رواية البريئة والقاسي سادين ورعد الفصل الـ 5 و 6 بقلم اسماعيل موسي
رواية البريئة والقاسي سادين ورعد الفصل الـ 5 و 6 هى رواية من كتابة اسماعيل موسي رواية البريئة والقاسي سادين ورعد الفصل الـ 5 و 6 صدر لاول مرة على موقع التواصل الاجتماعى فيسبوك رواية البريئة والقاسي سادين ورعد الفصل الـ 5 و 6 حقق تفاعل كبير على الفيسبوك لذلك سنعرض لكم رواية البريئة والقاسي سادين ورعد الفصل الـ 5 و 6
رواية البريئة والقاسي سادين ورعد الفصل الـ 5 و 6
نزلت سادين على الرواق، فنجان القهوه كان إلى جوار البيانو، قبل العزف الخدم اتجمعو، سادين مكنتش ممانعه رغم معارضة سندس كبيرة الخدم
بكل غضب صفع رعد باب سيارته وانطلق نحو الفيلا
وصلت لمسامعه نغمات الموسيقى الهادئه قبل أن تعصف 50 cent
فكر رعد رغم غضبه، ايه الجمال ده؟ معقول بنت ريفيه مشوهه تعزف بالشكل ده؟
اتعلمت العزف فين اصلا ؟
لكنه كان حويط المره دى، ولع سيجاره وفضل واقف فى الحديقه يسمع العزف إلى نهايته
ووجد نفسه نسى غضبه وقرفه، بس لو مكنتش بنت عمى مشوهه كنت خدتها من ايدها وطلعت بيها على النادى عشان اعرف الوغد فهد مكانته
لحظه واستغرب رعد انه بيقول بنت عمى، الكلمه لسعته فى عقله لدرجة انه هز دماغك كأنها دبانه وقحه
رعد كان عارف انه اول ما يدخل، سادين هترحل، كان مستمتع بالعزف وبداء فضول ياكله تجاه سادين
ياترى شكلها عامل ازاى؟
وهل تشوهها بشع ولا مقبول؟
رجليه خدته وهو بيفكر لجوه الفيلا
ايه الصدفه السعيده دي هو انا كل ما ادخل الفيلا الاقيكى بتعزفى؟
سحبت سادين صوابعها من على البيانو وبسرعه ركضت على غرفتها
الخدم اترعبو لما شافو رعد دخل الفيلا فجأه، وجهزو نفسهم لدش ساخن من اللوم
لكن رعد طلع غرفته وهو طالع طلب الغدا يطلعله غرفته
نزلت شاهنده بتتمطع من غرفتها، قعدت على الكرسى ودخنت سيجاره
سندس؟ صرخت شاهنده
جريت سندس كبيرة الخدم على شاهنده ووقفت قدامها
رعد بيه رجع؟
رجع يا هانم وطلع غرفته
شاهنده بتفكير، غريبه دى، رعد متعود يستنانى نتغدى سوى!
وايه إلى حصل تانى؟ شاهنده كانت منتظره التقرير، الزفت سادين لسه فى غرفتها؟
_سندس، لا يا شاهنده هانم، سادين هانم نزلت عزفت على البيانو بعد كده طلعت غرفتها
هانم مين يا... ج
انا بس إلى هانم هنا، وبعدين البنت المتوحشه دى بتعرف تعزف؟ دي هتبوظ البيانو
تكونش فاكراه زى الطبليه فى بلدهم؟
البنت دى متحطش ايدها تانى على البيانو، ولو حطت ايدها عليه انا هقطهعلها فاهمه؟
وطت سندس دماغها، فاهمه يا هانم
طيب يلا انجرى حضريلى الغدا
مشيت سندس كبيرة الخدم وشاهنده ولعت سيجاره تانيه، قال بتعزف على البيانو قال؟
مش ناقص غير تكون بتعرف ترقص كمان!
___________
سادين فى غرفتها خدت شاور، بعد كده فتحت التابلت بتاعها كانت مواضبه على كورسات ايطالى واسبانى بعد ما أتقنت الفرنسيه والانجليزيه
كان دايما حلمها انها تدخل سوق العمل وتصبح سيدة أعمال ناجحه وتعمل مشاريع خيريه وكانت بتجهز نفسها لكده من بعد الجواز
كانت بتسهر تعمل دراسة جدوى لمشاريع كتيره وتتعلم من اليوتيوب أساليب الاداره خاصه انها خريجة تجاره انجلش وبتفهم فى الحجات دى
بعد ما زهقت من المراجعه، خرجت لوح رسم وضعته على الحامل ولبست مريلة الرسم، خرجت الفرشات الزيتيه وبدأت الرسم
كانت بترسم لوحات عالميه، بنقلها بايدها عشان تتقن الرسم
الألوان لخطت هدومها ووشها، بعد ما خلصت سادين وقفت قدام المرايه
وطلعت منها ضحكه كبيره، انتى فعلا دلوقتى أصبحتى بشعه يا سادين
_________
رعد نزل من غرفته بعد اكتر من ساعتين، شاهنده كانت قاعده فى الجنينه
رعد لهند وهو نازل، هى سادين هانم منزلتش من غرفتها؟
الخادمه هند لا يا رعد بيه
رعد بحزن ماشى وخرج قعد مع والدته، شاهنده بغيظ، انا سمعتك بتقول سادين هانم؟
انت نسيت احنا اتفقنا على ايه؟
منستش يا ماما، لكن دول خدم ميعرفوش المشاكل إلى بينا، سادين مهما كانت بنت عمى
شاهنده بصت لرعد بغضب، انت ازاى بتقول كده؟ دول عالم لمامه واستحاله يجمعنا بيهم اى شيء
ايه اخبار الشركه؟ احنا عايزين نخلص بقا
رعد بتوتر، الشركه احوالها مس تمام، بابا الله يرحمه مشاكله كانت كتيره فى السوق والتجار متربصين بالشركه
شاهنده، اطلب مساعدة والد تلا مش هيتأخر انا واثقه من كده
صفحة الكاتب على الفيس بوك باسم اسماعيل موسى
رعد بشرود حاضر يا ماما
لسه مخلصتش كلامه ووصله تليفون من الشركه خلى وشه صفر ورحل منه الدم
حصلت حريقه كبيره فى مخازن الشركه وكميه كبيره من البضاعه اتحرقت
رعد بعصبيه، ازاى دا يحصل، انا كنت حاطط امل كبير على البضاعه دى وكنت مستنى السوق يتعطش وابعها!!
وخدها جرى على عربيته
بالصدفه سادين كانت واقفه فى الشرفه، وشافت رعد بيركض على العربيه وشاهنده بتجرى وراه وبتصرخ فيه ايه يا رعد؟
لما وصل رعد كان فيه جزء كبير من المخازن اتحرق، سيارات الإطفاء والشرطه ماليه المكان، الحريق كان بفعل فاعل وكاميرات المراقبه اتعطلت قبل الحادث
رعد حط ايده على دماغه بحزن، كان حاطط اكل كبير يحقق مكاسب سريعه بتعطيش السوق عشان يجمع فلوس كتيره
دلوقتى الجزء المتبقى يدوب يغطى الخساره والرواتب، شاهنده كانت وصلت هناك وعملت دوشه كبيره مع الشرطه والموظفين
بعد ما الشرطه خلصت تحقيقات مع موظفى الشركه
رعد خد والدته شاهنده ورجع على الفيلا، شفت البنت دى وشها زفت ازاى؟
من اول ما دخلت الفيلا والمصايب عماله تهل علينا؟
رعد، وهى ذنبها ابه بس يا امى؟
ذنبها ايه؟ دى فأل شؤم وطول ما هى فى البيت هتحصل مشاكل اكبر
رعد ساب والدته ترغى وقعد يفكر مين ممكن يكون ليه مصلحه يحرق المخازن؟
المنافسين كتير واعداء والده اكتر، كان بيأمل ان الشرطه تحل القضيه وتعرف المتسبب فى الحريق
__________
____اسامه، المخازن اتحرقت يا معلم، اتساوت بالأرض
فهد __ اوعى يكون حد خد باله؟
__اسامه، عيب يا فهد هو انا تلميذ؟
فهد، دلوقتى تلا مش هيكون قدامها غيرى، رعد مش هيكون فاضى ليها
اسامه بمكر، لازم تخلص بسرعه يا معلم قبل ما والدة رعد تتدخل
دى ست حربايه ولازقه فى والد تلا ليل نهار
كل ليله سهرانه معاه لحد الصبح
فهد باستغراب كل ليله؟
اسامه ايوه كل ليله، مش عارف ليه مش مستريح للعلاقه دى؟
شاهنده متصاببه وفرسه شايفه نفسها، ووالد تلا العوبان
فهد لا معتقدش العلاقه توصل لكده؟
اسامه بخبث نوصلها يا معلم، كل حاجه تحت السيطره بس ننتظر الوقت المناسب
فهد بضحك دا انت مصيبه يا اسامه
تلميذك يا فهد بيه
_____________
رعد رجع الفيلا متحطم، قعد يومين مش بيخرج من غرفته ولا بيكلم حد
وتصادف فى مره نزول سادين مع رعد على السلم
سادين كانت هترجع غرفتها
رعد، لا من فضلك اتفضلى انزلى انا مش هضايقك، كان مهموم وشارد
سادين بخجل، انا متأسفه للحصل فى الشركه، ربنا يعوضك خير ان شاء الله
انتى شمتانه فيه يا سادين؟
سادين بصدمه، انت ازاي بتقول كده، حرام عليك
رغم كل حاجه انا بنت عمك يا رعد ولو احتجت فلوس انا تحت امرك
رعد شاف والدته بتبص عليه من تحت فى الصاله
ايدى هتتقطع قبل ما أمد ايدى على فلوسك، اوعاكى تظنى أننى مفلسين او فقره، احنا عندنا فلوس كتير وساب سادين ونزل
سادين اول ما شافت شاهنده رجعت على غرفتها، دخلت جوه وقعدت تبكى، كلمات رعد جرحتها
مكنش قصدها غير تعرض المساعده لكن هو ظنه سيء جدا
ثبتت لوح رسم، وراحت ترسم بنت جميله وحزينه خيط من الدموع ماشى على خدها
البنت إلى اترسمت كانت قاعده على كرسى فى شرفه ايدها تحت خدها، شعرها الطويل جديله سوداء سارح على ظهرها، بتبص نحو حديقه اشجارها يابسه
_________-
شاهنده البنت دى بتقولك ايه يا رعد؟
رعد بتعرض عليه سلفه يا ماما
شاهنده بسخريه، هى حصلت كمان؟ دى بنت قليلة ذوق وتربيه، انا هعرفها شغلها
رعد بيأس من فضلك يا ماما سيبيها فى حالها، انا حسيت انها صادقه فعلا
صادقه؟ ضحكت شاهنده، فتح دماغك يا رعد، دى عايزه تكسر عينك فاهم؟
اول ما تاخد منها فلوس مش هتقدر تبص فى وشها ولا ترفضها
يا أبنى انت حلم لأى بنت، انت مش شايف نفسك؟
وسيم وجسمك رياضى وغنى، البنت دى مش سهله على فكره
رعد بنبره شارده تفتكرى كده يا ماما؟
ايوه يا رعد واكتر من كده، انا عاشرت العيله دى كلهم واطين دا مش بعيد يكون ضرغام هو الى حرق المخازن؟
رعد ___لا ياماما مش للدرجه دى؟
للدرجه دى واكتر بكره الايام تثبتلك يا رعد
رعد بغضب، الشركه هترجع تانى افضل من الأول يا ماما وهتشوفى بعينك
مش هسمح لأى شخص يكسرنا ابدآ
__________
شاهنده _____ طيب انا هخرج شويه ارفه عن نفسى، هقابل معاذ والد تلا يمكن يقدر يعمل حاجه
انا هاخد عربيتك لو مكنتش خارج؟
رعد ماشى، انا مليش نفس اخرج
شاهنده، لا، انت لازم تخرج وتعيش حياتك وتقابل تلا
رعد، حاضر يا ماما
_____
فهد كان قاعد مع تلا، شوفتى إلى حصل فى شركة رعد؟
تلا بابتسامه، اه، والدى بيقول المخازن اتحرقت كلها، خساره كبيره مش هيقدر يتعافى منها
فهد، انا عرضت عليه مساعده لكنه رفض، فاكر نفسه افضل مننا
تلا، كبر دماغك يا فهد انت عارف ان رعد عنده عزة نفس
رعد وصل قعد معاهم، فهد فصل هادى متكلمش، بعد ربع ساعه قال انه ماشى
وبص لرعد، هتحاسب ولا مش معاك فلوس؟
رعد بغضب، انت عايز ايه اصلا؟
فهد انا مقصدش حاجه انا بس عايز اساعدك
رعد انا مس عايز مساعده من حد شكرا
تلا انت معصب ليه يا رعد؟ فهد مقلش حاجه غلط، انت فى مأزق، شركتك بتنهار والدى بيقول انك هتفلس!!
رعد بعصبيه دا كلام مش صحيح، وبكره تعرفى، بكره تعرفو كلكم
خبط الطاوله ومشى
___________
صفحة الكاتب على الفيس بوك باسم اسماعيل موسى
رعد كان منهار جدا، إذآ كان والد تبا بيقول الشركه هتفلس يبقى عنده معلومات هو ميعرفهاش
كلم والدته بنبره كلها يأس، معاذ والد تلا بيقول الشركه هتنهار، انتى تعرفى حاجه ومخبيه عليا؟
شاهنده بفزع لا معرفش
انا هكلم معاذ واشوف فيه ايه
غيرت شاهنده هدومها وخرجت تقابل معاذ، كانت عارفه انها تقدر ترضيه
دايما بتنجح فى كده
وصلت الفيلا لقيت معاذ قاعد فى الجنينه، سلمو على بعض بعد كده شاهنده عاتبته، بقا كل ليله بنسهر مع بعض وتخبى عنى حاجه مهمه زى كده
معاذ بلؤم، نسيت، اصل انا فاقد الشغف
شاهنده والى يرجعلك شغفك؟
معاذا ونظره لبعيد، افتحله أبواب السعاده
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا