بعد انتهاء المحاضرة ..حان وقت البريك ..ذهبت سندس إلى حديقة الجامعه كى تتناول السندوتشات 

ليأتى صوت من ورائها ....

باسم : آنسه سندس ...

سندس بارتباك : دكتور باسم وقامت من الأرض بسرعه ...

باسم : كنت عايز أسألك عن الآنسه ريم ...ليه ما حضرتش ..

سندس وهى تنظر إليه بتوهان فى ملامحه وعيونه الخضراء : ريم ...مالها 

باسم : كنت بسأل ليه ما حضرتش 

سندس  فى نفسها بصوت منخفض وهى تنظر إليه : يخربيت جمالك ..

باسم باحراج : افندم 

ريم وهى تخبط جبينها : اقصد ..انا ..انا 

لا اقصد ريم 

باسم : أهدى يا بنتى ..في ايه ...

سندس : اسفه ...اصل ريم عندها ظروف ولم تكمل حديثها ليأتى اتصال لباسم 

باسم : اعذرينى وتركها وذهب ...بقلم منال عباس 

         عند ريم 

تجلس ريم على ماكينه الخياطه فهى تعمل عامله 

هناك وتقوم بحياكه الفساتين ...وتطريزها ...

كان الفستان عبارة عن فستان للخطوبه

بعد أن انتهت من التطريز وذلك بمرور عدة ساعات 

حان وقت الراحه لجميع العاملات ...

شربات  وهى تنظر إليها ببعض من الغيرة 

شربات: انتى لابسه اسود ليه يا ريم 

ريم بحزن : والدتى توفت ..

شربات  : اه ...البقاء لله يا حبيبتي ...عموما الحى ابقي من الميت .أخرجت سيجارة واعطتها لها خدى روقى على نفسك 

ريم : آسفه مش بدخن ..

شربات وهى تشعل السيجارة وتعطيها لها هتشربيها ..يعنى هتشربيها ...

ريم وهى تقوم لارجاعها إليها 

ليأتى المشرف عليهم 

عصام : ايه اللى بيحصل هنا ثم نظر إلى ريم بتوبيخ

عصام : انتى عارفه أن ممنوع التدخين هنا ولا لأ يا آنسه ...مخصوم منك يومين 

ريم بحسرة : انا ...

عصام : مش عايز اسمع نفس 

ويلا كله على شغله البريك خلص ..

ريم بحزن فلم تستطع الدفاع عن نفسها ..ولم تتناول السندوتشات..

شربات  : مبسوطه دلوقتى..مش كنتى سمعتى الكلام من غير شوشرة ..وتركتها وذهبت إلى عملها ...

ذهبت ريم إلى الحمام كى تغسل وجهها كى تستطيع تكمله العمل ...بقلم منال عباس 

لتجد اعلان معلق  على الحائط مكتوب عليها

مطلوب designer  لتصميم الازياء والانترفيو 

فى تمام الساعة الثامنة من يوم الخميس اخر الاسبوع ....

سعدت لهذا الخبر ...

ليأتى من ورائها صوت عصام 

عصام : انتى باين عليكى مشاكسه ...اللى يشوفك واقفه كدا أمام الاعلان يقول بتفهمى وتعرفي تقرأى 

يلا روحى على شغلك ..

ريم : حاضر 

عادت ريم لتكمله عملها وهى تشعر بالجوع الشديد...

       عند لوسيا 

تتصل بها والدتها 

لوسيا : مامى حبيبتى وحشتينى ...

وفاء : الحمد لله يا حبيبتي ..انتى اخبارك وباسم 

لوسيا : كلنا كويسين يا مامى ..وعندى ليكى خبر حلو ...

وفاء : فرحينى 

لوسيا : سامح ابن اونكل سالم طلب ايدى 

وفاء : الف مبروك يا حبيبتى..مع أن كنت فاكرة ان لؤى ..هو اللى عايزك 

لوسيا : انا ولؤى اخوات وأصحاب مش اكتر 

وفاء : عموما ..احنا قربنا نخلص الصفقه ..تحبي نجيبلك ايه 

لوسيا : اكيد فستان الخطوبه 

وفاء : عموما اونكل حسام واونكل سالم وبابا هنا 

وهعرفهم الخبر الحلو دا ..كلها اسبوع بالكتير ونرجع باحلى فستان لاحلى لوسيا ...

لوسيا : تسلميلي سلمى عليهم كتير ...وأغلقت الهاتف...

وفاء فى نفسها : مع انك غيرتى شويه فى خطتى يا لوسيا ...بس يلا مش مشكله ...المهم فى النهايه القصر يكون لينا بأى شكل ....

       عند لؤى فى مكتبه

بهاء : انا عملت الاعلان وحددت الميعاد يوم الخميس الساعه 8

لؤى : الوقت متأخر وانت عارف مش بحب اقعد هناك كتير 

بهاء : دا الوقت الوحيد اللى مناسب ...يكون العمال روحوا ومفيش غير استاااف الليلى

لؤى : طيب تمام ...بس على الله نلاقى حد مناسب 

بهاء : انت ليك خبرتك وهتعرف تحدد...

لؤى : تمام 

خرج بهاء من مكتبه 

وأخرج لؤى من حقيبته رسمة ريم 

وجلس يتأملها بعمق ليجد بداخل الرسم كلمه أينور 

استغرب لما كتبت هذا الاسم بالتحديد 

فهذه الفتاة كل يوم يشعر وان ورائها بحر من الأسرار ...وقرر أن يترك عناده على جنب ويذهب إلى باسم ....ويسأله ....

قاد سيارته عودة إلى الفيلا 

ودخل إلى الداخل ليجد من تعطيه ظهرها وترتدى البيجاما.. بقلم منال عباس 

جرى بفرحه نحوها ..ولفها إليه

لؤى : ريم ولكنه صعق ..لأنها ليست ريم أنها لوسيا 

لوسيا : معلش لقيت دى قولت اجربها أصلها حلوة اوووى ..

لؤى : تمام 

لوسيا : مش هتقولى ..ايه مغيرك 

لؤى : مفيش ..عادى 

لوسيا : انت اتغيرت خالص ...مفيش حاجه كنت بتخبيها عليا ...انت ناسي أننا اخوات 

لؤى : اه طبعا اخوات..استأذنك عندى شغل 

ودخل مكتبه 

لؤى : لأول مرة تكونى جنبي يا لوسيا ...وما احسش بحاجه ناحيتك ...يا ترى انتى فين يا ريم ...يا ترى انا ظلمتك بالحكم عليكى ...انتى روحتى سألتى عن فى المصنع ...وبعدين جيتى ليا النايت كلاااااب 

والعامل قال اول مرة يشوفك هناك 

واضح انى ظلمتك ...يا ترى بتدورى عنى ليه 

وايه موضوع ال 50 الف ...وليه تركتيهم ..بالرغم أن خلاص بقوا معاكى ....

تذكر قربها منه ولون عينيها الساحرتان وبشرتها البيضاء الناعمه ..

ولأول مرة يشعر أنه مشتاق لرؤيتها ..بل مشتاق لوجودها ولمسها ....

       اقتربت الساعه من الخامسه مساءا 

ميعاد عودة ريم من العمل 

خرجت ريم وهى تكاد تقع فهى  لا تستطيع الوقوف من كثرة الإجهاد وقله الطعام ...

نظرت إليها شربات 

شربات : ما تيجى يا حلوة نوصلك فى طريقنا 

ريم : لا شكرا ..انا هاخد الاتوبيس من اول الطريق 

واستكملت المشي وبعد عناء وصلت إلى الاتوبيس 

حتى وصلت إلى منزل سندس ...

فتحت لها الباب سندس 

سندس : مالك يا ريم وشك اصفر اووووى 

ريم : اصل ما أكلتش حاجه من امبارح

سميرة : كدا يا ريم ..ما اكلتيش ليه السندوتشات

ريم : اصل حصل ...وقصت عليهم ما حدث 

سميرة : منها لله شكلها بنت مؤذيه ..احترسي منها 

ويلا قومى غيرى هدومك على ما احضر ليكم السفرة ..

دخلت معها سندس إلى حجرتهم لتساعدها 

سندس بهيام : اخيرا كلمنى ...

ريم : هو مين ؟

سندس : عشت اتمنى لحظه يقف أمام عنيه ..شوفت عنيه عن قرب ..عينيه خضرا زى عينيكى يا ريم ...اصل انا بعشق العيون الخضراء 

ريم : يا بنتى مش فاهمه من كلامك حاجه بتتكلمى عن مين ...

سندس : عن دكتور باسم 

ريم : اه ...ماله 

سندس : اصل انا معجبه بيه اوووى .....قوليلى بقي ..تعرفيه منين ...أصله سأل عليكى

ريم : سأل عليا انا 

سندس : اه والله ...وعرفته أن عندك ظروف 

ريم : دى حكايه طويله اووووى وجلست تقص عليها كل ما حدث الفترة السابقه ..وانتهى الموضوع بوفاة والدتها ...

سندس : يا حبيبتي يا ريم ..معلش ...عموما 

لؤى دا لما يعرف حقيقتك هيندم على كلامه معاكى ...

ريم : كان نفسي مرة يسمعنى ...

تطرق سميرة الباب 

يلا يا بنات العشا جاهز 

ويجلسون سويا لتناول العشاء ...

         عند لؤى 

ينتظر عودة باسم من المستشفى ..

وكان الوقت قد تأخر ...

لؤى : باسم كنت عايز أسألك عن ريم 

باسم : ريم ..مالها ريم 

لؤى : مش بتقول طالبه عندك ..

باسم : أصلها ما حضرتش النهارده ..وسألت عنها صديقتها ..قالت عندها ظروف ...

لؤى : تفتكر ظروف ايه 

باسم : مش عارف

لؤى بغيرة : وانت سألت عنها ليه اصلا 

باسم : أصلى ........ يتبع