شاهنده بصراخ افتحى بقلك؟؟

سادين حاضر لحظه واحده البس هدومى

شاهنده انتى لسه هتتأمرى؟ اكسرو الباب كان وراها اتنين من الخدم قعدو يضربو فى الباب لحد ما انكسر

سادين جريت على الحمام  يدوبك لحقت تستر نفسها، لبست عبايه وغطت كل وشها بطريقه متلخبطه

نزلو البيانو دا تحت بسرعه، وانتى، ومشت شاهنده على  سادين

لو اديكى لمست البيانو دا مره تانيه انا هكسرهالك!

سادين من خلف الباب، انا مطلبتش كده، رعد هو الى طلع البيانو هنا

شاهنده ___وكمان بتكدبى ؟

زقت شاهنده باب الحمام  بالعافيه ودخلت، سادين كانت واقفه ورا الباب مرتبكه

اياكى تكدبى تانى على لسان رعد ابنى ورفعت ايدها بصفعه على وش سادين

طول عمركم عيله معفنه ونسب يعر، مش كفايه ابنى ضيع نفسه واجوزك؟

وبعدين خايفه من ايه؟ هنشوف ايه يعنى، كلنا عارفين انك محروقه ومشوهه، احمدى ربنا ان رعد ابنى لمك فى بيته

سادين بثبات الحمد لله على كل شىء، انتى ست فى مقام والدتى عشان كده انا مش هرد عليكى

شاهنده اتعصبت اكتر، اتجننت، مترديش عليا، لما اكلمك تسكتى، تسمعى اوامرى وتنفذيها بالحرف الواحد، مش ناقصه قرف

جرت شاهنده اقدامها لخارج الغرفه

_______________

سادين بصت لباب الغرفه المهشم بآسى، ولأول مره كلمت رعد، من فضلك هات نجار معاك، باب غرفتى اتكسر، قالت كده من غير تفاصيل

وصل رعد بسرعه لقى والدته قاعده فى الصاله بتدخن سيجاره

رعد بتوتر حصل ايه؟

شاهنده ببرود مالك؟

سادين بتقول باب غرفتها اتكسر، فيه حاجه حصلت؟ سرقه، هجوم مسلح؟

هى لحقت تكلمك كمان؟ دى بنت قذره على فكره، تلاقيها قعدت تبكيلك وتعيطلك وتغضبك عليا

رعد بقلق حصل ايه يا ماما؟

شاهنده بسهوكه، يعنى الهانم مقلتلكش حصل ايه؟

رعد لا طلبت نجار بس، افتكر رعد النجار فطلب من الخدم يوصولوه غرفة سادين

شاهنده، البنت دى اتجرأت وخدت البيانو فى غرفتها، لكن متقلقش انا عرفتها حدودها وبهدلتها ومش هتعمل كده تانى 

رعد لكن يا يا ماما انا الى أمرت يطلعو البيانو فوق

شاهنده بغضب ازاى تعمل كده؟ انت اتجننت

لا متجننتش يا ماما، لكن سادين دلوقتى واحده مننا

شاهنده بزعيق، لا مش واحده مننا ولا عمرها هتكون كده، وامشى من قدامى دلوقتى عشان متعصبش عليك

رعد طلع بسرعه على غرفة سادين، كانت واقفه على السلم بكامل هدومها ونقابها والنجار شغال فى الباب

وقف رعد جنب سادين مش عارف يقول ايه وسادين منطقتش

كان فيه كلام كتير على لسانه لكن منطقش ولا حرف

كان عارف انه طلع صغير اوى قدام سادين وانها حذرته من الحجات دى، لكن وقوفه فى وجه والدته امر ميقدرش يتخيله 

النجار خلص شغله، سادين دخلت غرفتها وقفلت الباب

رعد مم ورا الباب انا اسف يا سادين متزعليش من والدتى

سادين انت عارف الحقيقه كلها وانى مليش ذنب فى إلى حصل، عصبية والدتك وتجنيها عليا مش مقبوله ومش هسمح بيها مره تانيه

والدتك مدت ايدها عليا، بس انا انسانه متربيه واحترمت القرابه

احترمت انك زوجى حتى ولو على الورق.

سادين منطقتش ولا كلمه بعدها، بعدت عن الباب وعرف رعد ان النقاش خلص

للمتابعه صفحة الكاتب باسم اسماعيل موسى 

نزل رعد قعد مع والدته، كان بيفرك فى ايده بتوتر وشاهنده حاطها تحت عنيها بتابعه

ماما انتى ضربتى سادين ليه؟

شاهنده بعصبيه، الكدابه بنت الك.

هى قلتلك كده ؟

انت عارف انى أرقى من كده ومش ممكن انزل بمستواى للحاجات دى

البنت دى كدابه ومن النهرده هتتعامل معاملة مختلفه، انت لازم تطلقها

احنا مش خلاص خدنا الفلوس؟

رعد خدنا الفلوس لكن فيه اتفاق بينى وبين سادين وسادين ما اخلتش بالاتفاق

انت عبيط يا رعد، اسمع، انا الكبيره هنا، انا الى اقرر، متنساش انى ربيتك وكبرتك وحميتك من ايد أهلها إلى كانو عايزين يقتلوك عشان ياخدو فلوس باباك، كانو فاكرين ان موتك هيضمنلهم التركه

لكن انا سفرتك برة البلد

بكت شاهنده بحرقه، انت متعرفش أهلها عملو فى ايه، ابوها خاصه بهدلنى يا رعد، كان بيكرهنى، بيحاربنى، بيحرض والدك يطلقنى

انا فضلت عمر من غير ما اخلف

وكلهم كانو عايزين والدك يتخلص منى

الكاتب اسماعيل موسى 

انت الحاجه الحلوه إلى انتظرتها كتير، ياريت متكسرنيش انت كمان زيهم

رعد مش بيفتكر والده ابدا، لما توفى كان لسه صغير، كل إلى فاكره ان والد سادين ووالدتها ماتو بعد والده بشهر

والدته بالنسبه ليه كل حاجه فى الدنيا

رعد قرب من شاهنده، متزعليش يا ماما، ارجوكى متعيطيش، لو كانت كدبت يبقى نالت إلى تستحقه

لازم نتخلص منها بسرعه يا رعد وتتجوز تلا، معاذ الشمرى بيغير رأيه بسرعه جدا

طيب يا ست الكل ممكن نصير شويه؟ اول ما الشركه تقف على رجليها اوعدك انى أطلقها مهما كانت العواقب

____________

شوفتى شاهنده عملت ايه؟ قالت هند إلى بتابع شاهنده بتبكى فى حضن رعد

انا اول مره اشوفها بتكبى

اميره الخادمه! دى دموع التماسيح زى ما بيقولو

اميره، وطى صوتك سندس جايا ناحيتنا

سندس اسمعو، فيه تعليمات جديده، مفيش اكل هيطلع غرفة الست سادين

هتنزل تاكل فى المطبخ معانا وتخدم نفسها بنفسها

من النهرده مش عايزه اشوف واحده منكم بتعملها قهوه او تحضرلها أكل

دى تعليمات شاهنده هانم، إلى عايز يخصر لقمة عيشه يحاول يكسرها

هند بحزن بعد رحيل سندس والله حرام إلى بيحصل للست سادين ده

هى عملت ايه يعنى؟

بتعاملنا باحترام وتقدير ومغلطتش فى حاجه

اميره وهى بتفكر، اسكتى دلوقتى يا هند خالص

________:::::

سادين انتظرت الفطار يطلعلها فى غرفتها لكن الاكل اتأخر، غيرت هدومها ونزلت تحت شاهنده كانت قاعده بتدخن سيجاره

سادين دخلت على المطبخ الخدم كانو قاعدين كلهم

سادين لهند، من فضلك سادين طلعيلى الفطار فى غرفتى

شاهنده من الرواق، مفيش حاجه هتطلع غرفتك، المطبخ قدامك عايزه تاكلى اخدمى نفسك بنفسك

سادين بعد تفكير مطول مردتش على شاهنده، دخلت المطبخ تحضر اكل خفيف

صفحة الكاتب على الفيس بوك باسم اسماعيل موسى 

شاهنده من مكانها ايوه كده الخدم لازم يخدمو نفسهم بنفسهم، لازم الإنسان مينساش أصله

انتى كان عندك خدامه فى بيت جدك؟

اى حد يقعد فى فيلتى لازم يكون تحت امرى

سادين بهدوء خدت أكلها وطلعت ناحية غرفتها

شاهنده يغيظ صرخت الخدم كلهم يحضرو هنا، اى واحده هتخدم الزفت دى هتترفد فاهمين؟

اميره فى سرها هخدمها غصب عنك

سندس فاهمين يا هانم.

شاهنده كلمت رعد، اسمع، انا قررت سادين تشتغل مع الخدم

انت بتقول فيه اتفاق بينك وبينها

لكن الاتفاق مفيهش نعاملها ازاى

هتنزل تخدم زيهم فاهم؟

رعد بخنوع فاهم يا ماما