقر. ياله بينا يا جوري بعد اذنك يا دكتور

معتز. صحيح الادويه دي فيها ماده هتخليك تنام عشان كدا بتتاخد بالليل مره واحده ولما تبدأ تظبط في الدواء نبدأ تنويم مغناطيسي وانا فهمت مدام جويريه اللي مفروض تعمله

جويريه بتحاول تقوم وتمشي

صقر بحده. بتعملي ايه

جويريه. هنمشي

هز راسه يمين وشمال وشالها

جويريه. صقر نزلني مينفعش كدا

صقر بندم. اسكتي يا جوري

وخرج تحت نظرات الغيره من اللي شافوهم جويريه اول ما شافت السكرتيره لفت ايديها حولين رقبه صقر وبقيت متمسكه بيه

صقر ضحك على شكلها ونزل من العياده تحت مراقبه شخص ليهم

🌺🌺🌺🌺🌺🌺🌺

في فيلا العمري

العمري. واضح انه وقع في حبها

رفعت شريكه. الصور كلها بتقول كدا وامبارح في الحفله

العمري. الله اللعب احلو وجويريه نفذت المهمه بالظبط ووقعته في حبه والله البت دي شطره لو كنا نعرف من الاول كنا دخلنها حياته من بدري

رفعت. المهم هي هتعرف تجيب الورق ولا لاء

العمري. حتى لو هي معرفتش احنا دلوقتي بقينا عرفين نقطه ضعف ونقدر نستغله

رفعت. بس جويريه طلعت ذكيه اوي خليته يحبها وقعت صقر المحمدي

العمري. دي كارت موجود معانا من البدايه دلوقتي لازم مستغله كويس وزي ما اتفقنا معها من الاول زي ما هنخليها تجبلنا المعلومات

رفعت. هتستخدم نفس الطريقه

العمري. اكيد

رفعت. تفتكر لو صقر عرف انها بتلعب عليه دا كله هيعمل ايه

العمري بثقه. هيق"تلها طبعا صقر مش اهبل عشان يسيب حد خانه

رفعت. الاتنين دول حظهم اسود ههههههه تفتكر جويريه ممكن تحبه وترفض تكمل الاتفاق

العمري. هنشوف المهم نرتب للتسليم بعد اسبوع السلا"ح المره دي كميته اكبر

صدمتكم ولسه اللي جاي د"مار ويبقى القدر سيد كل العلاقات 

🌺🌺🌺🌺🌺🌺🌺

عند احمد

صحي من النوم لقي نفسه في مكان غريب وحاسس بصداع ودماغه تقيله بدا يفتكر اللي حصل

أحمد بصدمه. معقول تكون هي وبعدين ايه اللي جابها هنا ثم تابع بغ"ضب عمار 🐕 جبني مكان حق"ير زي دا بس البنت معقول تكون هي بتاع الحادثه ازاي

اخد جاكت بدلته وطلع من الاوضه دي بسرعه

أحمد. لو سمحت مدير المكان دا فين

البنت بمياعه. عل فكره انا فاضيه وممكن ابسطك اوي

احمار بصلها باستحقار. فين مدير الز"فت دا

البنت. اتفضل معايا

خبطت على مكتب ودخلت

شخص بطريقه غريبه شبه كلام الستات . أحمد بيه اتفضل

أحمد. انت المدير بتاع الخرا"به دي

منير. اه انا مدير البا"ر في ايه دا عمار بيه موصيني على حضرتك جامد اوعي تكون البت معملتش معاك الواجب

أحمد. اسمها ايه البنت دي

منير. اسمها عطر

أحمد. عايز نمرتها

منير بخبث. واضح انها عجبتك بس لا يا باشا لو عايزها تتفضل هنا إنما شغل الخاص دا لا

أحمد. هي بتيجي دايما المكان دا

منير. لا دي اول مره هي مش عذراء بردوه ولا ايه وبعدين هي مشيت من بدري كانت محتاجه الفلوس ضروري وقالت إنها عملت الواجب فأخذت حسابها ومشيت

أحمد. عذراء ثم تابع لنفسه الحمد لله اني مقربتلهاش ام اشوفك يا عمار الك"لب

أحمد بمكر. عايز اشوف صورتها اصلي امبارح تقلت في الشرب ومش فاكر شكلها اوي وهي دخلتي دماغي

منير. كله بتمنه

أحمد طلع كريدت كارت. خد اللي انت عايزه

منير اخد الكارت وحطها في المكنه طلع مبلغ معين

منير. اتفضل دي صورتها

أحمد مسك صورتها واتأكد انها البنت بتاع الحادثه. معقول الدنيا صغيره كدا يا عطر بقالي يومين بفكر فيكي والقيكي ادامي في المكان الزبا"له دا

وساب منير يعد في الفلوس ومشي

🌺🌺🌺🌺🌺🌺

عند جويريه

صقر حطها في السرير بهدوء. انتي كويسه دلوقتي

جويريه. اه الحمد لله

صقر. انا اسف يا جوري بجد مش اصدي بس لما حد يفتح الموضوع دا بالذات مش بشوف ادامي ومش فاكر ليه ولا ايه اللي حصل

جويريه بابتسامه. خالص يا صقر اللي فات عدا خلينا نعيش اللحظات

صقر قرب منها وبا"سها بهدوء وحنان وهي بتبدله

خدامه من برا. صقر بيه فهد بيه الشرقاوي في انتظار حضرتك

صقر بعد عن جويريه وهي وشها احمر تمام.

صقر باستغراب. فهد الشرقاوي ودا عايز ايه هرجعلك تاني يا قطتي

وقام عدل هدومه ونزل

جويريه لنفسها بخوف ودموع. اسفه يا صقر انا حبيتك مش بيدي اللي بيحصل دا كله والله اسفه ياترى لو عرفت هتعمل معايا ايه اكيد هتكر"هني بس على الاقل انا عمري ما هاذيك انا عمر ما اذيت حد يوم ما يحصل يبقى انت يارب صبرني وابعد عنه الشياطين دول الحل الوحيد اني احكيله بس انا خايفه يكر"هني لازم يعرف مني انا

الصبر حلو

🌺🌺🌺🌺🌺🌺🌺

عند صقر

فهد قاعد حاطط رجل على رجل بغرور

صقر. فهد الشرقاوي في قصري دي أغرب حاجه ممكن اتخيلها

فهد بثقه. اهلا صقر بيه

صقر. اتفضل في ايه

فهد بخبث. انا طالب ايد انسه روح اختك الصغيره

صقر ضغط على ايده بغ"ضب لانه عارف فهد كويس. وانا معنديش اخوات للجواز

فهد بثقه. لا في انا شايف انك تشوف رأيها كويس وبعد كدا نحدد معاد كل حاجه

صقر. واثق من نفسك يا فهد

فهد بخبث. طول عمري يا صحبي السابق روح تبقى طالبه عندي وانا مش هلقي حد زيها في أخلاقها وتربيتها

صقر. انت عارف مش كل الناس الخيا"نه بتجري في دمهم

فهد ضغط على ايده بغ"ضب وابتسم. عندك حق منتظر ردك ورد يوسف بيه بعد اذنك

روح داخله الفيلا شافت فهد واقف ادامها وهو مبتسم بمكر لدرجه انها كانت هتعيط وهي بتفكر في الف حاجه

صقر بحده. روح اطلعي على اوضتك

فهد غمزلها وهي طلعت بسرعه

وهو مشي

🌺🌺🌺🌺🌺🌺

صقر طلع موبايله واتصل بزين

صقر. ازيك يا زين

زين بتوتر وقلبه بيدق بسرعه. اهلا صقر بيه اتمنى يكون في قبول

صقر. وبناتنا موافقه على الجواز وانا مش هلقي ليها احسن منك

زين بفرحه. وانا اوعدك اني هشيلها في عنيا(والله انا هطلع عنيكم)

صقر. وانا واثق في دا تقدر تشرفنا على الساعه سبعه نتفق على كل حاجه

زين. تمام انا مش عارف اقولك ايه

صقر. متقولش حاجه انت تستاهل كل خير ثم تابع لنفسه على الله بس صافيه متكبرش وتفهم حبك ليها. وتنسى الهبل اللي في دماغها