حازم: بدر بيحبك

رقية بصدمه: نعم

حازم: اه والله بيحبك دا صاحبى وأنا اعرفو صدقينى يا انسه رقية حاولى تساعدى بدر انو يطلع من الحُزن اللي هو فيه دا اهو احنا وصلنا بس فكرى فى كلامى كويس

رقية نزلت من عربية حازم

رقية: شكراً ان حضرتك وصلتنى

حازم: العفو انتِ زي اختى

مشي حازم ورقية دخلت القصر وهى بتفكر في كلام حازم ولسه رايحه اوضتها

صوت بدر من وراها بحده وغضب: كُنتِ فين

رقية بصت له ومردتش

بدر اتجنن أكتر وقرب منها ومسك ايدها جامد

بدر بغضب: بقولك كُنتِ فين

رقية بوجع: بدر بيه سيب ايدي حضرتك بتوجعنى

بدر بحده: كُنتِ في الڨيلا عندو صح

رقية بإستغراب: ڨيله مين

بدر بغضب: عند حازم وياترى بقى انبسطتي معاه ولا لا

رقية: بدر بيه حضرتك بتظلمنى

بدر بصوت عالي: أمااال اقولك ايه وأنا شايفك من بلكونه أوضتي وانتِ نازله من عربيتو فى الوقت دا واحنا كُنا عندو

سعاد صحيت علي الصوت

سعاد: فى ايه يا بدر يابني ايه الصوت العالى دا

بدر بغضب: أسأليها يا داده الهانم طلعت من غير ما تقولي ولما سألتها كُنتِ فين مش بترد

رقية: حضرتك تقدر تكلم صاحبك وهو هيحكيلك اللي حصل

بدر: وأنا اتصل علي صاحبي ليه أنا بسألك انتِ ولا الحلوه عايزه تمشي علي حل شعرها

رقية بغضب من كلامو: بدر بيه أنا مسمحلكش تتكلم عنى بالطريقه دى

بدر اتنرفز انها بترد عليه ونزل بقلم علي وشها وسعاد اتخضت

بدر بحده: أمال اتكلم عنك ازاى يا محترمه وانتِ مش بتقولي كُنتِ فين

رقية بدموع وايدها علي خدها: علي فكره انا محترمه وأنا هقولك انا كُنت فين أنا كُنت بتمشي علي الكُرنيش ولقيت حازم بالعربيه هو وقف وأصر يوصلني عشان لوحدى وبس هى دى الحقيقه وانتِ ممكن تسأل صاحبك بس أنا مستحيل اقعد هنا تانى وجريت على اوضتها وسعاد وراها

_بدر ضغط على ايدو هو اضايق لما لقي حازم معاها بس كان لازم يعرف الحقيقة الأول

فى اوضه رقية

رقية بدموع بتحط هدومها في الشنطه

سعاد: استهدى بالله يابنتى هتروحي فين الوقتي

رقية: هروح عند أهلي مش معني اني محتاجه الشُغل يبقي له الحق انو يكلمني بالطريقة دي

سعاد: يابنتي والله بدر بيه طيب بس هو يمكن اتعصب شوية

رقية: بس دا ميدهوش الحق انو يضربني بالقلم

سعاد: معلش يابنتي ما أنا بقولك هو اتعصب

رقية: معلش يا داده أنا مستحيل اقعد هنا بعد اللى حصل

سعاد: طب أستني الصبح حتي دلوقتى مش هتلاقي مواصلات

رقية سكتت عشان سعاد معاها حق مفيش مواصلات دلوقتى

سعاد: هاا يابنتى اقعدي الليله دى وسافرى بكرا حتي

رقية بتنهيده: حاضر يا داده هقعد هنا النهارده وأسافر بكرا

سعاد: طب أسيبك أنا عشان تنامى تصبحي علي خير

رقية: وانتِ من أهل الخير

سعاد قفلت النور وخرجت لقت بدر قاعد علي السفره وحاطط راسو بين ايدو

سعاد بزعل: مكنش ينفع اللي انت عملتو دا يابنى

بدر رفع راسو:هى اللي مُستفزه بسألها كُنتِ فين مش بترد

سعاد: برضو يابنى كُنت كلمها بهداوه مش تقول اللي انت قولتو دا

بدر: اهو اللي حصل بقاا

سعاد: منشفه دماغها انها تمشي

بدر بإنفعال: تمشي تروح فين

سعاد: هتروح بيت اهلها كانت عايزه تمشي دلوقتى بس انا هديتها وقولتلها تقعد الليله دى بس وتسافر بكرا الصبح

بدر: أنا مش هسمحلها تسافر أنا بكرا الصبح هتكلم معاها

سعاد: يارب تسمع منك يابنى أنا كلمتها كتير وهى منشفه دماغها اسيبك أنا يابني تصبح علي خير

بدر: وانتِ من أهل الخير يا داده

_صباح اليوم التالي…

بدر بيلبس بيحط البرفيوم بتاعه دخلت كاميليا بتعيط

كاميليا بعياط: بابي

بدر بفزع وهو بيحضنها: مالك يا حبيبه بابي

كاميليا بدموع: ر.. رقية ه.. هتمشي و.. وتسيبني يا بابي

بدر بدأ يهدأ: مين قالك انها هتمشي

كاميليا: أنا شوفتها بتحضر شنطتها الحقها يا بابي أنا مش عايزاها تمشي

بدر بيمسح دموعها: متخفيش يا حببتي أنا مش هسيبها تمشي

كاميليا بسعاده: بجد يابابي

بدر بيبوس خدها: بجد ياروح بابي أنا هروح ليها الوقتى

كاميليا: ماشي يلا بينا

_في اوضه رقية

سعاد: يعنى مفيش فايده يابنتى

رقية: لا يا داده أنا تعبت بصراحه من كلامو ليا

بدر دخل الأوضة ورقية تجاهلتو

بدر بذوق: ممكن يا داده تاخدى كاميليا عايز اتكلم مع رقية

سعاد: من عنيا يابني تعالى يا كاميليا

خرجت سعاد وكاميليا وبدر قفل الباب

بدر بهدوء: ممكن اتكلم معاكي

رقية: أنا مش عايزه اتكلم فى حاجه لو سمحت أنا عايزه امشي من هنا

بدر بغيظ: أنا بتكلم بهدوء عشان لما اتعصب متزعليش عايز اتكلم معاكي

رقية: اتفضل

بدر: أنا أسف علي اللي حصل مني دا

رقية: حضرتك جرحت كرامتي بكلامك دا

بدر: بس انتِ اللي خلتينى اتعصب

رقية: حضرتك كان ممكن تتصل بصاحبك وهو يقولك الحقيقه بس حضرتك عملت ايه غير انك اتهمتى بحاجات محصلتش

بدر: أنا عارف انى غلطت فى حقك بس أنا أسف

رقية بدموع: والقلم اللي حضرتك ادتهونى عشان بدافع عن كرامتى

بدر قرب منها وبا”س خدها اللى ضربها عليه وهى اتوترت وبعدين بعد

بدر بإبتسامة: أنا أسف أظن دلوقتى مش زعلانه صح

رقية: هااا

بدر بضحك: هااا اى انتِ علقتى

رقية بإحراج: أسفه

بدر: وبعدين ما انتِ ضربتينى قلم وأنا سكت

رقية بتسرع: أنا ضربت حضرتك عشان.. عشان.. سكتت بإحراج

بدر بضحك: ما أنا عارف عشان ايه بس حبيت اوترك المهم هتقعدى معانا

رقية: تمام هقعد بس أنا عايز اروح الكُليه

بدر: انتِ كُليتك فى القاهره صح

رقية: ايوه

بدر: خلاص هكلمهم وتروحى علي الامتحانات

رقية: خلاص اللي حضرتك تشوفو

بدر: يعنى هتقعدي معانا خلاص

رقية: ايوه خلاص

بدر بإبتسامة: طب يلا نفطر

رقية ابتسمت: يلا

بدر خلص فطار وراح على شركتو

سعاد: مش قولتلك بدر بيه طيب والله بس هو اتعصب

رقية: حصل خير يا داده

كاميليا: يعنى انتِ هتقعدى معانا

رقية: ايوه انتِ مش روحتي الحضانه النهارده بردو صح

كاميليا بطفوله: كُنت فكراكى هتمشي عشان كده مش روحت

رقية: خلاص يا كوكى أنا هقعد معاكى ايه رأيك نلعب مع بعض

كاميليا بفرحه: يلا بينا

_عند بدر فى الشركه

بدر ماسك ملف فى ايدو

حازم خبط وبعدين دخل

حازم: شوفت خبط اهو عملت بنصيحتك

بدر: طب كويس

حازم بخبث: اخبار رقية ايه

بدر برفعه حاجب: وانت مالك بيها دى غير اللي انت تعرفهم

حازم بضحك: وأنا قولت حاجه دى زى اختى بس خف عليها شويه هاا

بدر: وأنا عملت ايه

حازم حكي لبدر نفس اللى رقية قالتو زعل من نفسو انو زعلها من الاول حتى لو هى سامحتو

بدر: هو الاستاذ مش عندو شركه ما تروح ليها

حازم: ما أنا باجي اسلم عليك وبعدين بروح

بدر: طب مش سلمت يا اخويا يلا سلام

حازم بضحك: سلام

_فى مكان أخر أول مره نروحو ووو……