رواية حب الهلال نجمة وهلال الفصل الثالث عشر 13 بقلم سما الحملاوي
رواية حب الهلال نجمة وهلال الفصل الثالث عشر 13 هى رواية من كتابة سما الحملاوي رواية حب الهلال نجمة وهلال الفصل الثالث عشر 13 صدر لاول مرة على موقع التواصل الاجتماعى فيسبوك رواية حب الهلال نجمة وهلال الفصل الثالث عشر 13 حقق تفاعل كبير على الفيسبوك لذلك سنعرض لكم رواية حب الهلال نجمة وهلال الفصل الثالث عشر 13
رواية حب الهلال نجمة وهلال الفصل الثالث عشر 13
تاني يوم في المكان الي ميرنا قالت عليه...
نجمه راحه بتقدم رجل وتأخر رجل خوفاً من انه يطلع حقيقه...
راحت المكان وكان عبار عن شقة ولقت الباب مفتوح دخلت وكان هلال وميرنا في اوضة وقفت على الباب تسمع...
هلال...يابنتي انتي في القلب نجمه دي عبار عن لعبه وانا خليتها تصدق
ميرنا لمحت نجمه...بس هي شكلها بتحبك
هلال...وانا بحبك انتي ياميرنة قلبي
༺༺༺༺༺༻༻༻༻༻
نجمه واقف مصدومه ودموعها نزلت...
ميرنا لمحتها وقالت...بس ياهلال وقف اللعبه دي حرام عليك
هلال...من امتى الحنيه دى
ميرنا بأبتسامه...مش حنيه بس هي زي اختي
هلال...فترة وهوقفها
نجمه مقدرتش تسمع اكتر من كدا وجريت على برا...
وهي نازلة على السلم داخت وفضلت واقفه تعيط وتشهق جامد...
نجمه بأنهيار...ليه عمل فيا كدا لييييه المرادي شوفته بعيني ليه يعمل كدا ليه يدمرني
هلال خرج من الشقة وهي في الوقت دا كانت هتقع...
مسكها بسرعه وشدها من ايدها ونزلوا..
هلال...روحي اركبي العربية
نجمه بأنهيار...ابعد عنيييي سبنيييي ابعد
هلال بغضب...قولت اركبي العربييييه
نجمه بصتلوا بخوف وركبت العربية هي عاوزه تفهم...
ميرنا بتتفرج عليهم من البلكونه...
ركبوا العربية وراحوا مكان مافيهوش ناس...
هلال نزل وهي نزلت...
نجمه...جايبني هناا ليييه
هلال...انا شوفتك من انعكاسك في مرايه النيش الي كان موجود
نجمه بغضب ودموع...عااااوز مني اييييه حبيتك واستحملت غضبك وتحكمك وعارفة انك بتراقبني ومستحمله كل داااا شوفت خياااانتك بعيني جاي عاوز اييييه هتكدب عيييني
هلال...هتسمعيني يانجمهههه
نجمه بغضب...قول الي عندك خلينا ننهي كل دا زي ما ابتدأ وكل واحد يروح لحاله
هلال بغضب جحيمي...على جثتي ان دا يحصل فااااهمه على جثتيييي
سكتوا الاتنين وهلال بدأ يحكي...من سنتين مكنش قدامي غير ميرنا كنت مش عارف انساكي وادور عليكي مش لاقيكي معرفش ازاي فضلت احبك كل السنين دي المهم ميرنا اعجبت بيها وبهدوئها هي كانت عكس دلوقتي خالص كانت هاديه ومسالمه محترمه في لبسها لكن..لكن بسببي اتغيرت اعجيت بيها وللأسف هي كانت بتبادلني بمشاعر اكبر وهي انها بتحبني عرضت عليها نرتبط وارتبطنا كنت بهتم بيها بس مشاعري مكنتش ببتقدم عن الاعجاب والاهتمام مقدرتش اوصل لحب اهلنا كانو عارفين كل دا ارتباطنا ٦شهور بس.. ـ
سكت فجأة نجمه قالت بأنتباه...كمل ايه الي حصل
هلال بتنهيده...الي هقولوا ممكن يخليكي تشوفيني بنظره وحشه بس هكمل عشان انتي كنتي عاوزه تعرفي ايه غيرني وتعرفي كل حاجه
نجمه بأنتباه...كمل ياهلال
هلال...بعد ٦شهور وهي كانت ديما تقول تعالى اخطبني ف لما قولتلها خلاص هخطب قبل الخطوبه بيومين بعد ما اعلنت لكل الناس انا كنت حاسس ان في قبضه جوايا مش عاوز اخد الخطوة مش قادر اتقدم واروح اجيب شبكتها الي هخطبها بيها مش عارف ف روحت وقولتلهااا...
فلاااش باك...
هلال بهدوء...ميرنا ممكن اتكلم معاكي
ميرنا بأبتسامه...استنى بس ايه رأيك في الفستان حلو صح
هلال...ياميرنا انا بجد عاوزك في موضوع مهم
ميرنا...حاضر بس عاوزه اعرف رأيك
هلال بغضب...قولت عاوزك في موضوووع مهممم
ميرنا بخوف...طـ طيب في ايه قـ قول
هلال بتنهيده...انا مش هقدر اكمل الخطوبة دي
ميرنا بصدمه...بطل هزار بئا
هلال...انا بتكلم جد مش هقدر انا مش شايف نفسي معاكي انا والله حاولت بس معرفتش مقدرتش
ميرنا بعياط شديد...انت بتقول ايييه لا انت بتحبني ارجوك قول انك بتحبنييي وانك بتهزرر
هلال...ياميرنا اهدي انتي تستاهلي حد احسن مني بكتييير
ميرنا زقته بعياط...انا عاااوزاك انت احنا نازلين نجيب الدهب انهاردة والفستان اهووو وبعد يومين خطوبتنا متقولش كدااا عشان خاطري ياهلال
هلال بحزن...ارجوكي متصعبهاش عليا
بااااك..
هلال بتنهيده...وبعديها فشكلنا وخالتي خاصمت امي وهي الي حاولوا يفوقوها للأسف اصحابها الي زي ما بيقولوا اصحاب السوق وخلوها تتغير زي ما انتي شايفة تسهر وتكلم شباب وتلبس لبس مكشوف حاولت كتير ارجعها بس كانت بترفض بعدها شوفتك ولقيت قلبي رجع ينبض بقوة تاني وهي بعد ما كانت متجاهلاني رجعت تاني لكن بطريقة مش حلوة خالتي وامي اتصالحوا من قريب وهي رجعت تاني ومن ساعتها وهي بتدمر حياتها وحياتي وروحتلها دلوقتي لأن هي الي عملت كدا وكانت باعته حد ورايا في الغردقة ينقلها اخبارنا وهو الي كان بيتغزل فيكي في الشركة وانا طردتوا انهاردة بالطريقه الي شوفيتها دي هي كانت هتعترف
نجمه...خلصت
هلال بقلق...انا عارف انك ممكن تكرهيني بعد دا
نجمه قربت منها ومسكت وشه بين ايدها بحنيه وحب...هلال انت معملتش حاجه غلط الحب مش بأيدنا ممكن الغلط الوحيد طريقتك الاخيره دي لكن هي غلطها انها بتحبك حب تملك مفهمتش ان الحب مش بأيدنا وبردو لو جينا للحق انه مش بأيدها انها حبتك هي كانت قصة من اولها غلط انا مكرهتكش بالعكس عليت في نظري ان بعد كل دا انت مسبتهاش وحاولت ترجعها زي الاول غيرك كان هيطنش
هلال بعشق...انا بحبك ياوردتي بحبك وعمري ما احب غيرك ولا احب بعدك ولا قبلك..انتي الي خليتي قلبي ينبض ليكي حتى في غيابك
نجمه بكسوف وحب...وانا كمان بحبك اوي ياهلالي
༺༺༺༺༺༻༻༻༻༻
نجمه رجعت مرهقه جدا ودخلت اوضتها على طول ترتاح كان فاضل على المغرب ساعتين...
بدلت هدومها واتوضت وصلت وجابت فونها تكلم زين...
نجمه...سلام عليكم ازيك يازين ياحبيبي
زين...وعليكم السلام الحمدلله ياحبيبتي مبقتيش تسألي عليا خالص
نجمه بحنيه...حقك عليا ياقلبي هجيلك بكره
زين...انا بكره هكون مع الدكتور في المستشفى اونكل هلال كلمني وقالي انك انتو اتفقتوا اروح لدكتور عشان اتعالج تفتكري هخف
نجمه...ان شاءلله ياقلبي هتخف وتبئا احسن بكتير متقلقش انت بس ياعمري وانا هجيلك بكره متقلقش
زين بفرحه...هستناكي يانجمتي
قفلوا سوا وهي لقت فونها بيرن...
في الوقت دا دخلت هاجر...
ابتسمتلها وهي بترد...الو سلام عليكم ياعلا
علا...وعليكم السلام ياحبيبتي عامله ايه
نجمه...الحمدلله بخير
علا...روحنا شوفنا الشقة امبارح نادر قالك
نجمه...اه قالي ياحبيبتي ربنا يسعدكم يارب
علا...ناقص العفش هتنزلي معانا بئا
نجمه...عيوني ليكي ياحبيبتي انتي
بعد شوية قفلوا سوا...
نجمه بأبتسامه...جوجو عامله ايه
هاجر بفتور...الحمدلله
نجمه بأستغراب...مالك
هاجر...مافيش انا خارجة اقعد مع نورسين
خرجت وسابتها مستغربه...مالها هاجر اول مرا تكلمني كدا هو انا عملتلها حاجه ياربي بعد الفطار هشوف مالها...
༺༺༺༺༺༻༻༻༻༻
على الفطار عند هلال...
هبه بأبتسامه...انا عارفة انه مش ذنبك ياحبيبي ولا تزعل نفسك
هلال بتنهيده...انا بس مش عاوز اشيل ذنب ميرنا وانا حكيتلك كل حاجه ياماما من اول علاقتي بنجمه لحد انهاردة على الاقل تكون عارفة وارتاح شوية من الحمل الي عليا
هبه...متقلقش ياحبيبي ميرنا هتبئا كويسه وانا هتكلم معاها يلا نفطر المغرب اذن
هلال بأبتسامه...يلا ياحبيبتي
...
عند نجمه على الفطار...
محمد...كلي ياهاجر ياحبيبتي
هاجر بأبتسامه...حاضر يا حبيبي باكل
نجمه بأبتسامه...كنت اعزم علا على الفطار يانادر
نادر بضحك...هو كل يوم هنفطر سوا
نجمه بضحك...ربنا يسعدكم
هاجر بصتلها بضيق وبصت في طبقها...
بعد شوية...
نجمه...هاجر هو انتي مش بتاكلي ليه
هاجر بضيق...الحمدلله انا شبعت
وقامت غسلت ايدها...
نور...هي هاجر مالها
نورسين...فعلا من اول اليوم وهي كدا
نجمه بقلق...مش عارفة بس اكيد زعلانه من حاجه
نادر بغموض... انا عارف
وقام بسرعه راح وراها كانت هي خارجة من الحمام وكانت بتعدل طرحتها رفعت عيونها في عيونه وعيونها كانت بتقول كلام كتير...
نادر بتنهيده...انا اسف
هاجر بسخريه...اسف اسفك مبقاش فارق
نادر بحزن...مش بأيدي
هاجر بدموع في عيونها...ولا كان بأيدي
زقته وخرجت من باب الشقة...
خرجت من الشقة ونزلت وفضلت ماشيه في الشارع بسرعه ودموعها نازلة ومكنش في حد في الشارع لأنه وقت فطار...
شغلت اغاني في الفون ووحطت الهاند فري في ودنها واول اغنيه جت كانت...
وانا الغلطااان..عشان حبيت وبينت اهتمامي بيك
عشان كده يعني بقيت منفعش
ومن نظرك نزلت مابقيتش لايق ليك
وكان مفروض محبكش
ولو حبيت مابينش
ودلوقتي خلاص همشي
أنا وقلبي اللي دايب فيك
وليه طيب، عشان طيب؟
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
وليه طيب؟ (طيب) عشان طيب؟ (آه)
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
بتخسر حب مش سهل تلاقيه تاني
مفيش أسباب
أنا اللي اخترت من الأول أعيش في عذاب
ألومك ليه، وأقولك إيه
ما أنا اللي جريت ورا وهم وطلع كداب
تعبت كتير وبتألم، يا رب أفوق وأتعلم
ومن بكرة أنا وإنت هنتقابل ولا الأغراب
وليه طيب؟ عشان طيب؟
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
وليه طيب؟ (طيب) عشان طيب؟ (ليه)
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
بتخسر حب مش سهل تلاقيه تاني..
هاجر دموعها نزلت جامد ومبقتش شايفة كويس...
كان في حجر متوسط في الحجم وهي ماشيه خبطت في وكانت هتقع لولا ايد لحقتها وكانت ايد شاب...
ادم...حاسبي انتي بخير
هاجر عدلت نفسها بسرعه...احم انا بخير.
ادم بفرحه...هاجر انتي مش فكراني
هاجر بصتلوا شوية وبعدين ابتسمت...ادم ازيك عامل ايه
ادم بأبتسامه...الحمدلله بخير انتي رجعتي
هاجر...جاية زيارة لخالتي
ادم بسرعه...انتي وحشتيني
هاجر بأستغراب...وحشتك
ادم...احم اقصد يعني
هاجر بمقاطعه...لسه عفوي زي ما انت
ادم بضحك...اه شوفتي بئا من ساعة ما مشيتوا وانا مبقتش انزل كتير
هاجر...ليه
ادم...قال يعني انتي مش عارفة
هاجر بأبتسامه...انت لسه منستش من سنه ونص
ادم بحزن...اول ما وصلتي الغردقة بطلتي تسألي عليا
هاجر بسرعه...ابدا والله بس غيرت فوني بالرقم بالأكونت بكل حاجه
ادم بسخريه...عشان تنسي الي سلمتي قلبك لي وهو ميستهلكيش عشان كدا الدموع دي منا معزوم على فرحوا
هاجر بغضب...اسكت انا غلطانه اني وقفت اتكلم معاك
هاجر كانت ماشيه لكن ادم شدها بسرعه لي ودخلت حضنوا...
ادم بحب...الحب عمروا ما كان بأختيارنا انا حبيتك وانتي حبيتي نادر ومنستكيش عارفة ليه مدورتش وراكي لأن في نهاية حديثنا قولتي. ـ،،
فلاااش باك..
هاجر...انا ماشيه
ادم...هاجر انا بحبك
هاجر بحزن...قلبي بيحب حد تاني
ادم...يعني مافيش امل
هاجر...انا بحبك بس حب صديق واخ شوف حياتك يا ادم
ادم بحزن...حاضر ياهاجر ربنا يوفقك في حياتك الجاية
بااااك...
ادم...كان سهل اني اجيلك
هاجر بحزن...انا اسفه
ادم بأبتسامه...خلاص مافيش اسف تاني
هاجر بأستغراب...مش فاهمه
ادم طلع خاتم من جيبوا حلو اوي دهب ومسك ايدها وحطوا في ايدها...الخاتم دا الي كنت هدهولك من سنه ونص دلوقتي انتي ليا وعمرك ما هتكوني لغيري هنسيكي نادر وهنسيكي كل حاجه هتبدأئي من حديد حاجه بسيطه بس هتعمليها هتحولي مشاعرك ليا كا صديق لحبيب بس كدا
هاجر بضحك ومن جواها هي موافقه...وانا موافقه
ادم بحب...انا بحبك ومش عاوزك تقوليها هستنى تقوليها من كل قلبك
هاجر ضحكت وقالت...انت مجنوون
ادم انكجها...يلا بس ومليني رقم عمو محسن عشان اكلمهم
هاجر ضحكت وملتوا الرقم...انت مش في البيت بتفطر ليه
ادم بضحك...مطرود
هاجر ضحكت وقالت...بجد مش بهزر
ادم...بفطر بدري وبنزل اتمشى قبل ما الناس تنزل
༺༺༺༺༺༻༻༻༻༻
عند نادر...
نجمه...هي هاجر خرجت
نادر بهدوء...اه نزلت تتمشى شوية
محمد...تمام يابني
دخل اوضته وافتكر الي حصل من سنه ونص...
فلااااش باك...
هاجر بأبتسامه...نادر عاوزه اقولك حاجه قبل ما اسافر
نادر...قولي ياجوجو
هاجر بحب...انا بحبك
نادر بصدمه...بت ايه
هاجر بقلق...بحبك
نادر اتنهد وقال...انا مش بحبك ياهاجر قلبي مش ليكي انا اسف بس مش بأيدي انسي
هاجر بدموع...يعني ايه
نادر...يعني ربنا يسعدك
هاجر زقته وقالت...اومال ليه كنت بتهتم بيا وخلتني احبك
نادر...كا اخت انتي الي فهمتي غلط وياريت محدش يعرف الحوار دا
هاجر بحزن وسخريه...عندك حق متقلقش يانادر محدش هيعرف حاجه من دي سلااام
باااك...
نادر بحزن...حقك عليا ياهاجر حقك عليا مش بأيدي
༺༺༺༺༺༻༻༻༻༻
هاجر رجعت وهي مبسوطه...
محمد بأبتسامه...راجعه مبسوطه يعني
هاجر جريت عليه بسرعه...انكل محمد ممكن اتكلم مع حضرتك انت وخالتو
محمد...حاضر ياحبيبتي
خدها ودخلوا اوضة تاني ومعاهم نور حكتلهم كل حاجه...
نور حضنتها...ياحبيبتي ربنا يسعدكم يارب
محمد...ادم متربي معاكو من زمان وانا اشهد بأخلاقه بس الاهم رأي محسن.
هاجر...انا قولت اقول ليكم لأنكم اهلي التانين وانا بحبكم
محمد ونور حضنوها...واحنا بنحبك ياحبيبتي ربنا يسعدك
خرجت من اوضتهم وراحت اوضة نادر...
خبطت ونادر اذن ليها تدخل...
هاجر بأبتسامه...انا جاية اقولك اني فوقت وبقولك ربنا يسعدك من كل قلبي انت زي اخويا
نادر...بجد ياهاجر
هاجر...طبعا بجد نودي احنا من زمان واحنا سوا واخوات وهنفضل كدا يلا ربنا يسعدك.
نادر ابتسملها وراح باس راسها وهي خرجت وراحت اوضة نجمه...
هاجر بأبتسامه...حقك عليا كنت مخنوقة شوية
نجمه حضنتها جامد...انتي اختي وعمري ما ازعل منك انا بس قلقت عليكي وخوفت اكون زعلتك
هاجر...متقلقيش ياقلبي تعالي احكيلك بئا الي حصل
وحكتلها الي حصل مع ادم...
نجمه بفرحه...ياسيدي ياسيدي والفرح هيبئا فرحين
هاجر...ونفرح بيكي يارب يانجمتي
قعدوا سوا يتكلموا وبعدين فون نجمه رن وكان هلال...
قامت ترد وهاجر قالت في نفسها...سري واعترافي هيفضل في قلبي محدش هيعرف اني حبيتك محدش هيعرف اني اتعلقت بيك كدا يانادر وبتمنى ليك السعادة من كل قلبي...وهبدأ من جديد بقلب جديد مع ادم مقدر انكر ان قلبي نبض لي ومقدرش اقول اني نسيتك بس هو هيقدر يخليني مشوفش غيروا..
༺༺༺༺༺༻༻༻༻༻
عند اهل هاجر...
محسن...وانا يابني مش هلاقي احسن منك لبنتي انا عارف تربيتك كويس
ادم...يعني اقدر اقولك ان حضرتك موافق
محسن...اه طبعا بس الاهم ان بنتي تكون مرتاحه
ادم بفرحه...ان شاء الله ياعمي متقلقش عليها دي في عيوني
محسن...خلاص اخر الاسبوع دا هنيجي عند خالتها وتيجي تتقدم رسمي
ادم...تمام ياعمي شكرا لحضرتك
قفلوا سوا وصفيه زغرطت...
محسن بضحك...بنتك كبرت وبقت عروسه
روئه بفرحه...اختي هتبئا احلى عروسه
صفيه بفرحه...ربنا يسعدك يابنتي
༺༺༺༺༺༻༻༻༻༻༻
تاني يوم في شركة هلال...
في مكتب هلال نجمه دخلت المكتب...
نجمه بأبتسامه...حبيبي عامل ايه
هلال قام وراحلها...حبيبك متشوق يشوفك
نجمه...وانا قدامه اهو
هلال...ديما ياارب في مفاجأه ليكي بليل
نجمه بفرحه...الله مفاجأة ايه متشوقه
هلال بحب...بليل يانجمتي هتعرفي
بعد شوية سابتو وراحت مكتبها...
بعد ساعه ونص استأذنت تروح تشوف زين وهو وافق وراحت المستشفى لي زارتوا ومشيت...
خرجت من المستشفى وفونها رن ردت...
نجمه....حاضر ياميرنا نص ساعه وهكون عندك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا