يونس: صح انا ماشى دلوقتي

فهد لحقش يتكلم ويونس أخد عربيته ورجع البيت دخل اوضته بغضب وهو مش شايف قدامه بس وقف مره واحده لما شاف ورد نايمه وهي قاعده فى الأرض ودموعها ع خدها

يونس قرب منها ولسه هيلمسها عشان يصحيها لقاها صرخت وقامت مفزوعه

ورد بخوف وبتتكلم كلام مش مفهوم: ا..انا..مكنتش اقصد..مش هنام تانى خلاص

يونس بقلق من حالتها: اهدى مفيش حاجه

ورد فضلت ترتجف بخوف وهي بتبصله ويونس حضن*ها لحد ما هديت ويونس بعد عنها . 

عمار : هتروحى دلوقتي وهتعملى كل اللى قولته تمام 

منه : تمام متقلقش

عمار : ورد لازم ترجعلى سامعه

منه بسخرية: عشان تحاول تقتل*ها تانى

عمار بغضب: ميخصكيش انتى 

منه : اول*ع انت وهي انا اهم حاجه عندى يونس وبس 

عمار: روحى دلوقتي يلا

ياسمين بتتكلم مع فهد فى الموبايل

ياسمين: مش فاهمه حاجه يا فهد 

فهد : ولا انا بس كل اللى اعرفه ان اخوكى هيضيع نفسه بطريقته دى 

ياسمين: كل ده عشان اتجوز ورد!

فهد : يا حبيبتي افهمى ورد كانت متجوزة اكبر عدو لينا ف طبيعى يشك فيها

ياسمين باندفاع: بس ورد بتكرهه أصلا

فهد : قصدك يونس

ياسمين: لا عمار 

فهد باستغراب: ليه؟

ياسمين: لانه كان طول الوقت بيضرب*ها ويهينه*ا و..

ثوانى كده لان فيه حد بيرن الجرس

فهد بقلق: مين هيجى الساعه٤ الفجر

ياسمين: هشوف اه......منه!!

فهد : منه مين ؟!

ياسمين: منه يا فهد اللى يونس بي....

فهد بسرعه: طب اقفلى دلوقتي سلام

يونس قاعد هو و ورد ع السرير وهي بتشرب ويونس أخد منها الكوبايه

يونس : احسن دلوقتي

ورد : ا ..ايوه

يونس: انتى آخر مره كلمتى عمار امتى

ورد بخوف: م. من حوالي ٤ شهور

يونس: مش عمار يبقا ابن خالك

ورد : ايوه

يونس: اتطلقتوا ليه ؟! 

ورد بتوتر: عشان ح...

يونس سكت لما الباب خبط

يونس: نعم 

_ فيه واحده عايزاك تحت يا يونس بيه ووالد والكل تحت صاحي مستنيك 

يونس نزل و معاه ورد وأول ما شاف منه اتصدم 

نبيل باستغراب: انتى مين يا بنتى

منه : مرات يونس...........