رواية اوانك فات ملك وحازم الفصل الاول 1 بقلم عمرو راشد
روايه اوانك فات ملك وحازم الفصل الاول 1 هى رواية من كتابة عمرو راشد رواية اوانك فات ملك وحازم الفصل الاول 1 صدر لاول مرة على موقع التواصل الاجتماعى فيسبوك رواية اوانك فات ملك وحازم الفصل الاول 1 حقق تفاعل كبير على الفيسبوك لذلك سنعرض اوانك فات ملك وحازم الفصل الاول 1
رواية اوانك فات ملك وحازم الفصل الاول 1
انا راجع من برا مخنوق ، ممكن ترقصيلي
= ارقصلك! ، ليه يا حبيبي حد قالك عني اني رقاصة
انا بقول ترقصي بالذوق احسن
= هتعمل ايه يعني
" المشاكل الزوجية كتير بس بتختلف من شخص لشخص ، بتختلف في التعامل مع المشكلة نفسها ، في احتوائك للطرف التاني وازاي تعرف تتعامل معاه ومع نفسيته ، طبعا انا بقولكو الكلام دا وانا اخر واحد يعمل بيه وينفذه لإني ببساطة شخص مهمل ومكنتش مستعد للجواز دلوقتي بس حصل واتجوزت البنت اللي بحبها ، عيشنا واتمتعنا ب أيامنا سوا لحد ما المتعة راحت ، لمعة العين مبقتش موجودة ، كل يوم بصحا الاقيها قدامي ف مبقتش توحشني ومن هنا بدأت الحياه الزوجية ، المشاكل والخناقات والملل وكل دا بعد 6 شهور جواز بس
الغدا جاهز يا حازم ، غير هدومك ويلا عشان ناكل سوا
= لا انا مش قادر كلي أنتي ، انا داخل انام
ايه رأيك يا حبيبي نخرج النهاردة
= معلش مش هينفع يا ملك ، عندي شغل كتير
ومينفعش الشغل دا يتأجل النهاردة
= لا مينفعش ، خليها وقت تاني ، عن اذنك
" نزلت وهربت منها عشان ارجع الشغل لانه بقا بمثابة الحجة بتاعتي عشان امشي ومقعدش ، اول ما وصلت الشغل قالولي ان في حد طالب يقابلني
مين حضرتك
= انا دعاء ، انت مش فاكرني ولا ايه ، كنت اشتريت من عندك عربية من سنة وبصراحة كانت تحفة ، و امبارح اخويا قالي انه عايز يجيب عربية وأنا طبعا نصحته بيك
ميرسي جدا ليكي ، خليه يشرف في أي وقت وانا تحت امره
= بصراحة انت ذوق أوي وانا بحب اتعامل معاك ، بحس انك شخص طيب مش استغلالي زي الناس التانية
يا فندم انا اهم حاجة عندي راحة العميل
" قامت من مكانها وبدأت تقرب مني
ماهو دا اللي عجبني فيك ، انك بتحب تريح العميل
" اكتفيت بالسكوت وقاعد متابع نظراتها ليا واللي مش بتقول أبدا انها ناوية على خير
هو انت ليه عامل مش فاهم
= مش فاهم ايه بالظبط
" قربت مني اكتر
بصراحة بقا العميل مش مرتاح خالص وانت بعيد كدا ، ما تقرب شوية
" لقيتها بعدت عني بسرعة عشان باب المكتب اتفتح وكانت ملك واقفة وعنيها خلاص هتدمع وقالتلي
مين دي يا حازم
= ايه يا ملك ، مفيش حاجة ، أنتي ايه اللي جابك دلوقتي
جاية اتفرج بس بصراحة ذوقك وحش أوي ، وأنا أقول انت ليه متغير معايا ، تخيل اني جبت الغلط على نفسي ، كنت بقول اني غلطانة عشان مش عارفة اخليك مبسوط بس واضح اني كنت غلطانة فعلا بس غلطانة عشان فكرت فيك أصلا
" مشيت بسرعة ، جريت وراها عشان الحقها
لو سمحت سيبني
= ملك احنا لازم نتكلم ، بعد اذنك اسمعيني
هتقول ايه ، ايه اللي عندك عايز تقوله ، عايز تدافع عن نفسك يعني ، طب انا واقفة اهو اتفضل دافع
= ملك لو سمحتي اركبي العربية ونتكلم
مش راكبة
= ماهو احنا مش هنتكلم في الشارع ، اركبي معايا لو سمحتي
" ركبت العربية ومشينا
#بقلم : #عمرو راشد
ملك انا...
= اخر حاجة كنت اتوقعها انك تخوني يا حازم ، طب ليه لما عملتلك ايه وحش
والله ما خونتك ، انا معرفش مين دي اصلا
= وهي هتقرب منك بالطريقة دي وهي متعرفكش يا حازم ، انت حتى مش عارف تكدب
انا مش بكدب يا ملك
= وانا عايزة اتطلق يا حازم
" كانت منهارة من العياط ، وأنا باصصلها ومش مركز في الطريق ومخدتش بالي من العربية اللي بتقرب مني لحد ما نور العربية بقا في وشي
حاااسب
" من بعدها محستش بحاجة ، معرفش فوقت بعد قد ايه
حمدالله على سلامتك
= الله يسلمك ، هو حصل ايه
حادثة ، بس الحمدلله انت كويس دلوقتي
= انا عايز اخرج
نطمن عليك الاول
" حاسس ب وجع غريب جدا في دماغي ، صداع شديد جدا
حمدالله على سلامتك يا حازم ، الف سلامة عليك يا حبيبي
= الله يسلمك يا سمير ، انت عرفت منين
المستشفى كلمتني ، المهم انت طمني عليك انت كويس
= كويس بس عايز اخرج من هنا
حاضر هتكلم مع الدكتور
= والمعرض ، اوعا تكون سايب المعرض لوحده
متقلقش
" سمير يعتبر صاحبي من زمان وكمان شغال معايا في المعرض ، بعد ثواني الدكتور دخل الأوضة عشان يطمن عليا وطلب من سمير انه يخرج عشان عايز يتكلم معاه
خير يا دكتور هو حازم ماله دا مش فاكرني
= هو حضرتك تقربله ايه
انا صاحبه و زي الاخوات بالظبط
= طيب ، الحادثة اللي عملها حازم اثرت عليه شوية ، بمعنى أنه جاله فقدان ذاكرة يعني هو مش هيفتكر اخر سنة في حياته
و ايه الحل يا دكتور
= لحد دلوقتي مفيش ، ممكن بالتدريج ومع الوقت الذاكرة ترجعله تاني ، بس المشكلة في مراته
نهار اسود ، هي ملك كمان كانت معاه
= للاسف اه و عندها نفس اللي عند جوزها وبرضو مش فاكرة حاجة
دا حازم مسألش عنها ، معنى كدا انه مش فاكرها يعني
= بالظبط ، وحتى انا لما دخلت عليها عشان أتابع حالتها برضو مسألتش عنه
وانا هعمل ايه
= لازم الاتنين يرجعو بيتهم ويعيشو مع بعض عشان بنسبة كبيرة دا هيساعدهم
ازاي يا دكتور وانت بتقول انهم مش فاكرين بعض اصلا
= هو دا اللي لازم يحصل
" بعد يومين خرجنا من المستشفى ، طلبت من سمير اني ارجع البيت لإني محتاج ارتاح شوية ، مشينا من طريق غريب انا معرفوش لحد ما وصلنا قدام عمارة ، نزلنا انا وهو وطلعنا البيت وفتح باب الشقة
هو دا بيت مين
= بيتك انت يا حازم
بيتي ازاي
= يا حبيبي البيت دا انت اشتريته من فترة ، يلا ادخل انت ارتاح وانا هروح المعرض وهعدي عليك بليل ، لو احتاجت حاجة كلمني
" سمير مشي وانا مكنتش قادر اعمل اي حاجة غير اني ادخل وأنام ، وبالفعل دخلت و محسيتش بنفسي ، تقريبا معداش وقت كتير وسمعت واحدة بتصوت ، فتحت عيني لقيتها واقفة قدام السرير وبتقول
حرااااااامي الحقوننااااااااي يا ناااااس
انضم لجروب التليجرام اضغط هنا
او انضم لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا